JEREMÍAS 7:9 - Enhlit Bible

⁹ Quellhip apquiltemaclha: apquilminyilhma, najan apquilajem poc, apquilyoyam quilvana cotnaja aptava, apquilyeycajascaoc quellhip apquilpayvam, apquilmescama asoc quilaycmasquiscama Baal, apquilayo quellhip quilaycmasquiscama mepqui acmovan.

JEREMÍAS 7:9 Iomraidhean Croise

1 REYES 18:21

Apquinmam nic nat profeta Elías napatavo enlhitaoc apcanayclha. Apyimnatasquic nic nat appayvam apquilanya: —Apquilaycmascam nac quellhip apquiltomja anit apquilvalhoc. Nasoc sat ancoc aptomja Visqui ingac Dios, elyiplovcasojo sat quellhip. Nasoc sat ancoc actomja Visqui ingac quilaycmasquiscama Baal, elyiplovcasojo sat maa. Elyacyes sat lhama quilhvo nac jay — nic nat aptomjac profeta. Am nic nat elatingmavoc enlhitaoc.

ÉXODO 20:3

Mongvanquic ontingya quilaycmasquiscama acyitsomalhca Dios.

ISAÍAS 1:13

Nojelsantimquis nasa asoc seyaycaoc. Actanovquic coo seticjansa. Apquiltamilcasquic mataa quellhip aptemaclha piltin apjalhnancoc najan acnim ninnayclhilha najan actemaclha apcaneyquiclhilha. Am coo ovanac ongvasicjojo fiesta apancaoc najan actemaclha apquilitsovascama.

ISAÍAS 58:2

Eltingyac alhta mataa sicvisay, apquilyasamco inyicje actemaclha ningyiplovquiscama. Apquillhenacpec apanco apquilpeyvomo, malha apquiltomja apquilyiplovquiscama singanamaclha. Inlhenquic apquilvalhoc elyavotac sicnaclha coo.

JEREMÍAS 1:16

Olngacsic sat amyaa sicyanmongsayclha apquiltemaclha apancaoc apquilmolhama Judá, apquilsilhnanomap apanco najan selyamasma alhta coo. Apquiltimec alhta apquilayo quilaycmasquiscama, enlhit alhta apquillanay.

JEREMÍAS 11:13

Aplhamoc mataa tingma apancaoc co Judá, acno mataa quilaycmasquiscama moclhama tingma. Inlhamoc altares apquilvatnamaclha co Jerusalén, yoyam colhic acmesa asoc quilaycmasquiscama Baal, acno mataa acnaycaoc amay apvalhoc tingma.

JEREMÍAS 11:17

Coo sicvisay Visqui apancaoc Sicyimtalhnamo, siyinayclha alhta as yamit. Coo ayinyema apquillingaycamco acyimtalhnama co Israel najan co Judá, ayinyema apquiltemaclha apancaoc acmasom. Apquiltomja sevenneycam, ayinyema apquilayo quellhip quilaycmasquiscama Baal — alhta aptomjac — nic nat aptomjac profeta.

JEREMÍAS 13:10

Apquiltemaclha apancaoc mepqui selyajayquiclho as enlhitaoc, apquilyiplovquisa aclhanmaclha apquilvalhoc. Apquiltomja apquilayo quilaycmasquiscama acyitsomalhca dios. Apquilno as enlhitaoc cinturón ápac mepqui acmomalhca mocjam.

JEREMÍAS 18:15

Elyinyovquic coo enlhit ajancaoc, alvancacmo sicvisay. Apquiltomjac mataa apquilayo quilaycmasquiscama acmasom. Apquilinlhanacmec mataa apquilvajaneycaoc apquiltemaclha nano, malha amay nano. Apquilyiplaclhec mataa melyicpilquemo amay ayitcoc.

JEREMÍAS 19:4

Elyinyovquic alhta apquilmolhama Israel. Apnatovasquic alhta as tingma, apquiltomja apquilayo quilaycmasquiscama. Paj elyasamcoc alinyemayaclha quilaycmasquiscama, paj elyasamcoc nic nat apquilyeyjamcaa, paj elyasamcoc apquilviscaa apquilmolhama Judá. Inyanquinalhquic alhta ema apticyovam mepqui apquilsilhnanomap apanco.

