JEREMÍAS 4:4 - Enhlit Bible

⁴ Quellhip apquilmolhama Judá najan co Jerusalén. Eltingya asoc monquinatquiscama apyimpeoc. Jelyicpilcangvom sicvisay Visqui apancaoc. Colma apquilvalhoc asoc monquinatquiscama pacto ningmiyovmalhca. Elvatsaoc apquiltemaclha apancaoc acmasom. Olvoc sat coo, malha talha sat cotnejic mongmovan ongilsaponsic — alhta aptomjac Dios.

JEREMÍAS 4:4 Iomraidhean Croise

2 CRÓNICAS 34:25

Apquiltomja selyamasma as enlhitaoc, apquilvatna asoc acmasis acyitnamaclha quilaycmasquiscama, apquiltomja selvennéycam naysicsa apquiltemaclha apancaoc, pac oyanmongsiclhac sat apquiltemaclha apancaoc as enlhitaoc, mepqui sicyeycajascaoc siclhanma — alhta aptomjac Dios — nic nat intomjac profeta quilvana.

ISAÍAS 10:17

Dios Santo Apyimtalhnamo apvisay ayitsay olhma nipyesicsa israelitas, cotniclhac sat talha comyetic sat amaoc najan asoc ápaoc lhalhma anco yoclhilhma.

ISAÍAS 30:33

Visqui ingac apquillanay nanoc alhta apvatnamaclha acvanyam, elmetic sat co Asiria najan apvisqui apancaoc. Malhic acyivey najan congno as apvatnamaclha, aclaneyo alhpongja. Colhic sat alvatna talha ayinyema apvatipnapma Visqui ingac, cotnejic sat malha azufre acpayesayclha talha — nic nat aptomjac profeta.

ISAÍAS 51:17

¡Quellhip co Jerusalén, enalhaticjaoc, enalhaticjaoc! Ingyaniclha netin quellhip Apquillingamcoc alhta quellhip acyimtalhnama, ayinyema aplom pac Dios. Apquilyinamquic quellhip asoc acyeyescama olhma, malha anmin alnapma intomjac.

JEREMÍAS 15:14

Elmacpoc sat quellhip, eltimjic sat apquiltimesaycam nipyesicsa cotnaja ingmoc, payjoc yoclhilhma mocjay cotnajaclha apquilaoclha. Oyanmongsiclhac sat apquiltemaclha apancaoc, acno talha acsovjomo acyovoclhojo asoc lhalhma anco — alhta aptomjac Visqui ingac.

JEREMÍAS 21:5

Avanjec coo siclom najan sicmovan, ongvinmelham sat quellhip apquilnapomacpilha.

JEREMÍAS 23:19

Visqui aplom pac acyitsomalhca alhcajayam, malha yatepiyam huracán, aptovascama enlhit apquilsilhnanomap apanco.

JEREMÍAS 36:7

Altamjo inyicje elyanmongsic moc apquilvalhoc, alvatsamcoc apquiltemaclha apancaoc acmasom. Avanjec sat cotnejic aplom pac Dios Apyimtalhnamo, ellingamcojoc sat acyanmongayclha apquiltemaclha apancaoc — nic nat aptomjac profeta.

JEREMÍAS 44:22

Incastinquic alhta Visqui ingac apvita apquiltemaclha acmasom quellhip. Eycaso ayinyema apnatovasomap tingma najan yoclhilhma mepqui enlhit. Apquillhenacpec apquilmapsomcaa najan apquiltanovmap quellhip.

JEREMÍAS 9:25

Aptomjac alhta mocjam Visqui ingac: Incovac sat acnim, yoyam oyanmongsiclhac sat apquiltemaclha apancaoc acma asoc monquinatquiscama apyimpeoc:

JEREMÍAS 9:26

Apquilvisay co Egipto, najan co Judá, najan co Edom, najan co Amón, najan co Moab, najan apyovoclhojo apquileyvam yoclhilhma actamopeycaoc najan apquilaptama ava apticvajan. Apquilyitsomacpo as enlhitaoc, najan maa israelitas, metnaja enaymacoc, ayinyema mepqui asoc monquinatquiscama apquilvalhoc — alhta aptomjac Visqui ingac.

LAMENTACIÓNES 4:11

Avanjec alhta aplom pac Visqui ingac, mepqui apmasma. Apquilvatnec alhta talha emyetic sat tingma Jerusalén, sovjoc alhta apmeta.

EZEQUIEL 16:38

Comatong sat maa, ayinyema actemaclha alanatama acyamasma atava, najan actemaclha ayajem poc. Ayinyema acyivey siclom najan aclhenseycam evalhoc coo.

