JEREMÍAS 49:1 - Enhlit Bible

¹ Eycaso amyaa Visqui ingac apquillhenacpo co Amón: ¿Co laa apquilyasa israelitas apquitquic? ¿Co laa apquilyasa apquilmayclha amyip? ¿Co laa ayinyema quilaycmasquiscama Milcom, actomja avisqui nipyesicsa co Gad? ¿Co laa ayinyema tingma apquilvanyam apquilnayclha amonitas?

JEREMÍAS 49:1 Iomraidhean Croise

GÉNESIS 19:38

Invitac nic nat ayitca Lot apquitca insilhyo. Inquiltimec nic nat apvisay Ben-ammi. Apvitac nic nat Ben-ammi aplhamoclhojo aptovana. Apquiltimec nic nat apquilvisay amonitas acvocmo quilhvo nac jay.

2 REYES 10:33

Payjoc vatsam Jordán nicja actiyapmaclha acnim, payjoc yoclhilhma Galaad, payjoc Gad, payjoc Rubén, payjoc Manasés, ayenmo Aroer nicja vatsam Arnón, najan maa Galaad najan Basán.

2 REYES 24:2

Pilapcasquic nic nat Joacim apvita cotnaja ingmoc, Dios Visqui ignac apquilapajascama, apquiltomja apquilminyilhma: caldeos, najan sirios, najan moabitas najan amonitas. Apquilanyacpec nic nat elinmelham (enatovacsic), acno ilhnic nat Dios appayvam, apquillingascama profetas.

2 CRÓNICAS 20:1

Nalhit acnim nic nat intomjac. Apquilpasmeclhec nic nat moabitas najan amonitas, najan meunitas, yoyam elimpocjac co Judá, apvisqui Josafat.

2 CRÓNICAS 20:23

Apquilimpocjac nic nat amonitas najan moabitas nipyesicsa co Seir, apquilsovjoc nic nat apquilnapma. Yiplovcoc nic nat apquilnapomap nipyesicsa cotnaja ingmoc, apticyovquic nic nat amonitas, apticyovquic nic nat moabitas.

NEHEMÍAS 2:19

Aplingac alhta amyaa yatapvisqui Sanbalat nipyesicsa enlhitaoc horonitas. Aplingac alhta yatapvisqui Tobías nipyesicsa enlhitaoc amonitas, najan yatapvisqui Gesem nipyesicsa enlhitaoc árabes. Avanjec alhta singilvinnéycam. Apquiltomjac alhta singilanya: —¿Soc lha asoc apquiltamjoc ellana? ¿Apquiltamjo ya eltimjic apquilinmelhaycam visqui ingac? — alhta apquiltomjac.

NEHEMÍAS 4:7

Aplingac alhta yatapvisqui Sanbalat najan Tobías najan enlhitaoc árabes najan enlhitaoc amonitas najan co Asdod, ayitlhinquisa copensalhca apjalhtam. Inyiplovcoc alhta apquillom.

SALMOS 83:7

Poc apquilvisay: co Gebal, najan co Amón, najan co Amalec, najan co Filistea najan co Tiro.

SALMOS 9:6

Mepqui mocjam apquilvisay cotnaja ingmoc. Mepqui mocjam tingma apquilvanyam. Lhip alhta aptovascama. Melhenacpejec sat mataa apvisay tingma.

JEREMÍAS 12:14

Aptomjac alhta Visqui ingac apquillhenacpo vecinos apquilmapsomcaa, apquiltomja apnatovascama yoclhilhma Israel, apquillhoy nat apquilyeyjamcaa, coo sicmescama: Ongvilhpansic sat enlhitaoc, colhic acnalaclho apquiltemaclha apquilmomap, apquilpasmeyquiclha sat co Judá.

JEREMÍAS 25:21

Apyovoclhojo co Edom, najan co Moab, najan co Amón.

