JEREMÍAS 8:10 - Enhlit Bible

¹⁰ Colmalhcac sat apnatamcaa, colmalhcac sat amyipayc, poc sat elmoc. Apquiltingyac mataa acyanmongam enlhit apquilyimtalhnamo najan mepqui apquilyimtalhnamo. Apquilyinimsacpec mataa enlhitaoc, ayinyema apquilpayvam profetas najan sacerdotes.

JEREMÍAS 8:10 Iomraidhean Croise

JOB 31:10

Colhic sat seyinyovquisa etava coo. Elpatjetamcoc sat metnaja nintemólhama.

ISAÍAS 28:7

Apquillhenacpec poc anmin alnapma, malha mepqui aplhingam apquiltomjac. Apquillhenacpec sacerdotes najan profetas anmin alnapma, alyeyjamelhma ayinyema anmin. Malha mepqui apquillhingam apquiltomjac. Apquillhinganacmec naysicsa acvitay apquilvanmoncama. Anmin inquilnapac naysicsa apquilpeyvescasquiclha apquiltemaclha enlhit.

ISAÍAS 57:17

Ayinyema alhta siclho apquilsilhnanomap apanco enlhitaoc Israel. Aclovquic alhta coo acyavataclhojo. Acyanmongsaclhec alhta apquiltemaclha apancaoc. Acyamasmec alhta. Apquilvajanamquic alhta apquiltemaclha apancaoc.

JEREMÍAS 14:14

Aptomjac alhta Dios seyanya coo: Yitne inyicje apquillingascama sicvisay profetas, apquiltomja eyca apquilmopvan amyaa. Jave coo alhta silapajascama, mepqui siyanama, mepqui sicpamejitquiscama. Apquilyinimcasquic mataa acvitay apquilvanmoncama, apquiltomja apquilpayvam apancaoc apquillingascama as profetas.

JEREMÍAS 14:18

Acvitac coo amyip, metlaycaoc apjapaoc maa, ayinyema apquilimpocjay cotnaja ingmoc. Sicvita inlhojo mayic ataoc natingma, - apquilitsepquic maa. Apquilmiyaclhec moc yoclhilhma profetas najan sacerdotes, am elyasamcoc as yoclhilhma — alhta aptomjac seyanya — nic nat aptomjac profeta.

JEREMÍAS 17:11

Enlhit acma apquilnatam metnaja appeyvomo, apyitsomacpo nata altajana netin apóc cotnaja actemolhama (ayinyema moc nata). Inquilyetaponquic ayitcavoc, yoyam colhpanic maa. Colhnanmoc sat apquilnatam as enlhit, etniclhac sat mepqui apquilnatam.

JEREMÍAS 22:17

Lhip aptomja aplhenamap apanco aptingyey apquilnatam. Lhip ayinyema apticyovam enlhit mepqui apquilsilhnanomap, lhip aptimesquiscama apquillingaycamco enlhit apnaymacoc.

JEREMÍAS 32:32

Ayinyema sevenéycam alhta mataa najan apquiltemaclha apquilmapsomcaa co Israel najan co Judá. Acno moc apquiltemaclha apquilviscaa reyes, najan poc apquilviscaa, najan sacerdotes, najan profetas, najan apyovoclhojo enlhitaoc co Judá najan co Jerusalén.

JEREMÍAS 38:22

Colmalhcac sat acyovoclhojo quilvanaa apvisqui tingma pac, colmalhcac sat nipyesicsa apquilviscaa co Babilonia. Coltimjic sat quilvanaa alpayvam: Apyinimsacpec alhta apvisqui rey, ayinyema apnaymacoc apquillhalhmaa. Apquilinyajamquic alhta apyovoclhojo, apquilvita inlhojo aplingaycamco acyimtalhnama apvisqui — alhta inquiltomjac quilvanaa — alhta intomjac acvitay sicvanmoncama.

JEREMÍAS 42:1

Apquilmiyantac nic nat apnaclha Jeremías apyovoclhojo singilpilhtetemo apquilviscaa, najan Johanán, Carea apquitca, najan Azarías, Osaías apquitca, najan apyovoclhojo enlhitaoc, apquilvanyam najan apquitcavoc.

