JEREMÍAS 4:7 - Enhlit Bible

⁷ Inyinyovquic lhac acyilhanmomaclha yamacmeyva. Inquilhyacme singiltovascama, colnapoc enlhitaoc lhalhma anco. Apquilyinyovquic cotnaja ingmoc apquilaoclha, yoyam elnatovacsic quellhip apquilaoclha. Colhic sat apyanina apyovoclhojo tingma, mepqui enlhit sat cotnejic.

JEREMÍAS 4:7 Iomraidhean Croise

2 REYES 24:1

Naysicsa aptimem nic nat apvisqui Joacim apquilimpocjac nic nat apvisqui co Babilonia najan apnaymacoc nipyesicsa co Judá. Tres años nic nat aptomjayclho Joacim malha apmomap. Natamin nic nat apquilinmelham napato apvisqui cotnaja ingmoc.

2 REYES 25:1

Invocmec nic nat diez piltin najan diez acnim. Apquilvaac nic nat aplhamoclhojo singilpilhtetemo yoyam evocjac tingma Jerusalén. Apquillanac nic nat apquilyilhanmomaclha singilpilhtetemo nipyava tingma.

ISAÍAS 1:7

Actamopeycaoc intomjac quellhip apquilaoclha. Apmetquic alhta tingma apancaoc. Apnaclhec acyilhna enlhitaoc cotnaja apquilaoclha napatavo quellhip. Intovasalhquic apquilaoclha quellhip acno ilhnic nat aptovasomap tingma Sodoma.

ISAÍAS 5:9

Aptomjac alhta seyanya Visqui ingac, actomja nasoc anco appayvam: Enatovasacpoc sat aplhamoclhojo tingma, mepqui enlhit sat cotnejic tingma apquilyivey najan apquiltamila.

ISAÍAS 6:11

Ayatingmavoc alhta coo: —Visqui, ¿acvoncaclhojo ya sat cotnejic? — alhta actomjac coo. Apcatingmavoc alhta Visqui ingac: —Acvocmo sat acnim apnatovasomap tingma apvanyam acvocmo mepqui lha tingma, yoyam etnejic aptamopeycaoc tingma.

JEREMÍAS 2:15

¿Co laa ayinyema apquilimpocjay cotnaja ingmoc, malha yamacmeyva acyimnatem alnapma quellhip? Apnatovasquic alhta cotnaja ingmoc quellhip tingma apquilvanyam apancaoc, tingma apquilmeta, yoclhilhma mepqui enlhit apquileyvam.

JEREMÍAS 22:6

Yitnec aplhanmaclha Visqui ingac, aplhenacpoc apvisqui rey co Judá: Apyitsomacpo lhip nalhma Galaad najan inquilhe Líbano sicyisponcama nat coo. Otvacsic sat apyovoclhojo, cotniclhac sat actamopeycaoc mepqui enlhit.

JEREMÍAS 22:7

Ongvapajacsic sat cotnaja ingmoc elimpocjac nipyesicsa quellhip. Colyatemenalhcac sat poste columnas tingma apquiltamila, colmetic sat maa — alhta aptomjac.

JEREMÍAS 25:38

Apquilhyacmec Visqui ingac, malha yamacmeyva actiyapma acyilhanmomaclha. Yoclhilhma actomjayclho actamopeycaoc, ayinyema aplom pac Visqui ingac, ayinyema apquilnapomacpilha enlhitaoc, enlhitaoc apticyovam — alhta aptomjac.

JEREMÍAS 25:9

Ongvanic sat apvisqui Nabucodonosor najan co Babilonia apyovoclhojo enlhitaoc co nilhqueyja. Elimpocjac sat nipyesicsa quellhip najan apnaycam nipyava quellhip. Enatovasacpoc sat quellhip apyovoclhojo, colhic sat acnatovasa yoclhilhma apancaoc cotmongvoycamlha nelha. Avanjec sat cotnejic apquilay enlhitaoc.

