JEREMÍAS 41:5 - Enhlit Bible

⁵ Apquilvaac nic nat ochenta maycaa, apquilinyema tingma Siquem, tingma Silo, najan tingma Samaria. Mepqui ilhnic nat ava apatong, mepqui apava aptamila, apava eyca apyaptomap, najan apquilyimsasomap apanco. Apquilpatmentac nic nat asoc macmescama Dios: trigo apactic najan asoc acmasis, yoyam eltimjic macmescama Dios congne tingma apponquinomap.

JEREMÍAS 41:5 Iomraidhean Croise

GÉNESIS 33:18

Apyinyovquic nic nat Jacob yoclhilhma Padan-aram. Apvoclhec nic nat yoclhilhma Canaán. Apmeyjec nic nat mocjam. Apquillanac nic nat tingma pac acpayjoclha ningato tingma apvanyam apvisay Siquem.

GÉNESIS 34:2

Apnec nic nat maa heveos apvisqui apancaoc apvisay Hamor. Apquitca ilhnic nat apvisay Siquem. Apvitac nic nat quilvana ayitcoc Siquem. Yejemoc nic nat appatjetamco.

GÉNESIS 37:12

Nalhit acnim nic nat intomjac. Acnaclha paat nic nat apquiltingyascasac apquilpipma. Tingma Siquem nic nat apquilpacjac apquilyap apnatoscama.

2 SAMUEL 10:4

Apquilmacpec nic nat apquilsoycam amyaa apquilinyema David. Aptomjac nic nat Hanún apcanama, colhic alyapta ava apatong lhama nicja. Najan colhic alyavatesquisa niplhit apava apquilantalhnama, ningvita aptala apancaoc ayalhnayo. Apquilapajasquic nic nat eltajiclha apquilsoycam amyaa.

1 REYES 12:1

Tingma Siquem nic nat apyasac Roboam. Apcaneclhec nic nat maa enlhitaoc Israel yoyam eltimesquisic apvisqui Roboam.

1 REYES 12:25

Apyaveclhec nic nat apvisqui Jeroboam tingma apvanyam apvisay Siquem. Apquillanac nic nat as tingma netin inquilhe acvisay Efraín. Apnacmec nic nat maa. Natamin apyaveclhec nic nat mocjam tingma apvisay Penuel.

1 REYES 16:24

Apmec nic nat inquilhe Samaria apquilhacjam acyanmongam sesenta y seis kilos de plata. Apquillanac nic nat tingma apvanyam apyimnatem apanco, apquiltimem Samaria, ayinyema avtip nic nat as inquilhe apvisay Semer.

1 REYES 16:29

Treinta y ocho años nic nat aptimem apvisqui Asa co Judá. Aptimesacpec nic nat apvisqui Acab, Omri apquitca nipyesicsa co Israel, acvaycmo veintidós años aptimem apvisqui tingma apvanyam Samaria.

2 REYES 25:9

Apvatnec nic nat talha tingma apponquinomap najan apvisqui tingma pac najan apyovoclhojo tingma Jerusalén. Apvatnec nic nat tingma apancaoc enlhit apquilyimtalhnamo.

1 CRÓNICAS 19:4

Aptomjac nic nat Hanún apquilanya apquilancam: Eltingyasquic apquilyisem, elyatemen sat ava apatong acvinatem, elyatemen sat apava, elyavaticsojo sat apquilpayjeycam acvaycmo aptala — nic nat aptomjac. Apquilapajasquic nic nat mocjam eltajiclha soycam amyaa.

SALMOS 102:14

Apquilasicjavoc mataa apquiltimesaycam lhip, apquilvita inlhojo mataymong apquillanomap siclho. Ayovsec mataa apquilvalhoc apquilvita tingma aptovasomap (apquilyanina).

SALMOS 78:60

Apyamasmec nic nat Dios tingma pac apponquinomap payjoc tingma Silo. Tingma pac siclhoc nic nat nipyesicsa enlhitaoc.

ISAÍAS 15:2

Apquilmiyaclhec alhta netin inquilhe enlhitaoc co Dibón, elyapcalhic sat maa acyitnamaclha quilaycmasquiscama. Apquilyapcalhquic maa ayinyema apnatovasomap payjoc inquilhe Nebo najan tingma Medeba. Inquilyatemenalhquic apva apyitsicsaoc najan ava apatnaoc enlhit ayinyema acmayovsa apquilvalhoc.

