JEREMÍAS 7:18 - Enhlit Bible

¹⁸ Apquilyintilhvocmec mataa enlhit apquitquic. Apquilvatnec mataa talha apyapmayc. Inquillanac mataa nilpayescama incanayc, yoyam colhic acmesa as actom quilaycmasquiscama acvisay Avisqui Netin. Invennalhquic evalhoc sicvita uva ayingmenic macmescama quilaycmasquiscama, ayinyema metnaja nintemolhama.

JEREMÍAS 7:18 Iomraidhean Croise

1 REYES 14:9

Avanjec lhip aptemaclha apmapsom, am alhta elhno apquilviscaa apquilictingam apmamyi. Aclovquic coo, ayinyema lhip apquillanay quilaycmasquiscama allanomalhca hierro aptomja sevennéycam coo.

1 REYES 16:2

Ingyeylhojo sicpayvam, mepqui alhta apyimtalhnamo lhip. Coo alhta sictimesquiscama lhip, etnejic apvisqui nipyesicsa enlhit ajancaoc Israel. Yitnec lhip aptemaclha apsilhnanoncama enlhit ajancaoc Israel, apno alhta apvisqui Jeroboam. Avanjec coo siclom, sicvita lhip aptemaclha apanco.

SALMOS 16:4

Ellingamcojoc sat acyimtalhnama enlhit apquilpayescama quilaycmasquiscama. Mopasmejec sat mataa asoc macmescama quilaycmasquiscama macpalhaquiscama ema. Molhenejec sat mataa acvisay quilaycmasquiscama.

ISAÍAS 3:8

Naso, enatovasacpoc sat co Jerusalén, najan maa co Judá. Avanjec mataa apquilinmelhaycam Visqui ingac, ayinyema apquilpayvam apquilvenéycam Visqui ingac apyimtalhnamo.

ISAÍAS 57:6

Quellhip enlhitaoc Israel apquiltomja apquilayo mataymong ayinyema vatsam. Elatoynacpoc sat quellhip payjoc as mataymong. Apquilmesquic mataa quellhip nintom actic najan anmin acyitnamaclha quilaycmasquiscama. Apquilanayqui ya quellhip sicyisponcama as asoc.

ISAÍAS 65:11

Quellhip apquiltomja selyamasma coo, quellhip alvoncayam inquilhe acponquinomalhca, quellhip apquiltingyey asoc macmescama quilaycmasquiscama Gad najan Mení, acyiplomo macmescama uva ayingmenic.

ISAÍAS 65:3

Apquiltomja selvenéycam co mataa, yoyam olvoc coo. Apquiltingyac mataa asoc macmescama quilaycmasquiscama, payjoc ayimjaclha yamit acma acyilhna. Apquilvatnec mataa asoc acmasis netin mayicjescama yatipjaymacaoc.

JEREMÍAS 1:16

Olngacsic sat amyaa sicyanmongsayclha apquiltemaclha apancaoc apquilmolhama Judá, apquilsilhnanomap apanco najan selyamasma alhta coo. Apquiltimec alhta apquilayo quilaycmasquiscama, enlhit alhta apquillanay.

JEREMÍAS 11:17

Coo sicvisay Visqui apancaoc Sicyimtalhnamo, siyinayclha alhta as yamit. Coo ayinyema apquillingaycamco acyimtalhnama co Israel najan co Judá, ayinyema apquiltemaclha apancaoc acmasom. Apquiltomja sevenneycam, ayinyema apquilayo quellhip quilaycmasquiscama Baal — alhta aptomjac — nic nat aptomjac profeta.

JEREMÍAS 17:2

Malha quellhip apquitquic alyitsomalhca quilaycmasquiscama apquiltamilquiscama quellhip, alvisay yamit avjac, najan yamit ayimja acponquinomalhca,

JEREMÍAS 19:13

Colhojoc sat apticyovomaclha Tofet apyovoclhojo tingma Jerusalén, najan tingma apancaoc apquilviscaa co Judá. Najan netin tingma apquilay'oclha apyová, apquilay'oclha quilaycmasquiscama acyiplomo macmescama uva ayingmenic acyitnamaclha quilaycmasquiscama — alhta aptomjac seyanya elngacsic.

JEREMÍAS 25:7

Aptomjac Visqui ingac quilhvo nac jay: Am eljalhnoc quellhip sicpayvam, apquiltingya quilaycmasquiscama allanomalhca enlhit, apquiltomja apquilayo, covac sat acyanmongayclha ellingamcojoc sat quellhip — alhta aptomjac.

