JEREMÍAS 51:1 - Enhlit Bible

¹ Aptomjac alhta Visqui ingac: Ongvapajacsic sat yatepiyam, yoyam etvacsic sat Babilonia najan caldeos selinmelhaycam.

JEREMÍAS 51:1 Iomraidhean Croise

2 REYES 19:7

Quip ilanojo. Otnesquisic sat amyaa acpilapquiscama apvisqui co Asiria. etajiclhac sat apcaoclha, ematong sat maa — alhta aptomjac Dios — nic nat aptomjac profeta.

SALMOS 137:8

Quellhip tingma Babilonia, colhic sat acnatovasa quellhip. Colhic sat acyanmongseclho apquiltemaclha quellhip. Intasic anco aptemaclha enlhit apquiltomja apquilyanmongsayclha apquiltemaclha,

ISAÍAS 13:13

Coyovjam sat netin, coyovjam sat as nalhpop naysicsa acvoy sat aplom pac Dios eyanmongsiclha apquiltemaclha apancaoc enlhitaoc.

ISAÍAS 14:14

Olhic sat nitno tacjalhit yipjopay, olhojoc sat Dios apyimtalhnamo apanco — alhta intomjac apvalhoc.

ISAÍAS 21:1

Amyaa aclhenamalhca yoclhilhma actamopeycaoc nicja yingmin acvanyam: Malha yatepiyam huracanes apquinyema nipiyam, apquilhcajacmec singiltovascama.

ISAÍAS 47:1

Aptomjac alhta Visqui ingac: ¡Quellhip co Babilonia, apquilyitsomacpo quilvana mepqui atava! ¡Enanteyip apquiltajanem apquiltimem apquilviscaa! ¡Ellhnamaja sat nalhpop naysicsa lhopactic, comascoc sat mayayoclha quellhip!

JEREMÍAS 23:19

Visqui aplom pac acyitsomalhca alhcajayam, malha yatepiyam huracán, aptovascama enlhit apquilsilhnanomap apanco.

JEREMÍAS 49:36

Ongvapajacsic sat nipyesicsa enlhitaoc alhcajayam ayinyema nipyava maa. Elilhpansacpoc sat lhalhma anco. Elvitacpoc sat moclhama yoclhilhma lhalhma anco enlhit apquilinyem.

JEREMÍAS 50:21

Aptomjac alhta Visqui ingac apquilanya: ¡Elimpocja sat yoclhilhma Merataim najan apnaycam payjoc Pecod! (yoclhilhma Babilonia) ¡Elminlhinaoc sat maa, elnatovas sat, yoyam eticyoc, acno siyanama eltimjic! — alhta aptomjac.

JEREMÍAS 50:24

Aptomjac mocjam Visqui ingac: Apquilmacpec quellhip co Babilonia, acmam tava apac trampa sicpicanma coo. Oyanmongsiclhac sat apquiltemaclha quellhip, apquiltomja selinmelhaycam siclho — alhta aptomjac.

JEREMÍAS 50:29

¡Elansiclha sat singilpilhtetemo, elimpocjac sat Babilonia! ¡Elvocja sat tingma, mengyinyejic sat lhama! ¡Elyanmongsiclha apquiltemaclha apancaoc! Apquilinmelham alhta Dios Visqui apyimtalhnamo, apvisay mayayo nipyesicsa israelitas.

JEREMÍAS 50:33

Aptomjac mocjam Visqui ingac: Avanjec apquillingaycamco acyimtalhnama enlhitaoc Israel najan co Judá. Apquilmacpec alhta nipyesicsa cotnaja ingmoc, mepqui mataa apquiltajayclha.

JEREMÍAS 50:9

Otnesquisic sat elimpocjac poc cotnaja ingmoc nipyesicsa co Babilonia, payjoc nilhqueyja. Elimpocjac sat tingma apvanyam, yoyam elmoc. Apquilimsec mataa yanca apancaoc, mepqui apquiltaticpongam.

JEREMÍAS 51:53

Apquilyilhanmec sat ancoc co Babilonia payjoc apquilyilhanmomaclha nitnoc anco, enatovasacpoc sat apyovoclhojo, ayinyema cotnaja ingmoc silapajascama coo — alhta aptomjac Visqui ingac.

JEREMÍAS 51:60

Aptalhosquic alhta siclho Jeremías acyovoclhojo amyaa aplhenamap tingma Babilonia, yavamlha colvac sat asoc acyimtalhnama.

EZEQUIEL 19:12

Incaptalhquic alhta uva avjac najan acyinyovmalhca nalhpop. Alhcajayam actomja acyamascama najan acpalescama acyilhna. Inyamamquic actengaoc, innec alhta alvatna talha acyovoclhojo avjac.

OSEAS 13:15

Apquilyitsomacpec apquilmolhama Israel panatem ilhnamoc. Covac sat alhcajayam acvanyam ayinyema yoclhilhma actamopeycaoc. Coymac sat acyitnamaclha yingmin najan actiyapmaclha yingmin. Ellanac sat apquilimpocjay cotnaja ingmoc, elminyilhic sat asoc acmamnave.

AMÓS 3:6

Pilapcasquic enlhitaoc natingma, apquillinga inlhojo appayvascama trompeta. Apquillingamcoc acmasom enlhit natingma, ayinyema apcapajascama Dios Apyimtalhnamo.

ZACARÍAS 2:8

Eyapajasquic alhta Visqui apyimtalhnamo olngacsic amyaa nipyesicsa enlhitaoc lhalhma anco: Quellhip apquilinmelhaycam enaymacoc judíos, colhojoc sat selticpaycam ejatic coo. Coo sat olnapoc as enlhitaoc, elmacpoc sat nipyesicsa apquiltimesaycam siclho — alhta aptomjac. Colhic sat ayaco Visqui apyimtalhnamo. Elyasingvomoc sat quellhip seyapajascama Visqui nipyesicsa quellhip.

LOS HECHOS 9:4

Yejemoc alhta apquilpolintamo nalhpop Saulo. Aplingac alhta lhama appayvam: —Saulo, Saulo. ¿Soctomja seyamasamcaa nac? —alhta intomjac aplingay.