JEREMÍAS 51:5 - Enhlit Bible

⁵ Am alhta eyinyavac mataa Dios Visqui apancaoc israelitas najan co Judá: Avanjec alhta apquilinmelhaycam co Babilonia napato Dios Mayayo najan apyimtalhnamo nipyesicsa israelitas.

JEREMÍAS 51:5 Iomraidhean Croise

1 REYES 6:13

Olhic sat tingma nipyesicsa enlhitaoc Israel. Moyinyovejec sat mataa enlhitaoc ajancaoc Israel — nic nat aptomjac Dios.

2 REYES 21:16

Avanjec nic nat apsilhnanoncama apvisqui Manasés nipyesicsa co Judá. Avanjec nic nat aptanoncama Dios aptemaclha apanco. Apcapajasquic nic nat eticyoc apnaymacoc mepqui apquilmapsomcaa natingma Jerusalén. Invitalhquic nic nat ayinyem ema apancaoc apticyovam.

ESDRAS 9:9

Jave singilyamasma lhip naysicsa ningilmomalhca. Lhip nasoc anco singasicjayo napato apvisqui co Persia, aptomja singmasma yoyam ongillanac mocjam tingma apponquinomap, aptovasomap alhta. ¡Aptomja singmasma quilhvo nac jay ningileyvam yoclhilhma Judá najan natingma Jerusalén!

SALMOS 94:14

Mejingiltovacsejec sat mataa Visqui ingac ningiltomja ningmolhama. Mejingyinyovejec sat mataa Visqui ingac ningiltomja singilyacyescama.

ISAÍAS 44:21

Eycaso sicpayvam Dios: Quellhip Jacob apquilmolhama, enlhitaoc Israel. Selancam quellhip actomjac. Elyasingvoclhojo quellhip. Alantipcasquic nat quellhip otnejic selancam ajancaoc. Nojelvonquim nasa coo.

ISAÍAS 51:15

Coo sicvisay Dios Visqui sicyimtalhnamo, mepqui poc. Coo sictomja sicpatipquiscama yingmin acvanyam, colvitalhcac sat alyayajayam.

ISAÍAS 62:12

Eltamjacpoc sat israelitas: Dios apquilyacyescama, najan: apquilvomsomap tap ayinyema Visqui ingac, najan apnaycam tingma Jerusalén: Apcasicjamap ayinyema Dios, najan moc apvisay: Apcasicjayquiclha mocjam Visqui ingac — sat cotnejic apvisay — nic nat aptomjac profeta.

JEREMÍAS 14:19

Aptomjac nic nat profeta: Dios, ¿naso ya lhquip enatovacsic apquilmolhama Judá? ¿Incastinqui ya lhquip apquilaneyo apquiltemaclha co Sión? ¿So actomja yi singilnapma nac lhip? Ningiljalhnec mataa singaycaoc alinyema lhip, paj alhta ongvitac mataa. Ningiljalhnec mataa sintamilquisquiyam, ningvita eyca ayay ingvalhoc.

JEREMÍAS 14:9

¿Naso ya lhquip malha enlhit mepqui apyimtalhnamo, najan malha acma apquilmaycam mepqui singilpasmom? Ayinayc coo paj. Lhip Visqui ingac apna mataa ningyesicsa. ¡Lhip aptomja apyascamco ningilvisay lhip enlhit apancaoc! Nojingilyinyov nincoo — nic nat aptomjac profeta.

JEREMÍAS 16:18

Oyanmongsiclhac sat apquiltemaclha apancaoc, malha anit sat cotnejic sicyanmongsayclha apquiltemaclha apancaoc melyascalhma najan apquilsilhnanomap apanco. Apquilpaysimcasquic mataa yoclhilhma actemaclha sevenéycam coo, ayinyema apquilayo quilaycmasquiscama apaoc, najan acyitnamaclha quilaycmasquiscama sictanoncama coo — alhta aptomjac Visqui ingac.

JEREMÍAS 19:4

Elyinyovquic alhta apquilmolhama Israel. Apnatovasquic alhta as tingma, apquiltomja apquilayo quilaycmasquiscama. Paj elyasamcoc alinyemayaclha quilaycmasquiscama, paj elyasamcoc nic nat apquilyeyjamcaa, paj elyasamcoc apquilviscaa apquilmolhama Judá. Inyanquinalhquic alhta ema apticyovam mepqui apquilsilhnanomap apanco.

JEREMÍAS 23:15

Eycaso sicpayvam sicvisay Visqui sicyimtalhnamo, silanya profetas: Olmecsic sat asoc acmasca najan veneno ayingmenic, yoyam elyinamcoc. Apquiltemaclha profetas co Jerusalén, apquilsilhnanoncama apyovoclhojo enlhit as apquileyvomaclha — alhta aptomjac.

JEREMÍAS 31:37

Copvanquejec lhama enlhit elyipsitic acvamlha acvinatem netin. Copvanquejec lhama enlhit esavojo asoc acnaycaoc as nalhpop. Motvacsejec sat mataa enlhitaoc Israel, sicvita inlhojo apquilsilhnanomap apanco. Nasoc sicpayvam sicvisay Dios — alhta aptomjac.