JEREMÍAS 26:9

Copvanquejec lhip elngacsic Dios appayvam, yoyam etvasacpoc tingma apponquinomap, elhojoc aptovasomap nano tingma Silo. Copvanquejec elhenic lhip etvasacpoc tingma apvanyam, comascoc sat apvisay tingma — nic nat apquiltomjac. Apquilvocjac nic nat profeta Jeremías congne tingma apponquinomap.

JEREMÍAS 27:8

Am sat ancoc colyacmoc eltimesam enlhitaoc apnaclha apvisqui Nabucodonosor, malha nanyetaoc apquilyinyovascama. Oyanmongsiclhac sat coo apquiltemaclha maa, ongvapajacsic sat apquilimpocjay, najan mayic ataoc, najan ningmasquem ataoc, elsovjacpoc sat apquilmomap. Eycaso sicpayvam sicvisay Visqui sicyimtalhnamo — alhta aptomjac.

JEREMÍAS 33:10

Aptomjac mocjam Visqui ingac: Apquilanayquic quellhip cotniclhac sat yoclhilhma actamopeycaoc, cotnejic sat mepqui apquileyvam enlhit, mepqui aleyvam apnatoscama tingma Jerusalén najan tingma apquilvanyam co Judá — apquiltomjac quellhip. Covac sat actemaclha alhnancoc.

JEREMÍAS 34:22

Ongvanic sat mocjam apvisqui co Babilonia, elvotac sat mocjam, elimpocjac sat mocjam as tingma apvanyam Jerusalén, elvitic sat talha apyovoclhojo tingma. Colhic sat alvatna talha apyovoclhojo tingma apquilvanyam co Judá, melvitacpejec sat enlhit maa. Eycaso sicpayvam sicvisay Visqui apancaoc — alhta aptomjac.

JEREMÍAS 4:29

Apquilinyajamquic apyovoclhojo enlhitaoc, apquilyilhanmamcaa apquilvita inlhojo apquilimpocjay nolhing apcapaoc najan apquilmaycam pilhpaalh. Apquilyilhanmec alhta mataymong avalhoc, najan nalhma, najan ayitsicsaoc mataymong. Mepqui mocjam enlhit tingma aptamopeycaoc, paj.

JEREMÍAS 44:2

Eycaso appayvam Dios Visqui apyimtalhnamo nipyesicsa israelitas: Apquillingamcoc alhta quellhip acyimtalhnama payjoc tingma Jerusalén najan poc tingma apquilvanyam co Judá. Apnatovasacpec alhta, mepqui enlhit apquileyvam quilhvo nac jay.

JEREMÍAS 46:18

Coo sicvisay Visqui sicyimtalhnamo, eycaso sicpayvam siclhanma: Acvinatem anco inquilhe Tabor, am colhno moc. Acvinatem anco inquilhe Carmelo nicja yingmin acvanyam. Apquilno cotnaja ingmoc apquilyimnatem, elimpocjac nipyesicsa co Egipto.

JEREMÍAS 49:19

Ongvilhyemoc sat malha yamacmeyva actiyapma acmampanac vatsam Jordán payjoc apquileyvomaclha edomitas, elinyajamcoc sat apyovoclhojo. Otnesquisic sat enlhit silyacyescama coo, etnejic sat apvisqui. ¿Apne ya enlhit apmopvan? ¿Soc enlhit, yoyam jeyinmelham coo?

JEREMÍAS 5:6

Aptomjac siclho Visqui ingac: Elimpocjac sat cotnaja ingmoc, elnatovacsic sat as enlhitaoc, colhojoc sat yamacmeyva alnapma, najan lobos vavo alnapma, najan niptana apquilnapma payjoc tingma apvanyam, ayinyema apquiltemaclha melyascalhma as enlhitaoc najan apquiltemaclha apquilyinimquiscama — alhta aptomjac.