JEREMÍAS 25:9

Ongvanic sat apvisqui Nabucodonosor najan co Babilonia apyovoclhojo enlhitaoc co nilhqueyja. Elimpocjac sat nipyesicsa quellhip najan apnaycam nipyava quellhip. Enatovasacpoc sat quellhip apyovoclhojo, colhic sat acnatovasa yoclhilhma apancaoc cotmongvoycamlha nelha. Avanjec sat cotnejic apquilay enlhitaoc.

JEREMÍAS 27:3

Ilapajas sat as apquilmaycam apnaclha apvisqui co Edom, najan apvisqui co Moab, najan apvisqui co Amón, najan apvisqui co Tiro najan Sidón. Ityaningvomjo siclho apquilviscaa apquilasinancama apquilvoy tingma Jerusalén, eltimjic maycaa apnaclha apvisqui Sedequías.

JEREMÍAS 48:1

Eycaso amyaa ayinyema ilhnic nat Visqui ingac apyimtalhnamo apquillhenacpo co Moab: ¡Enlhit layi natingma Nebo! ¡Etvasacpoc sat tingma apyovoclhojo! ¡Elmacpoc sat co Quiriataim, elmancangvomoc sat maa! ¡Colhic sat actovasa apquilyilhanmomaclha acyimnatem!

JEREMÍAS 49:23

Amyaa apquillhenamap co Damasco: Apquilmancangvocmec tingma apquilvanyam Hamat najan Arfad, ayinyema apquillingay amyaa acmasom. Avanjec ayay apquilvalhoc maa, mepqui mataa actamilaycam apquilvalhoc.

JEREMÍAS 49:28

Amyaa apquillhenamap enlhit apquilmolhama tribu payjoc Cedar, najan enlhit mayayo payjoc Hazor. Apvisqui co Babilonia Nabucodonosor alhta apmam naysicsa apquilimpocjay: Aptomjac alhta Visqui ingac apquilanya co Babilonia: ¡Noc maa! ¡Elimpocja sat tingma Cedar! ¡Elnatovas sat apquilmolhama tribu co actiyapmaclha acnim! — alhta aptomjac.

JEREMÍAS 49:7

Eycaso amyaa Visqui ingac apquillhenacpo co Edom: ¿Am ya elyasamcoc mocjam enlhit apquilyascamco tingma Temán? ¿Am ya elyasamcoc yavamlha eltimjic? ¿Inmasque ya apquiltemaclha apquilyascamco?

EZEQUIEL 21:25

Actomjac coo siyanya apvisqui co Jerusalén: Elngamcojoc sat lhip quilhvo nac jay acyanmongayclha aptemaclha apanco.

EZEQUIEL 25:1

Aptomjac alhta Visqui ingac seyanya coo:

SOFONÍAS 1:5

Onatovacsic sat apquilquinamtem tingma apyitsicsic, apquiltomja apquilayo apyová najan apquilticlhiclhama aptapnaoc, apquillhanma mepqui apquilyeycajascaoc coo sicvisay najan acvisay quilaycmasquiscama Milcom.

NÚMEROS 1:24

Apquilmolhama Gad nic nat 45.650 enlhitaoc.

DEUTERONOMIO 2:19

Noelnapap nasa amonitas, apquiltomjac aptovana niptamin Lot. Mellhovamquejec sat quellhip as yoclhilhma, actomja apancaoc, coo alhta sicmescama.

DEUTERONOMIO 23:3

Colapvanquejec mataa elpasmoc apcaneyquiclhilha israelitas apquilvisay amonitas najan moabitas cotmongvoyam nelha (tap décima aptovana).

DEUTERONOMIO 23:4

Apquilyinyovquic nat quellhip yoclhilhma Egipto, yoyam elmilanic sat apquileyvomaclha apancaoc. Apquilmiyovquic nat aptoycaoc najan yingmin apyinaycaoc. Apquilyinyovquic nat acyanmongam aplhoy Balaam, Beor apquitca, apquinyemaclha Petor yoclhilhma Mesopotamia, yoyam elinmelham napatavo quellhip, elhenic appayvam acmasom.