JEREMÍAS 6:16 - Enhlit Bible

¹⁶ Aptomjac alhta Dios Apyimtalhnamo apquilanya enlhitaoc: Yejemec siclho apquillhinga amay quellhip. Elilmalhna siclho amay nano, elyiplaclha sat amay actamila anco, colhic sat aclovquisa apquilyampay quellhip. Apquiltomjac apquilatingmavo quellhip: Paj, mongilyiplaclhejec sat maa — alhta apquiltomjac quellhip — alhta aptomjac Dios Apyimtalhnamo.

JEREMÍAS 6:16 Iomraidhean Croise

1 REYES 8:36

Ingyeylhojo sat lhip apma netin. Imascos sat melyascalhma, ilasicjiclhojo sat mocjam enlhitaoc Israel. Illhicmos sat yoyam elyiplovcasojo actemaclha acpeyvomo. Ingyane sat comamiclha mocjam yoclhilhma apquillhoy alhta lhip enlhitaoc apancaoc.

2 CRÓNICAS 19:11

Sacerdote Amarías etnejic sat apquimja apmamyi apyascamco singanamaclha Dios najan Zebadías, Ismael apquitca, apyascamco singanamaclha apvisqui rey nipyesicsa co Judá. Apquiltimesaycam eltimjic sat levitas nipyesicsa quellhip. ¡Elvascap sat quellhip apquiltamjaycam! Epasmoc sat mataa Dios Visqui ingac, apvita inlhojo ningyiplovquiscama actamila — nic nat aptomjac Josafat.

SALMOS 116:7

Actamilaycam evalhoc quilhvo nac jay. Ayinyema Visqui ingac aptomja semasma.

ISAÍAS 2:5

Quellhip Jacob aptovana. Noc, ongileyoc sat mataa ayitsayoclhilhma ayinyema Dios.

ISAÍAS 28:12

Aptomjac alhta apquilanya quellhip: Coytic sat actamilaycam apquilvalhoc actemaclha apquillovquiscama apquilyampay. Am alhta eljalhnoc quellhip.

ISAÍAS 30:21

Apquilpecjam sat ancoc quellhip elyitnocjac lhama nicja najan moc nicja. Cotlapsic sat apquillinga inlhojo appayvam ayinyema apcapoc: Amay as'i, elyiplovjo amay — sat cotnejic appayvam.

ISAÍAS 46:9

Colyitnam apatic sictomjaclha nanoc alhta. Coo sicvisay Dios, paj poc. Coo sicvisay Dios, paj poc apyitsomacpo coo (seyitsomalhca coo).

ISAÍAS 57:2

Coytic sat actamilaycam apquilvalhoc. Apquilyiplovcasquic alhta actemaclha acpeyvomo. Apquilatoynacpec alhta malhic.

ISAÍAS 8:20

Colhic sat singiltimnasa amyaa, yoyam ongilyasamcojo — sat cotnejic amyaa. Acyeyjamelhma apquilpayvam sat cotnejic apquiljalhenmo quellhip.

JEREMÍAS 12:16

Naso, apquiltemaclha alhta siclho apquillhicmoscama nipyesicsa co Juda, yoyam eltimjic apquilayo quilaycmasquiscama Baal. Elpalhavomoc sat mocjam nipyesicsa co Juda, apquiltomja inlhojo apquilayo Dios, ellhenic sat apvisay Dios naysicsa apquillhanma mepqui apquilyeycajascaoc: Nasoc anco napato Dios — sat eltimjic.

JEREMÍAS 18:12

Elatingmojoc sat enlhitaoc, apquillinga inlhojo lhip appayvam: ¡Vamlha itne! Intasi nac nintemaclha inganco acyisponcama ingvalhoc. Ongyiplovcasojoc sat mataa alquitamsama ingvalhoc inganco — eltimjic sat elatingmojo — alhta aptomjac Dios Apyimtalhnamo.

JEREMÍAS 18:15

Elyinyovquic coo enlhit ajancaoc, alvancacmo sicvisay. Apquiltomjac mataa apquilayo quilaycmasquiscama acmasom. Apquilinlhanacmec mataa apquilvajaneycaoc apquiltemaclha nano, malha amay nano. Apquilyiplaclhec mataa melyicpilquemo amay ayitcoc.

JEREMÍAS 2:25

¡Quellhip israelitas! ¡Mepqui tiyayipeoc apquileyvam quellhip, cascoc sat apmancaoc, coymac sat apyispaoc quellhip! Inquiltomjac apquilvalhoc quellhip: Paj, jave nincoo. Ongilyiplovcasojoc sat asoc apancaoc metnaja israelitas — intomjac apquilvalhoc — alhta aptomjac Visqui ingac.

JEREMÍAS 22:21

¡Altimnasquic alhta inyicje, am alhta jelilyajaclhoc quellhip, acno apquiltemaclha apancaoc quellhip nano apquilvaneycamlha, mepqui selyajayquiclho coo!

JEREMÍAS 31:21

Quellhip israelitas, noelquinatquis nasa amay apquilyasaclha alhta siclho. ¡Elyiplanta sat mocjam as amay mepqui apquilquinatquiscama! ¡Elvota sat mocjam quellhip israelitas, elhnam sat mocjam tingma apquilvanyam!