JEREMÍAS 5:31

Avanjec mataa apquilmopvan amyaa profetas. Apquiltingyac asoc apancaoc sacerdotes. ¡Apquilyispaquic mataa enlhit ajancaoc actema nac jay! ¿Co laa eltimjic sat quellhip actamongvamlha nelha acnim? — alhta aptomjac Visqui ingac.

LAMENTACIÓNES 4:13

Ayinyema alhta apquilsilhnanomap apanco profetas najan sacerdotes. Apquilanyacpec alhta eticyoc enlhit mepqui apquilsilhnanomap apanco.

EZEQUIEL 33:31

Apquilvocta inyicje, yoyam elhnam apnaclha lhip, elaylhojo lhip appayvam. Am eyca elyiplovcasac appayvam. Apquilvajanamquic mataa lhip appayvam malha apquilvajaneycaoc apquilminaycmascama. Moc asoc aclhanma apquilvalhoc acvisay solyayem.

AMÓS 5:11

Apnatovasquic quellhip enlhit mepqui asoc, apquilanyomap elsantimquisic trigo apactic actemaclha impuesto. Melhnamejec quellhip tingma apquiltamila. Melyinamquejec sat uva ayingmenic ayinyema ayimjaclha uva actomja quellhip apancaoc.

MIQUEAS 2:4

Ellhenacpoc sat quellhip naysicsa apquilasmescama poc najan apquilminaycmascama malha acmayovsa apquilvalhoc, sat eltimjic: Ningnatovasalhquic ningyovoclhojo. Mepqui nincoo singmasma. Ingilnatamquic nincoo amyipayc, mepqui lhama asoc ayaymalhca — sat eltimjic maa.

MIQUEAS 3:11

Apquiltingyac mataa solyayem acyanmongam apquilpeyvescasquiclha apquilyicpilquemo. Apquiltingyac mataa solyayem acyanmongam apquillhicmoscama sacerdotes. Apquiltingyac mataa solyayem acyanmongam apquilyascamco asoc profetas. Apquililtamjoc mataa epasmoc Dios Apyimtalhnamo, apquiltomja apquilanya: Ingilpasmec nincoo mataa Dios Apyimtalhnamo. Mongvityejec sat mataa acyimtalhnama yoyam onlingamcojo — apquiltomjac mataa.

MIQUEAS 3:5

Apquillhinganacmec mataa enlhitaoc ajancaoc, ayinyema apquiltemaclha profetas apquilyinimquiscama. Apquillingasquic mataa actamilaycam ingvalhoc nipyesicsa enlhitaoc apquilmescama nasa aptoycaoc. Apquillingasquic mataa amyaa apquilimpocjay nipyesicsa enlhitaoc apquilmasma aptoycaoc. Aptomjac Dios Apyimtalhnamo apquilanya profetas apquilmopvancaa amyaa:

HABACUC 1:6

Olapajacsic sat enlhitaoc caldeos ellana apquilimpocjay. Apquiltemaclha apancaoc apquilnapomap, elsavojoc yoclhilhma lhalhma anco. Eltimjic sat apancaoc yoclhilhma cotnajaclha siclho apquileyvomaclha.

SOFONÍAS 1:13

Elnatamacpoc sat asoc apancaoc, enatovasacpoc sat tingma apancaoc. Melhnamejec sat tingma apjalhnancaoc apquillanay siclho. Melyinamquejec sat uva ayingmenic ayinyema uva avjac apquilquinayclha siclho.

TITO 1:11

Incaymalhquic elacsic lhip as ingilyalhinga yoyam elvanma. Apquilsilhnanaquic mataa aplhamoclhojo apquilmolhama ayinyema apquillhicmoscama apquilmopvan amyaa. Apquililtamjoc mataa ellhamasiclha solyayem acyanmongvoyam.

TITO 1:7

Incaymalhquic etnejic apquimja apmamyi mesilhnanomap, aptomja apcanyomap eltamilsic Dios asoc apancaoc. Incaymalhquic meyimtalhnesacpojo apanco. Etnejic mepqui aplom najan mepqui ayajem anmin najan melatingmomap. Etnejic najan mepqui ayitsepma apnenyic solyayem.