JEREMÍAS 16:6

Elitsapoc sat enlhit acma apquilnatam najan mepqui apquilnatam, melatoynacpejec sat maa. Mepqui apnaymacoc acmayovsa apquilvalhoc, mepqui apnaymacoc apquiltingyey apquilyisem, najan apquilyimsascama apyimpeoc.

JEREMÍAS 41:4

Moc acnim nic nat intomjac. Am nic nat colngalhcac mocjam amyaa apticyovam Gedalías.

JEREMÍAS 47:5

Apquiltingyascasquic alhta apquilyisem co Gaza, ayinyema acmayovsa apquilvalhoc. Mepqui mocjam apquilitsovascama co Ascalón. Quellhip gigantes anaquitos, ¿co sat acvam elvatsamcoc apquilyimsascama apyimpeoc ayinyema acmayovsa apquilvalhoc?

JEREMÍAS 48:37

Avanjec acmayovsa apquilvalhoc, apquiltingyascasquic apquilyisem apyovoclhojo enlhit, inquilyatemenalhquic ava apatong apyovoclhojo, apquilyimsasquic apmeoc apyovoclhojo, apquilantalhneclhec apava actemaclha acmayovsa apquilvalhoc apyovoclhojo.

JEREMÍAS 7:12

Elyas sat quellhip tingma Silo. Elanojo sat sictomjaclha tingma ajac apponquinomap, siclhoc nat sicmaclha coo. Elvitac sat quellhip mactovascama, ayinyema apquiltemaclha apancaoc Israel.

JEREMÍAS 7:14

Acno sictovascama alhta tingma ajac apponquinomap tingma Silo, colhojoc sat sictovascama as tingma ajac apponquinomap sicmescama siclhoc nat apquilyeyjamcaa quellhip. Mepqui alhta mataa apquilyasquiyam quellhip.

JOEL 2:13

¡Elquilhyim sat apnaclha Dios Apyimtalhnamo! ¡Elpiquin ayalhnaclhojo apquilvalhoc! Noelyapit nasa apava apquilantalhnama. Aptasi nac Dios Apyimtalhnamo, aptomja singasicjayo, najan singimlaycmo, najan actamilaycam apvalhoc. Apmopvan innac eyanmongsiclha nintemaclha inganco.

DEUTERONOMIO 14:1

Quellhip apquilvisay Dios apquitquic. Noelyimsas nasa apyimpeoc, noeltingyasquis apquilyisem apquitsepa inlhojo apmolhama.

JOSUÉ 18:1

Apcaneclhec nic nat tingma Silo apyovoclhojo apquilmolhama israelitas. Apquillanac nic nat maa Dios tingma pac apponquinomap. Apsovjoc nic nat apquilmam yoclhilhma.

JOSUÉ 24:32

Apquitsepmec nic nat José yoclhilhma Egipto, siclhoc nic nat. Apquilpatmentac nic nat apjápac tingma Siquem. Apquilatoynquic nic nat amyip actomja Jacob apanco. Apmam nic nat as amyip acyanmongam cien monedas de plata. Apquilyamasma ilhnic nat Hamor apquitquic. Siquem apyap nic nat Hamor. Intomjaclhec nic nat as amyip poc apanco, José aptovana nic nat apquilmayclha as amyip.,

JUECES 18:31

Yitnec nic nat nipyesicsa maa as quilaycmasquiscama apquillanay nic nat siclho Micaía. Aclhamoclhojo acnim nic nat apyitna maa tingma apponquinomap, tingma apvanyam Silo.

JUECES 9:1

Apmiyaclhec nic nat Abimelec, Jerobaal apquitca, tingma Siquem. Apquiltamjoc nic nat elpamejitsacpoc apquilmolhama inquin, co Canaán. Aptomjac nic nat Abimelec apquilanya:

1 SAMUEL 1:7

Actemaclha anco ilhnic nat Penina, conmelham mataa payjoc templo nimpayvam lhancoc. Am nic nat cotavac Ana, invinec nic nat.