JEREMÍAS 42:3

Ilmalhna sat lhip Dios Visqui ingac, jingillhicmocsic sat yavamlha ontimjic — nic nat apquiltomjac.

JEREMÍAS 44:16

—Comejec ingilvalhoc amyaa singlingascama lhip ayinyema Dios.

JEREMÍAS 50:5

Elpeyvojoc sat amay tingma Jerusalén, apquilpamejitsacpo nalhit amay: Pac ontingyac sat mocjam Visqui ingac najan pacto ningmiyovmalhca, jingilvoncamejec sat mataa — apquiltomjac maa.

JEREMÍAS 7:23

Actomjac nat silanya apquilyeyjamcaa, yoyam elyiplovcasojo siyanamaclha. Otnejic sat enlhit ajancaoc, sictimem coo sicmasma enlhitaoc. Altimnasquic nat siyanama, yoyam eltamilsacpojo apanco, colhic sat actamilaycam apquilvalhoc.

JEREMÍAS 7:24

Am nat elyiplovcasac siyanamaclha, am nat eljalhnoc sicpayvam naysicsa apquiltemaclha apancaoc. Am nat jelyotac yoyam elyanmongsic moc apquilvalhoc, elyinyovquic nat coo.

JEREMÍAS 7:3

ayinyema Dios apyimtalhnamo, Apvisqui apancaoc enlhitaoc Israel: ¡Ellaniclha apquilvalhoc quellhip, elvatsaoc apquiltemaclha apancaoc! Olmeyvoc sat mocjam apquileyvomaclha quellhip.

MALAQUÍAS 4:4

Aptomjac alhta mocjam: Colyit apatic quellhip siyanamaclha macmescama Moisés netin inquilhe Horeb. ¡Apquilanyacpec apyovoclhojo enlhitaoc Israel elyiplovcasojo siyanamaclha najan siyascamaclha!

SAN LUCAS 16:29

Aptomjac nic nat apcanya Abraham: “Yitnec maa vaycajac aptalhescama ilhnic nat Moisés najan apnatalhescama ilhnic nat profetas Dios apquillingascama. Ingyane sat elaylhojo maa” —nic nat aptomjac.

SAN JUAN 12:35

Aptomjac alhta Jesús apquilanya: —Am covanco apnaycamo lhama quellhip ayitsayolhma. Ayitsayolhma innac mocjam quellhip, eltiyasam sat quellhip. Lha eyqui nasa covac yatesaclhilhma. Aptiyasam sat ancoc enlhit yatescamalhma, meyasamquejec sat apyasaclha (elhnanmoc sat).

SAN JUAN 13:17

Apquilyasamcoc sat ancoc quellhip, elyiplovcasojo actema nac jay. Copayjiclhac sat apquilvalhoc quellhip.

SAN JUAN 5:39

Apquilinlhanacmec mataa quellhip apquilyipsateycaoc Dios appayvam actalhesomalhca. Apquililtamjoc elvitangvomoc acyimnatem apnenyaoc. Eycaso actalhesomalhca actomja aclingascama sicvisay.

LOS HECHOS 17:11

Inquiljalhnec alhta apquilvalhoc judíos co Berea, melno apnaymacoc co Tesalónica. Inquilmec alhta apquilvalhoc tasic amyaa. Apquilyipsatamquic alhta mataa vaycajac Dios appayvam aclhamoclhojo acnim. Apquilyitsamquic alhta mataa actemaclha aplhanma Pablo.

ROMANOS 4:12

Aptomjac najan Abraham aptovana niptamin aplhamoclhojo judíos apquiltomja apquilyiplovquiscama actemaclha meyasquiyam Abraham. Ayinyemaclha amamyi ilhnic nat aptimem meyasquiyam ingilyap Abraham. Alhayi ilhnic nat mactimesquiscama asoc monquinatquiscama apyimpejic.

DEUTERONOMIO 32:7

Elanojo sat quellhip niptamin, coyitnam apatic apquiltemaclha nano. Elilmalhna sat apquilyap, najan apquilvanyam, colhic sat altimnasa quellhip.

COLOSENSES 2:6

Eycaso sicpayvam silanya quellhip: Apquilyanmoncasquic alhta apquilvalhoc quellhip yoyam eltimjic apvisqui Jesucristo. Ellhnasojo sat quellhip aptemaclha Jesucristo.

HEBREOS 11:2

Apquilinlhanacmec nic nat apquilyiplovquiscama melyasquiyam ningilyeyjamcaa. Apyispaquic nic nat Dios actemaclha melyasquiyam.

HEBREOS 6:12

Noeltime nasa alyimnatem apquilvalhoc. Elvajanaoc sat quellhip apquiltemaclha enlhitaoc apquiltomja melyasquiyam najan apquiltomja apquilinlhanyacmo yoyam ellhovamcoc asoc aplhanma Dios yoyam elmesic.

JUECES 2:17

Am nic nat elilyajaclhoc mataa apcanamaclha enlhit mayayo. Apquilvatsamquic nic nat apquilayo Dios Apyimtalhnamo, apquiltomja apquilayo quilaycmasquiscama acyitsomalhca dios. Apquilyiplovcasquic nic nat apquilyeyjamcaa singanamaclha Dios, am nic nat elyiplovcasac as enlhitaoc apquilvisay aptovana niptamin.