JEREMÍAS 32:29

Naysicsa apquilimpocjay elvitic sat talha apyovoclhojo tingma. Elmetic sat moclhama tingma netin, payjoc apquilvatnama quellhip asoc acmasis, yoyam colhic ayaco quilaycmasquiscama Baal najan macmescama uva ayingmenic acyitnamaclha quilaycmasquiscama acyitsomalhca dios. Apquiltemaclha apancaoc sevenéycam coo.

JEREMÍAS 44:3

Ayinyema alhta apquiltemaclha apancaoc sevenéycam coo, apquiltomja apquilayo quilaycmasquiscama acyitsomalhca dios, najan apquilvatnama asoc acmasis. Melyicpilquemo ilhnic nat as quilaycmasquiscama quellhip, paj najan apquilyeyjamcaa quellhip.

JEREMÍAS 44:8

Quellhip ayinyema sevenéycam naysicsa apquiltemaclha apancaoc, apquilvatnama asoc acmasis acyitnamaclha quilaycmasquiscama. Apquiltemaclha apancaoc quellhip as yoclhilhma Egipto. Enatovasacpoc sat quellhip, ellhenacpoc sat apquilmapsomcaa quellhip nipyesicsa enlhitaoc lhalhma anco.

JEREMÍAS 44:9

Naso, inquilvoncacmec quellhip apquiltemaclha apancaoc apquilyeyjamcaa, najan apquiltemaclha apancaoc apquilviscaa co Judá najan apnatamcaa, najan apquiltemaclha apancaoc quellhip najan apnatamcaa, natingma Jerusalén najan apquileyvomaclha judíos.

JEREMÍAS 48:35

Aptomjac alhta Visqui ingac: Onatovacsic sat co Moab, apquiltomja mataa apquilayo acyitnamaclha quilaycmasquiscama acyitsomalhca dios, apquiltingyey mataa asoc macmescama quilaycmasquiscama najan asoc acmasis — alhta aptomjac.

JEREMÍAS 5:2

Yitnec apquillhanma quellhip mepqui apquilyeycajascaoc, naysicsa apquilyinimquiscama quellhip — alhta aptomjac Visqui ingac.

JEREMÍAS 5:7

Aptomjac mocjam Visqui ingac: Movanquejec ongvasicjiclhojo mocjam as enlhit. Selyamasma apquiltomjac, naysicsa apquiltingyey poc dioses quilaycmasquiscama, mepqui almovan jingilmeyvoc. Ayamquic alhta aptoycaoc acyivey, am eyca jelasicjac coo quellhip, naysicsa apquiltingyey quilvana alanatama.

JEREMÍAS 7:6

Noelane nasa ellingamcojo acyimtalhnama enlhit metnaja apquiltemolhama, najan apquilyeyjeycam, najan lhintampaa. Noelnajap nasa mepqui acvisay ingmoc. Noeltime nasa apquilayo quilaycmasquiscama acyitsomalhca dios, actomja ayasomquiscama quellhip.

EZEQUIEL 18:18

Aptomjac alhta mocjam: Apyap alhta aptovascama mataa poc, aptomja apminyilhma, aptomja apmapsom nipyesicsa apnaymacoc. Ematong sat ayinyema apsilhnanomap apanco.

EZEQUIEL 20:30

Aptomjac alhta mocjam: Ilngas sat lhip coo sicpayvam sicvisay Visqui apancaoc: Apquiltemaclha quellhip apquilsilhnanomap apanco apno apquilyeyjamcaa. ¿So actomja yi? Selyamasma coo, yoyam eltimjic quellhip apquilayo quilaycmasquiscama. ¿So actomja yi?

EZEQUIEL 23:39

¡Naysicsa altemaclha ancaoc alnapma ayitquic naysicsa alayo quilaycmasquiscama altomja acnatovascama tingma apponquinomap, coo sicmaclha ajanco!

EZEQUIEL 5:11

Naso coo sicpayvam, quellhip alhta apnatovascama tingma ajac apponquinomap ayinyema quilaycmasquiscama apancaoc apquilayo quellhip. Mongvasicjiclhejec sat mocjam quellhip, oyanmongsiclhac sat apquiltemaclha apancaoc quellhip.

