JEREMÍAS 45:4 - Enhlit Bible

⁴ Aptomjac Visqui ingac seyanya, oltimnacsic lhip: Evanquic otvacsic asoc sillanay siclho coo. Evanquic ongvaptic siyinayclha siclho coo. Eycaso mataa sictemaclha lhalhma anco as nalhpop.

JEREMÍAS 45:4 Iomraidhean Croise

ECLESIASTÉS 3:3

Actemaclha ningajem najan actemaclha nintamilquisquiyam meyimnatem. Actemaclha nintovascama asoc najan actemaclha ningillanayclha asoc (ningillanay).

JEREMÍAS 1:10

Opquinic sat sicpayvam apvalhoc lhip. Colhic sat apmopvan lhip quilhvo nac jay nipyesicsa apquilviscaa najan apnaymacoc. Apvanquic lhip ingyaptic, najan etvacsic, najan ellaniclha mocjam, najan ecniclha actic — alhta aptomjac Dios.

JEREMÍAS 11:17

Coo sicvisay Visqui apancaoc Sicyimtalhnamo, siyinayclha alhta as yamit. Coo ayinyema apquillingaycamco acyimtalhnama co Israel najan co Judá, ayinyema apquiltemaclha apancaoc acmasom. Apquiltomja sevenneycam, ayinyema apquilayo quellhip quilaycmasquiscama Baal — alhta aptomjac — nic nat aptomjac profeta.

JEREMÍAS 12:2

Apquilyitsomacpo enlhit yamit apquinayclha lhip. Yitnec ayquipmenaoc, inquilictinquic moclhama yamit, inquilyilhnec maa. Yitnec apquillhanma lhip apvisay, am coyitnac apquilvalhoc lhip apvisay.

JEREMÍAS 31:28

Singanama alhta siclho, yoyam colhic alyapta, colhic acnatovasa, colhic sat alhacjam, colhic actimesa acmasom. Ongvanic sat, yoyam colhic allanesiclha mocjam, colhic mocjam ayinayclha actic. Nasoc sicpayvam sicvisay Dios — alhta aptomjac.

LAMENTACIÓNES 2:6

Apyinyovquic alhta Visqui ingac tingma pac apponquinomap, ninganeyquiclhilha nincoo. Inquilvoncacmec alhta fiestas najan acnim ninnayclha mataa. Aptovasacpec alhta sacerdote najan apvisqui rey, ayinyema aplom pac Visqui ingac.

OSEAS 2:14

Pac ongvasicjiclhojoc mocjam as quilvana. Oyantemiclhac sat yoclhilhma actamopeycaoc, opamejitsic sat yoyam colcojoc avalhoc.

DEUTERONOMIO 28:63

Inlhenquic alhta siclho apvalhoc Dios ingyimlimojoc mataa quellhip najan elhamasiclhac quellhip. Quilhvo eyca aclhanma apvalhoc Dios enatovacsic quellhip, eyinyovsic sat yoclhilhma apquilvoycamlha sat quellhip.