JEREMÍAS 47:2 - Enhlit Bible

² Eycaso sicpayvam sicvisay Visqui apancaoc: Nilhqueyja sat conyemac yingmin ayinyem, acyeniyam yingmin sat cotnejic lhalhma anco najan nipyesicsa tingma apquilvanyam. Elilpalhamam sat enlhitaoc apquillingaycamco acmasca.

JEREMÍAS 47:2 Iomraidhean Croise

SALMOS 24:1

Dios apancoc as nalhpop najan aclhamoclhojo asoc acnaycaoc. Najan asoc aleyvam lhalhma anco as nalhpop.

SALMOS 50:12

Am jeyajemac mayic, molanyejec jelmesic sictom. Coo ajancoc as nalhpop najan aclhamoclhojo asoc aleyvam lhalhma anco.

SALMOS 96:11

Elitsovacsojo quellhip apnaycam netin najan apnaycam as nalhpop. Colhtingyoc sat yingmin acvanyam najan asoc aleyvam nayingmin.

SALMOS 98:7

Colngalhcac sat ayilhtingyovam yingmin acvanyam. Najan ayinyema asoc aleyvam nayingmin. Najan apyovoclhojo enlhitaoc apquileyvam as nalhpop.

ISAÍAS 14:31

¡Elyapcalhaoc sat quellhip apnaycam tingma apquilvanyam co Filistea! ¡Eliclhangvom sat quellhip, acyiplomo apquilpilhyinamam! Payjoc nilhqueyja apquilinyema singilpilhtetemo, malha etin acvanyam intomjac ningvitay, mepqui lhama apquimjayquinta.

ISAÍAS 15:8

Inlingalhquic apquilyapcalhem yoclhilhma Moab lhalhma anco, acvaycmo tingma Eglaim, najan acvaycmo Beer-elim.

ISAÍAS 22:1

Amyaa payjoc alvata acvisay Acvitay Ningvanmoncama: Quellhip co Jerusalén. ¿So actomja yi apquilquinamta nac netin tingma? — alhta intomjac.

ISAÍAS 28:17

Sicmaycam coo plomada naysicsa sillanay tingma, acyitsomalhca actemaclha acpeyvomo. Moc sicmaycam coo nivel, acyitsomalhca sictemaclha acpeyvomo — alhta aptomjac Visqui ingac — nic nat aptomjac profeta. Comamac sat acvanyam acyiplomo yingmin apóc alyayem, yoyam cotvacsic sat apquilyilhanmomaclha quellhip, melmiyovacpejec sat maa.

ISAÍAS 59:19

Colhic sat ayaco Dios Apyimtalhnamo payjoc actalhningvamlha acnim najan actiyapmaclha acnim, apquilvita inlhojo apmopvan apanco. Colhojoc sat malha yingmin ayinyem, naysicsa piyam apquilhcajayam.

JEREMÍAS 1:14

Aptomjac alhta seyanya: Nilhqueyja sat conyemac acyimtalhnama, yoyam ellingamcojoc apyovoclhojo enlhitaoc as yoclhilhma.

JEREMÍAS 46:12

Inlingalhquic lhalhma anco apquilpalhamaycam quellhip, ayinyema mepqui apquilyimnatem quellhip. Apquilyasamcoc enlhit lhalhma anco apquiltemaclha quellhip. Apquilpilapacmec tacjaplhit poc naysicsa apquilinyem. Apsovjacpoc alhta apticyovam— nic nat aptomjac profeta.

JEREMÍAS 46:13

Apquilimpocjac nic nat apvisqui Nabucodonosor najan apquillhalhmaa co Babilonia nipyesicsa singilpilhtetemo co Egipto. Aptomjac nic nat Visqui ingac apcanya Jeremías, elngacsic amyaa.

JEREMÍAS 46:20

Apquilyitsomacpo co Egipto vayqui actamila anco. Nilhqueyja conyemac ascoc acmasom, yoyam coticlhic enlhit co Egipto.

JEREMÍAS 46:24

Elmancangvomoc sat co Egipto mepqui apquilmopvan, ayinyema apquilnapma co nilhqueyja apquilyimnatem — alhta aptomjac — nic nat aptomjac profeta.

JEREMÍAS 48:39

¡Elyapcalhaoc sat, apquilvita inlhojo co Moab! ¡Avanjec apquilingaycamco acyimtalhnama! ¡Apquilpaycacmec alhta, ayinyema apquilmancactama! Elasmesacpoc sat napatavo apnaymacoc vecinos, elyinyovacpoc sat maa.

JEREMÍAS 6:22

Aptomjac alhta Dios Apyimtalhnamo: Apquilpenasquic alhta co nilhqueyja apquilyimnatem apanco, ellanac sat apquilimpocjay.

JEREMÍAS 8:16

¡Apquililhyacmec cotnaja ingmoc, apquilcamquitvocmec tingma Dan! Inlingalhquic apquilpayvascama apvajic nolhing, malha acpilhyinamam as nalhpop intomjac. Elnatovacsic sat cotnaja ingmoc yoclhilhma najan aclhamoclhojo asoc maa, najan apyovoclhojo tingma apquilvanyam najan asoc acnaycaoc maa — alhta apquiltomjac co Judá.

DANIEL 11:22

Elnapoc sat apvisqui apquiltomja apquilinmelhaycam, ematong sat najan apquimja apmamyi sacerdote.

NAHÚM 1:8

Malha yingmin ayinyem actomja acyinyovascama asoc, enatovasacpoc sat apquiltomja apquilinmelhaycam Dios. Elvitac sat cotnaja ingmoc yatesaclhilhma.

1 CORINTIOS 10:26

Ayinyemaclha intomjac nic nat Dios appayvam actalhesomalhca: “Visqui ingac aptomja apanco as nalhpop najan aclhamoclhojo asoc as nalhpop” —nic nat intomjac.

1 CORINTIOS 10:28

Aptomjac sat ancoc lhama ingyalhing: “Eyca as apitic ayinyema macmescama quilaycmasquiscama acyitsomalhca Dios” —sat etnejic. Noeltovaoc nasa quellhip ayinyema aplhanma ingyalhing.

SANTIAGO 5:1

Quip elaylhojo quellhip acma apquilnatam. Elyipcalhaoc quellhip najan eliclhangvom. Ellingamcoc sat quellhip acmasca yoyam covac sat.

EL APOCALIPSIS 17:1

Acvitac alhta aplhingacmo lhama ángel apquinyema nipyesicsa siete ángeles apquilmaycam siete ingjaycoc. Aptomjac alhta seyanya coo: —Ilhingma jalip. Pac olhicmocsic lhip yoyam oyanmongsiclha actemaclha quilvana alanatama acma netin yingmin acvanyam.

EL APOCALIPSIS 17:15

Aptomjac alhta mocjam seyanya ángel: —Apvitac lhac lhip yingmin acvanyam. Quilvana alanatama acna netin yingmin acvanyam. Eycaso acyitsomalhca enlhitaoc lhalhma anco najan aplhamoclhojo apquilmolhama najan aclhamoclhojo cotnaja ninpayvamo lhama najan aclhamoclhojo apquilaoclha.