JEREMÍAS 48:44 - Enhlit Bible

⁴⁴ Enlhit apquilinyem elpalamoc sat congne malhic. Enlhit apquilantiyapma malhic, elmacpoc sat trampa. Coo eyca ayinyema sicyanmongsayclha apquiltemaclha apancaoc co Moab — alhta aptomjac.

JEREMÍAS 48:44 Iomraidhean Croise

1 REYES 19:17

Elnapoc sat enlhitaoc apvisqui Hazael. Eyca enlhitaoc apquilaymomap apquinyajaycaoc elnapoc sat apvisqui Jehú. Eyca enlhitaoc apquilaymomap apquinyajaycaoc Jehú, elnapoc sat profeta Eliseo.

1 REYES 20:30

Apquilinyajamquic nic nat apquilaymomap tingma apvanyam Afec. Inyaninquic nic nat mataymong tingma apjalhtam, alnapa veintisiete mil singilpilhtetemo apquinyajaycaoc. Apquinyec nic nat apvisqui Ben-adad, apvoclho tingma apvanyam. Apyilhacpoc nic nat mataa lhama tingma najan poc tingma.

ISAÍAS 10:3

¿Jalhco sat eltimjic quellhip apquilvita inlhojo ayamquitva acyanmongayclha apquiltemaclha apancaoc? ¿Soc sat elpasingvota? ¿Co laa incotnejic cascama apquilnatam quellhip?

ISAÍAS 24:17

Apquilyitsomacpo enlhitaoc as nalhpop asoc navjac apquilminlhinaycam apquilmompaviyam, malha apquilay malhic najan trampa yoyam elmacpoc.

ISAÍAS 24:18

Apquinyec sat ancoc enlhit macyamascam (apyamasomap), emacpoc sat congne malhic (etyamoc sat congne). Aptipquic sat ancoc enlhit maa, emacpoc sat aptoyam trampa. Comamac sat yingmin acvanyam, coyavjam sat as nalhpop.

JEREMÍAS 10:15

Comalhquejec mataa as asoc, conatovasalhcac sat naysicsa apyicpilquemo Dios.

JEREMÍAS 11:23

Mengyaymacpejec sat lhama, eticyoc sat apyovoclhojo naysicsa sicyanmongsayclha apquiltemaclha apancaoc, ellingamcojoc sat acyimtalhnama — alhta aptomjac Visqui ingac.

JEREMÍAS 16:16

Aptomjac alhta mocjam Visqui ingac: Ongvansiclhac sat aplhamoclhojo apquiltingyey quilasma, yoyam eltingyac enlhitaoc co Judá, malha tingyey quilasma. Ongvansiclhac sat aplhamoclhojo apquilmompaviyam, eltingyac sat enlhit co Judá apquileyvam malha asoc navjac netin inquilhe najan avalhoc mataymong.

JEREMÍAS 23:12

Elyiplaclhac sat amay yatescama olhma, elyingacpoc sat, elpilapmoc sat maa. Otnesquisic sat apquillingaycamco acyimtalhnama. Eycaso sicpayvam sicvisay Visqui apancaoc — alhta aptomjac.

JEREMÍAS 46:21

Apquilyitsomacpo singilpilhtetemo vayqui acnamilay, elinyajamcoc sat maa mepqui apquilyimnatem. Ellingamcojoc sat acyimtalhnama, acyanmongayclha apquiltemaclha apancaoc.

JEREMÍAS 49:8

¡Quellhip apnaycam tingma Dedán, elinyajaoc sat yoyam elyilhanmoc! ¡Ongvilhpansic sat Esaú aptovana niptamin, oyanmongsiclhac sat apquiltemaclha apancaoc!

JEREMÍAS 50:24

Aptomjac mocjam Visqui ingac: Apquilmacpec quellhip co Babilonia, acmam tava apac trampa sicpicanma coo. Oyanmongsiclhac sat apquiltemaclha quellhip, apquiltomja selinmelhaycam siclho — alhta aptomjac.

JEREMÍAS 50:27

¡Elnajap sat singilpilhtetemo, eticyoc sat malha vayqui! ¡Co Babilonia layi! ¡Quilhvo nac ja apquillingamco acyanmongayclha apquiltemaclha apancaoc! — alhta aptomjac.

JEREMÍAS 51:18

Comalhquejec mataa as asoc, conatovasalhcac sat naysicsa apyicpilquemo Dios.

JEREMÍAS 8:12

Incaymalhquic elmancangvomoc maa, ayinyema apquiltemaclha apancaoc. ¡Mepqui eyca apquilmancactama, paj elyasamcoc acvisay ningmancactama! Oyanmongsiclhac sat apquiltemaclha apancaoc, elmasquingvomoc sat apyovoclhojo. Eycaso sicpayvam sicvisay Visqui apancaoc — alhta aptomjac.

LAMENTACIÓNES 3:47

Avanjec singvenéycam nincoo, avanjec ninlingaycamco acyimtalhnama.

OSEAS 9:7

¡Invaac acnim macyanmongsayclha apquiltemaclha apancaoc! ¡Colhojoc sat apquillhoy acyanmongam apquiltemaclha apancaoc! ¡Ellingamcojoc sat enlhitaoc as acnim! Apquiltomjac apquilanya quellhip: Acyeyjamelhma nac profeta. Ayanem appayvam nac profeta appayvam — apquiltomjac quellhip. Eycaso ayinyema apquiltemaclha apquilmapsomcaa, ayinyema seltanoncama quellhip.

AMÓS 5:19

Sat cotnejic malha enlhit apyamasomap ayinyema yamacmeyva. Cotyamoc sat apvalhoc aptajanya inlhojo oso asoc navjac aclom. Malha aptalhnayclha tingma pac enlhit, metay congne acyeyva, yoyam coticlhic apyimpejic.

MIQUEAS 7:4

Apquilyitsomacpo tayit amaoc enlhit aplhenamap apanco aptamila. Apquilyitsomacpo ayimjaclha tayit enlhit aplhenamap apanco appeyvomo (mayayo). Covac sat acnim, yoyam ellingamcojoc acyanmongayclha apquiltemaclha apancaoc, aplhanma alhta siclho enlhit aplingascama amyaa. Ellhinganimsacpoc sat enlhitaoc apyovoclhojo.