JEREMÍAS 5:1 - Enhlit Bible

¹ Aptomjac alhta Visqui ingac: Eltingya sat quellhip enlhit appeyvomo, elsovjam sat tingma apvanyam Jerusalén, elsovjam sat amay najan apvalhoc tingma. apquilvitac sat ancoc quellhip lhama enlhit appeyvomo, motvacsejec sat tingma, ongvasicjiclhojoc sat mocjam quellhip.

JEREMÍAS 5:1 Iomraidhean Croise

1 REYES 19:10

Apcatingmavoc nic nat Elías: —Lhip Dios Apyimtalhnamo. Avanjec alhta sicvascapma sicmasma lhip apvisay. Apquilyinyovquic enlhitaoc Israel pacto asoc monquinatquiscama apmayjayoclha lhip. Apquiltovasquic alhta apquilvatnamaclha actemaclha ningilpayescamoclha lhip. Apmatnec alhta mataa profetas apquillingascama lhip apvisay. Acvocmec coo tap elhapco. Apquiltamjoc mataa jelajic coo lha — nic nat aptomjac Elías.

2 CRÓNICAS 16:9

Apquilanoc mataa Dios Visqui ingac apquiltemaclha enlhitaoc lhalhma anco. Aptomja mataa appasmeyquiclha enlhitaoc acyitna inlhojo melyasquiyam. ¡Lhip eyca aptomjayclho acyeyjamelhma! Comasquejec sat mataa apquilimpocjay cotnaja ingmoc nipyesicsa quellhip — nic nat aptomjac profeta.

SALMOS 12:1

Jingmiyov nincoo Visqui ingac. Inmasquec ningvitay enlhit melyasquiyam. Mepqui mocjam apquilyiplovquiscama nipyesicsa enlhitaoc lhalhma anco.

SALMOS 14:2

Apquilanoc mataa Dios apna netin, apvitac apquiltemaclha enlhitaoc. Apquiltamjoc etac nipyesicsa aptomja apyascamco, actomja aclhanma apvalhoc etingya Dios.

SALMOS 14:3

Apquillhinganacmec aplhamoclhojo, apquiltomja melyascamco. Paj lhama aptomja apyiplovquiscama actemaclha actamila.

SALMOS 94:16

¿Soc sat jepasingvota? ¿Soc sat jemyoc napatavo apquilmapsomcaa?

PROVERBIOS 20:6

Ningillhenalhqui inyicje inganco nintemaclha ningiltamila, am eyca etacpoc mataa lhama aptomja aptamila apanco.

PROVERBIOS 23:23

Itingya sat lhip actomja nasoc anco, actomja singyascasingviyam najan singiltamescama, najan actemaclha ningyascamco. ¡Noyinyov mataa lhip!

PROVERBIOS 8:3

Apvitacpec maa atong acyivey, payjoc apatong tingma apvanyam.

LOS CANTARES 3:2

Aclhaticjac alhta coo sitamsama sicponcanma nipyesicsa tingma apvanyam. Ayitamquic alhta sicponcanma siyasicjayo, sicsovjam alhta apvalhoc tingma. Ayitamquic alhta inyicje, am alhta otaac mocjam.

ISAÍAS 59:4

Mepqui apquilpeyvescasquiclha acpeyvomo quellhip. Yitnec apquilmopvan amyaa najan apquilyinimquiscama quellhip. Malha apquillovso quellhip asoc acmasom, eltimsic apquiltemaclha acmasom.

JEREMÍAS 2:29

Quellhip seltingyey coo, naysicsa apquiltemaclha selinmelhaycam, ¿so actomja yi? Eycaso sicpayvam sicvisay Visqui sicyimtalhnamo — alhta aptomjac.

JEREMÍAS 44:15

Apquilyasamcoc nic nat enlhit altemaclha apnatamcaa almescama asoc macmescama quilaycmasquiscama. Innam nic nat moc quilvanaa aclhamoclhojo, apcanaycamó lhama judíos apquilinyema nipiyam yoclhilhma Egipto. Apquiltomjac nic nat apquilanya Jeremías:

JEREMÍAS 8:6

Aljalhnoc alhta inyicje, paj alhta olngac apquilyanmonquiscama moc apquilvalhoc enlhit apquilmapsomcaa. Mepqui aclhanma apquilvalhoc: ¿Yitne ya sictemaclha ajanco? - paj. Apquilyiplovcasquic mataa apquiltemaclha apancaoc, apno nolhing apquinyem mepqui apatong ninlhinquiscama.

JEREMÍAS 9:2

Altamjo inyicje otac yoclhilhma actamopeycaoc amyip actamila, yoyam olhic. Altamjo inyicje oyinyoc enaymacoc olhic mocjay, ayinyema apquiltemaclha enaymacoc apquilyamasma Visqui ingac.

JEREMÍAS 9:7

Aptomjac mocjam Visqui apyimtalhnamo: Acno nimpicanma congne talha tava apac, yoyam copayjiclhac sat, cotnejic actamila anco, olhnasojoc sat enlhit ajancaoc.

EZEQUIEL 22:30

Ayitamquic mataa enlhit, emyoc enlhit ajancaoc, am alhta otayac.

EZEQUIEL 9:9

Apcatingmavoc alhta Visqui ingac: Avanjec apquilsilhnanomap apanco israelitas najan co Judá. Somcoc anco apquiltemaclha apancaoc, apquilanem motay coo, apquilanem sicyamasma coo enlhitaoc.

DANIEL 12:4

Lhip Daniel, iyilhasquis as amyaa. Ingyapiclha sat candado as vaycajac. Copvanquejec enlhit elyipsitic acvaycmo actamongvomlha nelha acnim. Elquitmoc sat enlhitaoc lhalhma anco, yoyam elyasingvomoc najan coyangvomoc apquilyascamco — alhta aptomjac ángel.

JOEL 2:9

Apquilaplhinquic netin tingma, apquilyiplayclho mataymong tingma apjalhtam. Apquilantalhnec mataa atong ayitcoc tingma.

AMÓS 8:12

Elsavojoc sat apquileyvam yoclhilhma eltingya Dios appayvam. Eltingyac sat payjoc acyitnamaclha yingmin acvanyam, acvaycmo moc yingmin acvanyam, najan payjoc nilhqueyja acvaycmo nipiyam. Melvityejec sat mataa Dios appayvam.

ZACARÍAS 2:4

Ingyimpojo, ingyimjamaoc sat apyimnanic apmaycam apmic cinta ningilyipsatem, iltimnas sat Visqui ingac appayvam: Elhnam sat mocjam enlhitaoc tingma Jerusalén. Elhamiclhac sat enlhitaoc najan apnatoscama, mongvanquejec ongillana mataymong tingma apjalhtam.

SAN LUCAS 14:21

Yejemoc nic nat apvactamo apquilancam apquiltimnascactamo apvisqui. Aplovquic nic nat aptomja apquiltimem caya. Aptomjac nic nat apcanya apquilancam: “Ingva, ipecjicsojo emyaclha tingma najan amay. Inalanta sat enlhit mepqui apquilnatam, najan apquiltomja apquilpinsem, najan apquilyateyaycam najan mepqui apataoc” —nic nat aptomjac.

2 TESALONICENSES 2:10

Elsilhnanac sat mongyascalhma inyap yoyam elnatovasacpoc sat enlhitaoc. Cotnejic sat acyanmongayclha melyiplovquiscama actomja nasoc anco. Am alhta elasicjac actomja asoc anco. Ayinyemaclha avanquic colvomsic tap as enlhitaoc actomja nasoc anco.