JEREMÍAS 46:28

Naso coo sicpayvam sicvisay Dios, siclhalhma coo, yoyam olvomsic tap quellhip. Onatovacsic enlhit apquilinmelhaycam maa naysicsa apquilmomap quellhip. Momascocsejec sat quellhip, ellingamcojoc sat quellhip sicyanmongsayclha apquiltemaclha apancaoc. Colapvanquejec quellhip mepqui sicyanmongsayclha apquiltemaclha apancaoc — alhta aptomjac Dios — nic nat aptomjac profeta.

JEREMÍAS 50:20

Mepqui apquilsilhnanomap najan mepqui melyascalhma elhnam sat israelitas najan co Judá, ayinyema siyasicjayquiclho mocjam enlhit apquilaymomap, sicmascosa melyascalhma — alhta aptomjac Visqui ingac.

JEREMÍAS 51:19

Moc aptemaclha Dios Visqui apancaoc Israel, Jacob aptovana. Apquillanay nic nat aclhamoclhojo asoc, aptomja apquilyacyescama israelitas eltimjic apquitquic. Apvisay apanco: Dios Visqui apyimtalhnamo.

EZEQUIEL 8:17

Aptomjac alhta seyanya: ¿Apvita ya lhquip? Apquiltemaclha apancaoc enlhit apquilayo quilaycmasquiscama lhalhma anco yoclhilhma Judá. Avanjec sictanoncama sicvita apquiltemaclha apancaoc as congne tingma apponquinomap.

EZEQUIEL 9:9

Apcatingmavoc alhta Visqui ingac: Avanjec apquilsilhnanomap apanco israelitas najan co Judá. Somcoc anco apquiltemaclha apancaoc, apquilanem motay coo, apquilanem sicyamasma coo enlhitaoc.

OSEAS 1:10

Ellhamiclhac nanoc sat apquilmolhama Israel, mongmovan ongilyipsitic. Comascoc sat apquilpayvam: Metnaja enaymacoc quellhip — sat cotnejic. Etnejic sat Dios Apyimtalhnamo: Quellhip nac eyitquic, sicvisay Dios momasquingvoyam — sat etnejic.

OSEAS 2:1

Eltimjic sat quellhip elanic apquilyalhinga: Dios apnaymacoc nac quellhip — sat eltimjic. Eltimjic sat quellhip elanic apquilyalhinga: Dios apquilasicjayclha nac quellhiya — sat eltimjic — alhta aptomjac Dios Apyimtalhnamo — nic nat aptomjac profeta.

OSEAS 2:3

Am sat ancoc caylhojoc, evanquic opquiniclha ayalhnaclhojo quilvana, colhojoc sat ayalhnayo actiyaycamlha siclho. Otniclhac sat yoclhilhma actamopeycaoc acyamayolhma lhopactic, mepqui yingmin. Cotsapoc sat ayinyema acnim ayajem.

OSEAS 4:1

Quellhip israelitas, elaylhojo appayvam ayinyema Dios Apyimtalhnamo. Elatingmojoc sat napato Dios Apyimtalhnamo apyovoclhojo apquilsilhnanomap apanco as yoclhilhma. Mepqui actamilaycam apquilvalhoc apyovoclhojo enlhitaoc, mepqui apquilyascamco apmayjayoclha Dios.

OSEAS 4:2

Yitnec acmovan amyaa najan apquilyinimquiscama, yitnec apquilnapma poc, najan apquilminyilhma, najan apquilanatama, najan apquilnapomap, najan apquilyanmongsayclha apquiltemaclha acmasom.

MIQUEAS 7:18

Lhip apvamlha pac lhama Dios Apyimtalhnamo, paj poc. Apcasicjaclhec mocjam lhip apmoscosa nintemaclha acmasom. Inquilvoncacmec lhip ningilinmelhaycam lhip, ningilaymalhca incanit. Ingilasicjaclhec mocjam nincoo, apquilvatesa aptemaclha aplom cotningvoyam nelha.

MIQUEAS 7:20

Nolvates nasa lhip aptemaclha singasicjayo najan singmasma, acno aplhanma ilhnic nat lhip Dios Apyimtalhnamo mepqui apyeycajascaoc, napatavo ningilyeyjamcaa Abraham najan Jacob — nic nat aptomjac profeta.

ZACARÍAS 12:6

Opasmoc sat apquilviscaa co Judá, eltimjic sat malha talha naysicsa alhpongja, najan malha talha mayicjescama papiyov. Enatovasacpoc sat cotnaja ingmoc nipyava co Judá. Elmiyovacpoc sat apnaycam tingma Jerusalén.

ZACARÍAS 12:8

Olmeyvoc sat coo sicvisay Visqui enaymacoc Jerusalén. Enlhit melyimnatem as tingma ellhojoc apquilyimnatem, apno ilhnic nat apvisqui David. Aptovana niptamin David ellhojoc sat Dios, ellhojoc sat ángel Dios apcasinancama, aptomja apnalayclha enlhit.

ZACARÍAS 2:12

Etnejic sat apquilmolhama co Juda as yoclhilhma acponquinomalhca. Jerusalén etnejic sat tingma malyacyescama Visqui ingac.

1 SAMUEL 12:22

Innec ayaco apvisay Dios Apyimtalhnamo. Meyinyovejec sat quellhip, ayinyemaclha Dios aptomja apquilyacyescama quellhip.