JEREMÍAS 32:29

Naysicsa apquilimpocjay elvitic sat talha apyovoclhojo tingma. Elmetic sat moclhama tingma netin, payjoc apquilvatnama quellhip asoc acmasis, yoyam colhic ayaco quilaycmasquiscama Baal najan macmescama uva ayingmenic acyitnamaclha quilaycmasquiscama acyitsomalhca dios. Apquiltemaclha apancaoc sevenéycam coo.

JEREMÍAS 44:25

Eycaso appayvam ayinyema Dios Visqui ingac apyimtalhnamo: Quellhiya quilvanaa, colyiplovcasojo actemaclha allhanma avalhaoc, cotingyac asoc acmasis macmescama quilaycmasquiscama Avisqui Netin, najan macmescama uva ayingmenic. ¡Tasi, colyiplovcasojo quellhiya allhanma mepqui alyeycajascaoc!

JEREMÍAS 44:4

Ayapajasaclhec mataa silasinancama profetas nipyesicsa quellhip, yoyam elvatsamcoc apquiltemaclha sictanoncama coo.

JEREMÍAS 7:17

¿Apvita ya lhquip apquiltemaclha apancaoc apquilmolhama Judá, apnaycam tingma apquilvanyam najan natingma Jerusalén?

LAMENTACIÓNES 5:13

Apquilanyacpec enlhit ellanac harina, apquilanyacpec apquitcavoc elyintilhvomoc.

EZEQUIEL 16:26

Apquilyipitcavoc mataa egipcios as quilvana, elpatjetamcoc mepqui ayastingam, actemaclha sevenéycam coo as quilvana alanatama. Quellhip israelitas apquilyitsomacpo as quilvana alanatama — alhta aptomjac Visqui ingac.

EZEQUIEL 20:28

Siclhoc alhta apquilvita yoclhilhma alhnancoc sicmescama coo, ayinyema siclhanma siclho mepqui sicyeycajascaoc yoyam ellhovamcoc. Pilapcasquic alhta sicvita apquiltemaclha acmasom sictanoncama coo. Apquiltingyac asoc macmescama quilaycmasquiscama sictanoncama coo. Acvitac alhta apquiltemaclha maa netin inquilhe, najan coning yamit acma acyilhna actemaclha apquilvatnama talha asoc acmasis, najan moc asoc macmescama quilaycmasquiscama, najan uva ayingmenic macmescama quilaycmasquiscama.

EZEQUIEL 8:16

Eyantamaclhec alhta payjoc atrio congne tingma apponquinomap, payjoc atong aplhancoc apponquinomap, payjoc naysicsa vestíbulo najan altar apquilvatnamaclha. Apnam maa veinticinco enlhit apquilpaycomap, melaneyo congne aplhancoc apponquinomap. Apquiljalhec acpayjoclha actiyapmaclha acnim, acticlhicvocmo nalhpop payjaclha napataa, apquiltomja apquilayo acnim naysicsa actiyapma.

EZEQUIEL 8:17

Aptomjac alhta seyanya: ¿Apvita ya lhquip? Apquiltemaclha apancaoc enlhit apquilayo quilaycmasquiscama lhalhma anco yoclhilhma Judá. Avanjec sictanoncama sicvita apquiltemaclha apancaoc as congne tingma apponquinomap.

1 CORINTIOS 10:22

¿Ningiltamjo ya nincoo ongilvinam Visqui ingac? ¿Ningilyimnatem ya nincoo, am elhno Visqui ingac? Paj.

DEUTERONOMIO 32:16

Apquiltingyac nat quilaycmasquiscama, eltimjic apquilayo, apquilinmelham nat Dios, yoyam etanovac sat najan elvoc sat.

DEUTERONOMIO 32:21

Sevennéycam apquiltomjac, ayinyema apquilayo quilaycmasquiscama alyitsomalhca dios, mepqui almovan colmeyvoc enlhit. Oyanmongsiclhac sat apquiltemaclha apancaoc, ayinyema metnaja apnaymacoc. Elinmelham sat enlhitaoc mepqui apquilyascamco.,

DEUTERONOMIO 4:19

Apquilvitac sat ancoc acnim najan piltin najan apyová, noeltime nasa apquilayo. Dios Apyimtalhnamo nic nat apquillana apyovoclhojo apyová, yoyam elvita enlhitaoc lhalhma anco.