OSEAS 2:13

Oyanmongsiclhac sat actemaclha anco quilvana, acmescama asoc acyitnamaclha quilaycmasquiscama. Actemaclha anco alhta acnalhimquiscama asoc alyinmom apeoc najan ayispoc. Inyiplaclhec alhta mataa apquilanatama, naysicsa seyamasma coo. Eycaso sicpayvam sicvisay Dios— nic nat aptomjac profeta.

OSEAS 6:9

Apquiltemaclha sacerdotes ticyovam yapmayc, apquiljalhneycam elmoc enlhitaoc. Apquilnapquic mataa enlhitaoc amay acyascama tingma Siquem. Somcoc apquiltemaclha.

AMÓS 4:5

Elninquin sat netin apquilvatnamaclha pan macmescama quilaycmasquiscama, emyetic sat. Ellingas sat apquiltemaclha quellhip apquilmescama nasa, colngalhcac sat lhalhma anco. Eycaso apquiltemaclha apancaoc quellhip — alhta aptomjac Dios Apyimtalhnamo.

SOFONÍAS 1:5

Onatovacsic sat apquilquinamtem tingma apyitsicsic, apquiltomja apquilayo apyová najan apquilticlhiclhama aptapnaoc, apquillhanma mepqui apquilyeycajascaoc coo sicvisay najan acvisay quilaycmasquiscama Milcom.

MALAQUÍAS 3:5

Aptomjac alhta Dios Apyimtalhnamo: Ovotac sat coo, yoyam oyanmongsiclhac apquiltemaclha apancaoc quellhip. Sictomja sicvitaycamco apquiltemaclha quellhip: Apquilvisay apquilyojolhma, apquiltomja apquilyamasma aptava, apquiltomja apquilyeycajascaoc apquillhanma, apquiltomja apquilyajapquiscama apquilvalhoc enlhit apquiltimesaycam, najan avalhaoc lhintampaa, najan apquilvalhoc apquilyeyjeycam, apquiltomja apquilinmelhaycam metnaja apquiltemolhama najan meltomja selayo coo — alhta aptomjac Dios — nic nat aptomjac profeta.

ROMANOS 2:2

Ningyasamcoc nincoo, apyicpilcoc Dios actemaclha aptomja nasoc anco, yoyam enatovacsic apquiltomja apquilyiplovquiscama actemaclha acmasom.

DEUTERONOMIO 32:17

Apquiltingyac nat asoc macmescama demonio yavey, eltimjic apquilayo. Malha dios apancaoc apjalhnancoc, quilhva apvoy, melyicpilquemo nat apquilyeyjamcaa, meltomja nat apquilayo.

EL APOCALIPSIS 21:8

Elyinyovacpoc sat naysicsa talha acvanyam macpalhaquiscama azufre acpayesayclha talha enlhitaoc apquiltomja anit apvalhaoc najan apquiltomja apquilyasquiyam najan apquiltomja apquiltamongvaycmolhma najan apquiltomja ticyovam yapmayc najan apquiltomja apquilanatama najan apquiltomja apquilyojolhmaa najan apquiltomja apquilpayescamo quilaycmasquiscama acyitsomalhca Dios najan apquiltomja apquilmopvancaa amyaa. Eycaso acvisay moc ningitsepma.

EL APOCALIPSIS 22:15

Melantilhic sat mataa enlhitaoc apquiltomja apquilyasquiyam malha simjing najan apquiltomja apquilyojolhmaa najan apquiltomja apquilanatama najan apquiltomja ticyovam yapmayc najan apquiltomja apquilpayescamo quilaycmasquiscama acyitsomalhca Dios najan aplhamoclhojo apquiltomja apquilmopvancaa amyaa.

JUECES 5:8

Inquitamalhquic alhta quilaycmasquiscama alhnancaoc alyitsomalhca dios. Apquilvaac alhta tingma apvanyam cotnaja ingmoc, yoyam elnapacpoc. Am alhta cotamalhca sovjeva, paj najan ningajapsomalhca nipyesicsa cuarenta mil enlhitaoc Israel.