JEREMÍAS 6:8 - Enhlit Bible

⁸ ¡Quellhip co Jerusalén, elvatsaoc apquiltemaclha apancaoc! Oyinyoc sat quellhip. Otvacsic sat as tingma, melhejec sat mataa enlhit, etniclhac sat aptamopeycaoc — alhta aptomjac Dios Visqui apyimtalhnamo.

JEREMÍAS 6:8 Iomraidhean Croise

SALMOS 2:10

Quellhip apquilviscaa, elyasingvom quilhvo nac jay. Quellhip apquilyascamco apquiltemaclha, noelyasquim nasa apquillingay.

SALMOS 50:17

Am eltamjoc lhip eyiplovcasojo actemaclha siyanamaclha. Apvennéycam aptomjac lhip sicpayvam.

SALMOS 94:12

Visqui ingac. Payjeclhec ingilvalhoc singiltamescama ayinyema lhip. Singiltamsoycaoc ayinyema lhip appayvam.

PROVERBIOS 19:20

Colhic sat acyascamco ingvalhoc, ningyiplovquisa inlhojo singanamaclha najan singascamaclha.

PROVERBIOS 4:13

Noyinyov nasa lhip maltamescama, iyiplovquis sat mataa, colhic sat lhip acyimnatem apnenyic.

JEREMÍAS 17:23

Am nat elyajaclhoc apquilyeyjamcaa, am nat elyiplovcasoc siyanamaclha, am nat colmac apquilvalhoc, apquiltemaclha acyeyjamelhma.

JEREMÍAS 2:15

¿Co laa ayinyema apquilimpocjay cotnaja ingmoc, malha yamacmeyva acyimnatem alnapma quellhip? Apnatovasquic alhta cotnaja ingmoc quellhip tingma apquilvanyam apancaoc, tingma apquilmeta, yoclhilhma mepqui enlhit apquileyvam.

JEREMÍAS 31:19

Ningyinyovquic alhta lhip, quilhvo eyca ningyanmonquiscama ingilvalhoc, ningyasingvocmec nintemaclha inganco acmasom, avanjec nincoo ningilmancactama najan aclingaycamco ingilvalhoc, ayinyema mongilyascalhma nano nintemaclha inquitcavoc — alhta intomjac siclingay.

JEREMÍAS 32:33

Apquilpaycacmec mataa, mepqui selaneyo coo. Yitne inyicje siltamescama mataa, am eyca colmac apquilvalhoc, am eljalhnoc sicpayvam.

JEREMÍAS 4:14

Quellhip co Jerusalén, eljalhyovas acmasom acyitna apquilvalhoc quellhip, yoyam elvomsacpoc sat tap. Yitnec quellhip alquitamsama apquilvalhoc almasomcaa, ¿co sat acvam elvatsamcoc?

JEREMÍAS 7:20

Coo sicvisay Dios Visqui apancaoc, olinmelham sat as enlhitaoc naysicsa siclom, olinmelham sat natingma, olinmelham sat apnatoscama, olinmelham sat yamtaa najan ayimjaclha ninganma. Colhojoc sat talha casponeyaclha, ayinyema sicyanmongsayclha apquiltemaclha apancaoc — alhta aptomjac Dios.

JEREMÍAS 7:28

Iltimnas sat amyaa: Mepqui apquilyajayquiclho quellhip Dios Apyimtalhnamo, mepqui mocjam apquiltamilcasomacpo apanco — alhta aptomjac Dios.

JEREMÍAS 7:34

Omascocsic sat apquilminaycmascama najan apquilitsovascama nipyesicsa tingma apquilvanyam Judá apquilmolhama najan natingma Jerusalén. Colngalhquejec sat mocjam apquilminaycmascama alyimjapma. Elhojoc sat aptamopeycaoc tingma aptovasomap najan maa yoclhilhma — alhta aptomjac Dios — nic nat aptomjac profeta.

JEREMÍAS 9:11

Aptomjac alhta Visqui ingac: Otnesquisic sat tingma Jerusalén etniclhac sat mayicjescama mataymong, acyilhanmomaclha chacales yamvavo. Enatovasacpoc sat tingma apquilvanyam co Judá, mepqui enlhit sat eltimjic — alhta aptomjac Visqui ingac.

EZEQUIEL 23:18

Invitalhquic alhta as quilvana alanatama mepqui apava napatavo enlhit. Actanovquic alhta coo, sicyinyova as quilvana, acno alhta sicyamasma inyalho Ahola.

OSEAS 2:5

Inquin acvisay alanatama, mepqui ayayo. Intomjac avalhoc inquin: Otingyac sat mocjam apquilanatama, selaycaoc mataa nintom najan yingmin, najan nipquesic apva, najan ajac tamamá, najan olivo ayingmenic, najan actemaclha ningyam — intomjac avalhoc.

OSEAS 9:12

Colvanimsic sat inyicje ayitquic, olyinyovsic sat acyovoclhojo ayitquic, osavojoc sat maa. ¡Enlhit najan quilvanaa layi sicyamasma apyovoclhojo!

LEVÍTICO 26:34

Ajolhec sat cotnejic mepqui amyaa as yoclhilhma, malha acnim ninnayclha meltamilquiscama siclhoc alhta quellhip. Naysicsa mactovascama yoclhilhma, naysicsa apquilmomap quellhip nipyesicsa cotnaja ingmoc. Cotnejic sat mepqui amyaa, malha acnim ninnayclha najan años ninnayclha. Meltamilquiscama siclhoc alhta apquileyvomaclha quellhip.

SOFONÍAS 3:7

Intomjac alhta evalhoc: Elavojoc sat co Jerusalén, elyiplovcasojo sicpayvam. Elmiyovacpoc sat, ayinyema siclho sicyanmongsayclha apquiltemaclha apancaoc. Am eyca elvatsamcoc mocjam apquiltemaclha apquilmapsomcaa.

DEUTERONOMIO 32:29

Apvanqui inyicje elyasingvomoc, acyitna inlhojo acyascamco apquilvalhoc. Elyasingvomoc sat actomjaclha nelha.