JEREMÍAS 8:12 - Enhlit Bible

¹² Incaymalhquic elmancangvomoc maa, ayinyema apquiltemaclha apancaoc. ¡Mepqui eyca apquilmancactama, paj elyasamcoc acvisay ningmancactama! Oyanmongsiclhac sat apquiltemaclha apancaoc, elmasquingvomoc sat apyovoclhojo. Eycaso sicpayvam sicvisay Visqui apancaoc — alhta aptomjac.

JEREMÍAS 8:12 Iomraidhean Croise

GÉNESIS 19:34

Moc acnim nic nat intomjac. Intomjac nic nat cotnaja ayitcoc ayanya inyalhing: —Caylhojo lhiya. Acpatjetamquic alhtaa lhcac tata ingac. Pac ongmecsic mocjam anmin alhtaa nac jay. Copatjetamcoc sat lhiya tata ingac. Ongvitac sat inquitquic, tata ingac aptovana— nic nat intomjac.

SALMOS 52:1

¿So actomja yi apyimtalhnesomacpo apanco lhip aptomja apmapsom? Comasquejec sat mataa singasicjayo Dios.

SALMOS 52:7

—Quip elanojo aptemaclha apanco mepqui apmasma Dios — alhta aptomjac. Aclhanma mataa apvalhoc acyivey solyayem pac (apquilnatam). Apquilinlhanacmec mataa aptemaclha apanco apmapsom.

ISAÍAS 24:2

Apquilno poc sat cotnejic: sacerdote najan enlhit apanco, apvisqui najan aptimesaycam, quilvana avisqui najan actimesaycam, enlhit aptomja apmam asoc najan aptomja apquilhacjam asoc, enlhit acyitna solyayem pac najan enlhit mepqui solyayem, najan enlhit acyitna apmaycaoc nasa najan aptomja aplhoy apmaycaoc nasa poc.

ISAÍAS 3:9

Apquiltomja apquilsilhnanomap apanco, mepqui apquilposcama apquiltemaclha apancaoc melyascalhma. Apquilno enlhitaoc nic nat co Sodoma, apquillingasquic apquiltemaclha apancaoc lhalhma anco. Enlhit layi, ellingamcojoc sat acyanmongayclha apquiltemaclha apancaoc.

JEREMÍAS 10:15

Comalhquejec mataa as asoc, conatovasalhcac sat naysicsa apyicpilquemo Dios.

JEREMÍAS 14:15

Coo sicvisay Dios Visqui apancaoc, olhenic sat apquiltemaclha profetas apquillingascama sicvisay mepqui silapajascama coo. Yitnec apquillingascama amyaa mepqui apquilimpocjay, mepqui mayic ataoc as yoclhilhma. Eticyoc sat profetas naysicsa apquilimpocjay cotnaja ingmoc najan naysicsa mayic ataoc.

JEREMÍAS 23:12

Elyiplaclhac sat amay yatescama olhma, elyingacpoc sat, elpilapmoc sat maa. Otnesquisic sat apquillingaycamco acyimtalhnama. Eycaso sicpayvam sicvisay Visqui apancaoc — alhta aptomjac.

JEREMÍAS 3:3

Eycaso ayinyema melvitay quellhip yingmin acmamay, acvaa inlhojo mocjitma, najan apvaa inlhojo piyam. Am colhenac alhta quilvana alanatama actemaclha anco, am elmancac mocjam quellhip apquilyitsomacpo as quilvana alanatama.

JEREMÍAS 44:10

Am elyanmoncasac mataa apquilvalhoc quellhip as ningvamlha nac jay, mepqui mataa apquilyiplovquiscama siyanamaclha najan siyascamaclha, sicmescama quellhip najan apquilyeyjamcaa — nic nat aptomjac.

JEREMÍAS 6:15

Incaymalhquic elmancangvomoc maa, ayinyema apquiltemaclha apancaoc. ¡Mepqui eyca apquilmancactama, paj elyasamcoc acvisay ningmancactama! Oyanmongsiclhac sat apquiltemaclha apancaoc, elmasquingvomoc sat apyovoclhojo. Eycaso sicpayvam sicvisay Visqui apancaoc — alhta aptomjac.

JEREMÍAS 6:21

Aptomjac alhta Dios Apyimtalhnamo: Otnesquisic sat apquillingaycamco acmasom as enlhitaoc, elpilapmoc sat yoyam eticyoc sat maa. Elitsapojoc sat lhama apyap najan apquitca, apquilmolhama najan apnaymacoc — alhta aptomjac Dios.

EZEQUIEL 23:18

Invitalhquic alhta as quilvana alanatama mepqui apava napatavo enlhit. Actanovquic alhta coo, sicyinyova as quilvana, acno alhta sicyamasma inyalho Ahola.

OSEAS 5:9

Aclingasquic coo amyaa apquillhenamap enlhitaoc Israel, nasoc anco yoyam covac sat. Colhic sat acyanmongseclho apquiltemaclha apquilmolhama Efraín. Cotniclhac sat yoclhilhma actamopeycaoc — alhta aptomjac.

SOFONÍAS 3:5

Apnec tingma apvanyam Dios Visqui ingac, apquillanay asoc altamila, jave asoc acmasom. Aptemaclha mataa appeyvomo moclhama secaseclha. Enlhitaoc eyca mepqui mataa apquilmancactama.

DEUTERONOMIO 32:35

Incovac sat acnim, yoyam oyanmongsiclhac sat apquiltemaclha apancaoc. Quilhvoc sat comascoc apquileyvam, ningatoc maa apnatovasomacpilha.

FILIPENSES 3:19

Covac sat acnim yoyam elnatovasacpoc as ingilyalhinga. Apquilvajanamquic mataa actemaclha ayitsepma apnenyaoc, actomja malha acmovan. Apquilyimtalhnesacpec apanco naysicsa apquiltamongvaycmolhma mepqui apquilmancangviyam. Inquillhenquic mataa apquilvalhoc asoc as nalhpop.