JEREMÍAS 6:10 - Enhlit Bible

¹⁰ Ayatingmavoc alhta coo: ¿Soc sat ingyeylhojo sicpayvam siclingasa inlhojo amyaa? Mepqui apjaycaoc as enlhitaoc, colapvanquejec elaylhojo. Colmejec sat apquilvalhoc maa, elasmacsic sat apquillinga.

JEREMÍAS 6:10 Iomraidhean Croise

SALMOS 1:2

Apquilinyejemoc anco enlhit acmayjayo apvalhoc Dios appayvam. Actomja aclhanma mataa apvalhoc Dios appayvam acnim anco najan alhtaa.

SALMOS 119:16

Payjeclhec evalhoc sicvita singanamaclha ayinyema lhip. Jelvoncamejec sat mataa lhip appayvam.

SALMOS 119:174

Visqui ajac. Inlhenquic evalhoc jevomsic tap coo. Payjeclhec mataa evalhoc, ayinyema lhip appayvam singillhicmoscama.

SALMOS 119:24

Payjeclhec evalhoc acyitna coo singanamaclha lhip appayvam. Intomjac mataa seltamescama coo (seyascasingvoyam).

SALMOS 119:35

Jeyantemiclha singanamaclha amay ac. Actomja acpayesayclha ingvalhoc.

SALMOS 119:70

Malha acpilhmoc comasis intomjac apquilvalhoc enlhitaoc. Inpayjeclhec evalhoc sicyiplovquiscama lhip apcanamaclha.

SALMOS 119:77

Jeyimliclhojo sat mocjam, yoyam otyisam coo. Payjeclhec mataa evalhoc coo, ayinyema selhicmoscama lhip.

SALMOS 40:8

Dios Visqui ajac. Pac oyiplovcasojo lhip apmayjayoclha. Yitnec evalhoc coo lhip singanamaclha.

ÉXODO 6:12

Apcatingmavoc nic nat Moisés napato Dios: —Am alhta eljalhnoc enlhitaoc Israel. ¿Pa ya elyejiclhojo sicpayvam apvisqui faraón? Paj cotepac mataa sicpayvam — nic nat aptomjac.

ISAÍAS 42:20

Apquilvitac alhta quellhip aclhamoclhojo asoc. Am elyiplovcasac mataa. Apaycaoc innac quellhip, am eyca eljalhnoc mataa.

ISAÍAS 53:1

¿Naso ya melyascomoc sat enlhit, apquillinga inlhojo amyaa? ¿Soc enlhit yoyam elvita apmopvan apanco Visqui ingac?

JEREMÍAS 35:13

Coo sicvisay Dios Visqui apancaoc israelitas. Iyas sat lhip nipyesicsa co Judá najan co Jerusalén. Itne sat lhip elanic nipyesicsa: Elyasingvom sat quellhip, elilyejiclhojo sat siyanamaclha coo. Eycaso sicpayvam sicvisay Visqui apancaoc.

JEREMÍAS 4:4

Quellhip apquilmolhama Judá najan co Jerusalén. Eltingya asoc monquinatquiscama apyimpeoc. Jelyicpilcangvom sicvisay Visqui apancaoc. Colma apquilvalhoc asoc monquinatquiscama pacto ningmiyovmalhca. Elvatsaoc apquiltemaclha apancaoc acmasom. Olvoc sat coo, malha talha sat cotnejic mongmovan ongilsaponsic — alhta aptomjac Dios.

JEREMÍAS 5:21

Quip elaylhojo quellhip alyeyjamelhma, acnaycaoc apataoc najan apjaycaoc, apquiltomja eyca melvitay olhma najan mellingay olhma.

JEREMÍAS 7:13

Acno apquiltemaclha apancaoc quellhip. Am alhta jelyajaclhoc quellhip, siltimnascama lhama najan siltimnascama mocjam mataa. Am alhta jelatingmavoc quellhip. Nasoc sicpayvam siclhanma coo Dios Visqui apancaoc.

JEREMÍAS 7:26

Am alhta elyiplovcasac siyanamaclha, am alhta eljalhnoc sicpayvam quellhip. Ingyangvocmec alhta mataa apquiltemaclha apancaoc, am nat colhno apquilyeyjamcaa — alhta aptomjac Dios.

JEREMÍAS 9:26

Apquilvisay co Egipto, najan co Judá, najan co Edom, najan co Amón, najan co Moab, najan apyovoclhojo apquileyvam yoclhilhma actamopeycaoc najan apquilaptama ava apticvajan. Apquilyitsomacpo as enlhitaoc, najan maa israelitas, metnaja enaymacoc, ayinyema mepqui asoc monquinatquiscama apquilvalhoc — alhta aptomjac Visqui ingac.

EZEQUIEL 3:7

Moc apquiltemaclha enlhitaoc Israel, colyacmoc mataa elaylhojo sicpayvam. Cayjec mataa apquilvalhoc, comejec mataa apquilvalhoc.

