JEREMÍAS 47:4 - Enhlit Bible

⁴ Invaac acnim aptovasomacpilha filisteos, najan aptovasomacpilha tingma Tiro najan Sidón. Mepqui lhama enlhit, yoyam elvomsic tap apnaymacoc — alhta aptomjac Visqui ingac. Naso, Visqui ingac etvacsic sat co Filistea (filisteos) apquilinyema siclhoc nat acyayem lhop acvisay Creta.

JEREMÍAS 47:4 Iomraidhean Croise

GÉNESIS 10:15

Canaán apquitca ilhnic nat apvisay Sidón (apvaneycam apmamyi) najan apyalhing apvisay Het.

1 CRÓNICAS 1:12

najan patruseos, najan casluhítas, najan cafturítas, apquinyemayaclha ilhnic nat filisteos.

JOB 9:13

Apvanquic elvoc Visqui ingac cotningvoyam nelha, colangvomoc sat anaymacoc sinavocpo Rahab.

SALMOS 37:13

Apcasmasquic Visqui ingac apvita aptemaclha. Apyasamcoc Visqui ingac ayamquitvaa nelha aptiyascam.

ISAÍAS 10:3

¿Jalhco sat eltimjic quellhip apquilvita inlhojo ayamquitva acyanmongayclha apquiltemaclha apancaoc? ¿Soc sat elpasingvota? ¿Co laa incotnejic cascama apquilnatam quellhip?

ISAÍAS 14:31

¡Elyapcalhaoc sat quellhip apnaycam tingma apquilvanyam co Filistea! ¡Eliclhangvom sat quellhip, acyiplomo apquilpilhyinamam! Payjoc nilhqueyja apquilinyema singilpilhtetemo, malha etin acvanyam intomjac ningvitay, mepqui lhama apquimjayquinta.

ISAÍAS 20:6

Apquiltomja apquilpayvam apnaycam tingma Ashdod de Filistea: Ningiljalhne inyicje jingilpasingvota naysicsa singilimpocjay co Asiria. ¿Soc sat jingilvomsic tap? — alhta apquiltomja maa — nic nat aptomjac profeta.

ISAÍAS 31:8

Aptomjac alhta Visqui ingac: Eticyoc sat co Asiria, jave enlhit yoyam elnapoc maa. Dios sat conyemac apquilinyajaycaoc enlhitaoc. Elmacpoc sat apquilyimnanic singilpilhtetemo, yoyam eltimesam apquiltomja apquilmomap.

JEREMÍAS 46:10

Eycaso acnim apanco visqui apyimtalhnamo, aptomja apyanmongsayclha apquiltemaclha apancaoc cotnaja ingmoc co Egipto. Cotnejic sat malha ayastingam sovo acvinatem, najan malha anmin ayajem sovo acvinatem. Avanjec sat cotnejic apquilnapma Visqui apyimtalhnamo, payjoc nilhqueyja nicja vatsam Éufrates.

EZEQUIEL 21:25

Actomjac coo siyanya apvisqui co Jerusalén: Elngamcojoc sat lhip quilhvo nac jay acyanmongayclha aptemaclha apanco.

EZEQUIEL 21:29

Acmovan amyaa actomja apquilmaycam sicas, coyascamco yavamlha cotnejic. Sovo acvinatem actomja alnapma quilhvo nac jay nipyesicsa quellhip apquilmapsomcaa. Quilhvoc acvaa acyanmongayclha apquiltemaclha apancaoc quellhip — alhta aptomjac.

EZEQUIEL 25:16

Osavojoc sat silnapma filisteos apyovoclhojo, apquilvisay najan cereteos apnaycam nicja yingmin acvanyam.

EZEQUIEL 30:8

Colhic sat alvatna talha aclhamoclhojo asoc as yoclhilhma, enatovasacpoc najan eticyoc sat apyovoclhojo apquiltomja apquilpasmeyquiclha co Egipto. Natamin jelyicpilcangvomoc sat sicvisay coo Visqui apancaoc — alhta aptomjac.

EZEQUIEL 7:12

¡Quilhvoc acvaa acnim! Copvanquejec ingyitsovacsojo enlhit apyamasma asoc apvitay acyanmongam. Copvanquejec enlhit apyamasma asoc coyovsic apvalhoc. Avanjec sat cotnejic siclom naysicsa sicyanmongsayclha apquiltemaclha apancaoc enlhit israelitas.

OSEAS 9:7

¡Invaac acnim macyanmongsayclha apquiltemaclha apancaoc! ¡Colhojoc sat apquillhoy acyanmongam apquiltemaclha apancaoc! ¡Ellingamcojoc sat enlhitaoc as acnim! Apquiltomjac apquilanya quellhip: Acyeyjamelhma nac profeta. Ayanem appayvam nac profeta appayvam — apquiltomjac quellhip. Eycaso ayinyema apquiltemaclha apquilmapsomcaa, ayinyema seltanoncama quellhip.

AMÓS 9:7

Aptomjac alhta mocjam: Quellhip apquilmolhama Israel, apquilno quellhip co Egipto. Acnalantac alhta quellhip sicyinyovquisa yoclhilhma Egipto. Acnalantac alhta filisteos apquilinyema yoclhilhma Creta. Acnalantac alhta amorreos apquilinyema yoclhilhma Kir — alhta aptomjac.

SAN LUCAS 21:22

Sat cotnejic maa acyanmongayclha apquiltemaclha apancaoc. Comoc sat nelha aclhanmaclha vaycajac acnatalhesomalhca.

DEUTERONOMIO 2:23

Acno ilhnic nat enlhitaoc heveos, apnaycam lhalhma anco nipyava tingma Gaza. Apticyovquic nic nat ayinyema apquilnapma filisteos. Apquilinyemac nic nat filisteos acyayem inquilhe Creta, apquilnaclho maa.)

JOSUÉ 22:30

Aplingac nic nat sacerdote Finees, najan apquillhalhmaa apquilayo, najan apquilmolhama apyapmayc, actemaclha apquillhanma apquilmolhama Rubén, najan Gad najan media tribu Manasés. Intamilaclhec nic nat apquilvalhoc apquillinga.