JEREMÍAS 50:17

Apquilyitsomacpo israelitas nipquesic aplhinganyam, acyamascam yamacmeyva. Apcaplhinquic alhta siclho apvisqui co Asiria, yoyam ingyajic. Natamin aptovquic alhta apilhquipcoc apvisqui co Babilonia Nabucodonosor.

JEREMÍAS 50:44

Ongvilhyemoc sat coo, malha yamacmeyva actiyapma acmampanac payjoc vatsam Jordán. Elinyajamcoc sat coo Babilonia. Coo silyacyescama enlhit etnejic sat apvisqui maa. ¿Apne ya enlhit apmopvan? ¿Soc enlhit, yoyam jeyinmelham coo?

JEREMÍAS 8:16

¡Apquililhyacmec cotnaja ingmoc, apquilcamquitvocmec tingma Dan! Inlingalhquic apquilpayvascama apvajic nolhing, malha acpilhyinamam as nalhpop intomjac. Elnatovacsic sat cotnaja ingmoc yoclhilhma najan aclhamoclhojo asoc maa, najan apyovoclhojo tingma apquilvanyam najan asoc acnaycaoc maa — alhta apquiltomjac co Judá.

JEREMÍAS 9:11

Aptomjac alhta Visqui ingac: Otnesquisic sat tingma Jerusalén etniclhac sat mayicjescama mataymong, acyilhanmomaclha chacales yamvavo. Enatovasacpoc sat tingma apquilvanyam co Judá, mepqui enlhit sat eltimjic — alhta aptomjac Visqui ingac.

EZEQUIEL 12:20

Enatovasacpoc sat moclhama tingma apquilvanyam, etniclhac sat mepqui enlhit, yoclhilhma actamopeycaoc. Jelyicpilcangvomoc sat coo sicvisay Visqui apancaoc — alhta aptomjac.

EZEQUIEL 21:31

Elvitac sat maa sictemaclha siclom, colhojoc sat talha alnapma quellhip. Eticyoc sat quellhip ayinyema apquilnapma ticyovam yapmayc.

EZEQUIEL 32:2

Ilngas sat lhip sicpayvam napato faraón apvisqui co Egipto, actemaclha apminaycmascama yocsa: Lhip apvisqui apyimtalhnamo apanco as nalhpop, am elhno poc apvisqui. Apyitsomacpo lhip asoc aclom sinavocpo payjoc yingmin acvanyam. Aptacmec lhip yingmin vatsam, appatipquiscama yingmin. Impaysacmec mataa yingmin ayinyem — alhta aptomjac.

DANIEL 5:19

Apquilvitac alhta enlhitaoc lhalhma anco aptemaclha apmopvan apyap ninga. Apquilyajaclhoc alhta mataa apcanama acyiplomo acpilhyinamam apquilvalhoc. Am alhta emyavac napocja, apmiyovquic alhta poc apnaymacoc. Aptimescasquic alhta apquilyimtalhnamo napocja, apquilvatescasquic alhta apquilyimtalhnamo poc apnaymacoc, acno aclhanma apvalhoc apanco.

DANIEL 7:4

Lhama asoc navjac acyitsomalhca yamacmeyva acma alhimpancoc payjoc acpoc, malha mama apyivey aplhimpancoc. Pilapcasquic alhta silano. Acvitac alhta alyaptalhco alhimpancoc. Inquinimsalhquic alhta netin, malha enlhit apquinmam alhta intomjac. Intomjaclhec alhta acyascamco avalhoc, malha enlhit apvalhoc.

LEVÍTICO 26:31

Osavojoc sat sicnatovascama tingma apquilvanyam quellhip. Onatovacsic sat apquilmalhnancamaclha. Otanovac sat asoc selmescama quellhip.

LEVÍTICO 26:33

Ongvilhpansic sat quellhip elinyajamcoc mocjay, nipyesicsa cotnaja nimpayvomó lhama. Elminlhinacpoc sat quellhip. Cotniclhac sat yoclhilhma actamopeycaoc. Enatovasacpoc sat tingma apancaoc.