EZEQUIEL 33:3

Apvitac sat ancoc enlhit apquiljalhneycam apquilvoy cotnaja ingmoc elimpocjac yoclhilhma. Quilhvoc epayvacsic sat trompeta appayvascama, yoyam elpenacsojo apnaymacoc.

EZEQUIEL 33:9

Apquiltimnasquic sat ancoc lhip, yoyam eyanmongsic moc apvalhoc enlhit apmapsom. Am sat ancoc ingyajalhnoc as enlhit, ematong sat enlhit ayinyema apsilhnanomap apanco. Lhip eyca emyovacpoc sat.

AMÓS 7:10

Apnec nic nat sacerdote tingma Betel, apvisay Amasías. Apcapajasquic nic nat amyaa apnaclha apvisqui Jeroboam: Lhama nipyesicsa enlhitaoc apvisay Amós, aptomja apvenneycam lhip visqui apyimtalhnamo. Apquiltanovquic apyovoclhojo enlhitaoc aptemaclha Amós.

SAN MATEO 3:7

Lhama alhta apvita Juan apquilvaa aplhamoclhojo fariseos najan saduceos. Aptingyeycaoc yapasquiscama yingmin alhta. Aptomjac alhta Juan apquilanya fariseos najan saduceos: —¡Yitnec quellhip apquilvalhoc malha yamacyeyva ayitcaoc! ¿Soc ayinyema altimnascama elinyejic quellhip acyanmongayclha ayinyema Dios yoyam covac sat?

SAN LUCAS 11:45

Apcatingmavoc alhta lhama apyascamco apquiltemaclha: —Visqui, ingilvanec nincoo lha lhip, ayinyemaclha aptomja nac lha —alhta aptomjac.

SAN LUCAS 20:19

Yejemoc alhta apquillova apquilimja apmamyi sacerdotes najan apquilyascamco apquiltemaclha. Apquililtamjoc alhta, yoyam emacpoc Jesús. Apnaymacoc alhta apquilacpoc. Apquilyicpilcangvocmec alhta actemaclha apyitquiscama. Nincoo nac ningillhenalhca —alhta apquiltomjac.

SAN JUAN 7:7

Am eltanovacpoc mocjam quellhip nipyesicsa enlhitaoc lhalhma anco. Coo eyca actanovalhcac, ayinyemaclha aclingasquic coo apquiltemaclha almasomcaa enlhit lhalhma anco.

SAN JUAN 9:40

Apquillingac alhta appayvam napocja fariseos apcanaycam maa. Apquiltomjac alhta apquilanya Jesús: —¿Nincoo ya najan mepqui ingataoc? —alhta apquiltomjac.

LOS HECHOS 7:51

Apquiltimnasamcaa alhta mocjam Esteban: “Enlhit colyavameycaoc nac quellhip. Alyasquiyam apquilvalhoc nac quellhip apquilno metnaja judíos. Najan malha mepqui apquilpaycaoc. Am elyajaclhoc mataa quellhip Espíritu Santo. Apquilvajanamquic quellhip apquiltemaclha apquilyeyjamcaa.

LOS HECHOS 7:60

Yejemoc alhta apquilticlha aptapnaoc nalhpop. Apyimnatasquic alhta appayvam: —Visqui, noyanmoncasiclha nasa setvascama as enlhitaoc —alhta aptomjac. Natamin aptimem appayvam alhta apquitsepa.

ROMANOS 7:22

Inpayjeclhec evalhoc coo acyitna singanamaclha ayinyema Dios.

DEUTERONOMIO 29:4

Am alhta elyasingvocmoc quellhip aptomjaclha Dios.

COLOSENSES 1:28

Ninlingasquic nincoo apvisay Cristo. Ningiltimnasquic mataa nincoo moclhama enlhit najan ningilyascasingvocmec mataa, yoyam elsavojoc apquilyasingvoyam ayinyema apquilpasmeyquiclha Cristo.

2 TIMOTEO 4:3

Incovac sat acnim yoyam elvatsamcoc enlhitaoc apquiljalhenmo singillhicmoscama tasic amyaa. Etlhamcoc sat malha apquilpatmeycam. Poc sat eltingyamcoc apquillhicmoscama yoyam elaylhojo mataa amyaa actemaclha apquilmayjayoclha elaylhojo.

HEBREOS 11:7

Meyasquiyam nic nat innac Noé. Apyasingvocmec nic nat Noé amyaa ayinyema Dios yoyam colvac sat asoc actomja cotamalhca nic nat mocjam. Apquilyajaclhoc nic nat Noé. Apquillanac nic nat barco yamit aysicsic acyiviy yoyam elvomsic tap apmolhama. Am nic nat cotnatsalhcac aptomjaclha Noé yoyam elnatovasacpoc enlhitaoc lhalhma anco. Aptimesacpec nic nat appeyvomo Noé napato Dios ayinyema actemaclha meyasquiyam.