JEREMÍAS 5:12 - Enhlit Bible

¹² Am alhta colmac apquilvalhoc co Israel najan co Judá, apquiltomjac apquilpayvam: Jave aptemaclha Dios. Mongvityejec sat acmasom, mongvityejec sat mayic ataoc najan singilimpocjay cotnaja ingmoc.

JEREMÍAS 5:12 Iomraidhean Croise

2 CRÓNICAS 36:16

Apquilasmesacpec nic nat soycam amyaa Dios apquillingascama. Invennalhquic nic nat appayvam ayinyema Dios, apquilasmesacpo profetas Dios apquillingascama. Aplovquic nic nat Dios Visqui ingac apvita apquiltemaclha apancaoc, aclhanma ilhnic nat apvalhoc melmiyovejec sat mataa enlhitaoc.

SALMOS 10:6

Intomjac mataa apvalhoc: —Mongvacyejec mataa coo. (mosilhnanalhquejec) Motjanyejec sat acyimtalhnama yoyam olngamcojo — intomjac apvalhoc.

SALMOS 14:1

Intomjac mataa apvalhoc meyascamcolhma: —Mepqui Dios Visqui ingac — intomjac apvalhoc. Acmasom apquiltemaclha najan actanovmalhca. Paj lhama aptomjac appeyvomo nipyesicsa.

PROVERBIOS 30:9

Colhenejec sat evalhoc lhip, acyitna inlhojo cascama silnatam, mepqui siclhanma lhip apvisay. Ominyilhic sat coo, mepqui inlhojo silnatam, cotnejic sat sicvenéycam lhip apvisay Dios Visqui ingac — alhta actomjac coo — nic nat aptomjac Agur.

JEREMÍAS 14:22

Paj coyitnac lhama quilaycmasquiscama acmovan cotnesquisic acmamay. Paj covanac netin cotnesquisic acmamay mepqui lhip. Lhip Dios Visqui ingac. Apmopvan innac lhip ellanac aclhamoclhojo asoc, yoyam jingilmecsic nincoo. Ningiljalhnec mataa lhip, yoyam jingilmeyvoc nincoo — nic nat aptomjac profeta.

JEREMÍAS 2:6

Am alhta jeltingyac mataa coo, sicyinyovquiscama nat yoclhilhma Egipto. Sicnalayclha alhta yoclhilhma actamopeycaoc, acmasom alhta acyamay olhma, mepqui alhta yingmin alvata. Mepqui enlhit as yoclhilhma mepqui amay.

JEREMÍAS 28:4

Otajicsojoc sat mocjam apvisqui Jeconías, Joacim apquitca, apmomap najan apyovoclhojo apnaymacoc co Judá apquilmomap. Naso, omascocsic sat apmopvan apvisqui co Babilonia, acno siyintascama yamit nanyetic vayqui acyinyovascama. Eycaso sicpayvam sicvisay Visqui sicyimtalhnamo — alhta aptomjac.

JEREMÍAS 4:10

Eltimjic sat jelanic: ¡Lhip Visqui, aptomja apyinimquiscama enlhit co Jerusalén! Lhip alhta aplhanma coytic actamilaycam ingvalhoc, pilapcasquic ningvita sovo acvinatem, yoyam jingilnapoc — sat eltimjic jelanic.

JEREMÍAS 43:1

Appenasquic nic nat Jeremías aplingascama appayvam ayinyema Dios, nipyesicsa enlhit.

JEREMÍAS 5:31

Avanjec mataa apquilmopvan amyaa profetas. Apquiltingyac asoc apancaoc sacerdotes. ¡Apquilyispaquic mataa enlhit ajancaoc actema nac jay! ¿Co laa eltimjic sat quellhip actamongvamlha nelha acnim? — alhta aptomjac Visqui ingac.

JEREMÍAS 6:14

Naysicsa apquilyimsem enlhit ajancaoc, apquiltomjac apquilpayvam: paj amyaa, sas anco — apquiltomjac maa. Avanjec mataa amyaa acmasom mellhanma maa.

EZEQUIEL 13:6

Acmovan amyaa alvitay alhta apquilvanmoncama. Apquillingasquic mataa acmovan amyaa. Apquillhenqui inyicje coo sicvisay, eyca jave coo silapajascama ellingacsic amyaa. ¡Apquiljalhnec mataa, yoyam opasmoc apquiltemaclha!

MIQUEAS 2:11

Yitnec sat ancoc apmopvan amyaa enlhit: Ingvanquic ongyinamcoc anmin najan uva ayingmenic — sat etnejic maa. Aptamila sat etnejic profeta nipyesicsa apnaymacoc — nic nat aptomjac profeta.

MIQUEAS 3:11

Apquiltingyac mataa solyayem acyanmongam apquilpeyvescasquiclha apquilyicpilquemo. Apquiltingyac mataa solyayem acyanmongam apquillhicmoscama sacerdotes. Apquiltingyac mataa solyayem acyanmongam apquilyascamco asoc profetas. Apquililtamjoc mataa epasmoc Dios Apyimtalhnamo, apquiltomja apquilanya: Ingilpasmec nincoo mataa Dios Apyimtalhnamo. Mongvityejec sat mataa acyimtalhnama yoyam onlingamcojo — apquiltomjac mataa.

DEUTERONOMIO 29:19

Aptomjac nic nat mocjam Moisés: —Apquiljalhno inyicje quellhip apquilanyacpo elavojo. Noncolhen nasa apquilvalhoc apquiltamila apancavo quellhip, coymalhquejec mataa elavojoc quellhip, ellingamcojoc sat macnatovascama.

1 SAN JUAN 5:10

Am sat ancoc ongilyascacmoc Dios Apquitca, coytic sat ingvalhoc. Ningilyascacmec sat ancoc Dios, onganic sat apmopvan amyaa Dios. Ayinyemaclha ningyascacmec aplhanma Dios yoyam colhejec acyascacmo apvisay Apquitca.

1 SAMUEL 6:9

Noelquinatquis nasa, intajaclhec sat ancoc carro payjoc tingma Bet-semes. Nasoc anco ayinyema alhta Dios ninlingaycamco acyimtalhnama. Am sat ancoc cotajiclhac carro, collhong sat vayqui moc nicja. Ongilyasamcojoc sat, am alhta conyemac Dios ninlingaycamco acyimtalhnama. Ayinyema alhta mepqui ningyascamco.