EZEQUIEL 18:31

Elvatsaoc sat quellhip apquiltemaclha apancaoc, actomja seyinmelhaycam coo. Eltingya sat apquilvalhoc alhnancoc, acyiplomo apquiltemaclha alhnancoc. ¿Apquililtamjo ya elmasquingvomoc quellhip?

EZEQUIEL 20:33

Naso coo sicpayvam sicvisay Visqui sicyimtalhnamo: Otnejic sat mataa nipyesicsa quellhip siyanamaclha naysicsa sicmovan, najan naysicsa siclom, yoyam oyanmongsiclhac sat apquiltemaclha apancaoc quellhip.

EZEQUIEL 21:17

Coo najan osavojoc silnapma enlhitaoc, yoyam comascoc siclom coo. Naso coo sicpayvam sicvisay Visqui apancaoc — alhta aptomjac.

EZEQUIEL 24:13

Aptomjac alhta mocjam: Quellhip co Jerusalén, altamjo inyicje otnesquisic quellhip mepqui apquilsilhnanomap, malha siyalhnascama vaynca, am alhta ovanac coo. Ellingamcojoc sat quellhip sicyanmongsayclha apquiltemaclha apancaoc, ayinyema acyivey siclom.

EZEQUIEL 24:8

Colcalhquejec sat maa ema apancaoc, mepqui ayapma lhopactic. Colhic sat acyanmongseclho apquiltemaclha apancaoc enlhit apquilnapma, naysicsa siclom coo.

EZEQUIEL 44:7

Yitnec apquiltemaclha quellhip sictanoncama coo, sicmasma coo tingma apponquinomap. Apquilantalhnec mataa metnaja israelitas mepqui asoc monquinatquiscama apquilvalhoc, najan mepqui asoc monquinatquiscama apyimpeoc, ayinyema siclho pacto ningmiyovmalhca. Apquilpasmec alhta metnaja israelitas naysicsa apquilvatnama talha acpilhmoc najan ema ayinyema asoc acticyovam, colapvanquejec elpasmoc maa. Actanovquic coo apquiltemaclha quellhip apnatovascama pacto ningmiyovmalhca.

EZEQUIEL 6:12

Ningmasquem sat colnapoc apnaycam mocjay. Eticyoc sat apnaycam ningato. Mayic sat colnapoc enlhit apquilaymomap, elmasquingvomoc sat. Comascoc sat siclom natamin sicyanmongsayclha apquiltemaclha apancaoc.

EZEQUIEL 8:18

Momyovejec sat mocjam sictemaclha siclom. Mongvasicjiclhejec sat mocjam. Jelilmalhnac sat inyicje naysicsa apquilpalhamaycam, mongvaylhoyc sat maa, oyanmongsiclhac sat apquiltemaclha apancaoc — alhta aptomjac Visqui ingac.

LEVÍTICO 26:28

Otanovac sat apquiltemaclha quellhip. Olvoc sat coo. Olhamasiclhac sat acvaycmo siete silyanmongsayclha apquiltemaclha apancaoc.

LEVÍTICO 26:41

Yiplovcoc alhta coo lha silinmelhaycam sicnalayclha nipyesicsa cotnaja ingmoc. Apquilyanmoncasquic sat ancoc apquilvalhoc. Inlingamcoc sat ancoc apquilvalhoc, ayinyema apquilsilhnaomap apanco.

AMÓS 5:6

Aptomjac nic nat profeta: Eltingya sat Dios Apyimtalhnamo, yoyam colhic acyimnatem apnenyaoc. Am sat ancoc elyajaclhoc quellhip, ingyapajacsic sat talha Dios Apyimtalhnamo enatovacsic enlhitaoc Israel. Paj lhama co Betel comopvan esponsic talha.

SOFONÍAS 2:2

Yicpintama singimposcay. Dios Visqui ingac, ellhojoc sat quellhip actic ayimpeoc acsoyam alhcajayam. Yicpintama apquillingaycamco quellhip apyanmongsayclha Dios apquiltemaclha apancaoc quellhip, acvaa inlhojo acnim apanco Dios Visqui ingac.

ROMANOS 2:25

Naso, apyiplovcasquic sat ancoc lhip apvisay judío singanamaclha Moisés, actamila sat cotnejic asoc monquinatquiscama apyimpejic. Am sat ancoc eyiplovcasac lhip apvisay judío singanamaclha Moisés, alhtoc sat cotnejic asoc monquinatquiscama apyimpejic.

DEUTERONOMIO 10:16

Colma apquilvalhoc asoc monquinatquiscama ningmiyovmalhca. Noncolnatjojo nasa apquilvalhoc quellhip.

DEUTERONOMIO 30:6

Ellanac sat Dios apquilvalhoc quellhip monquinatquiscama pacto ningmiyovmalhca. Najan maa apquilvalhoc apquitquic. Elasicjojoc sat mataa Dios ayinyema, ayinyema apquilvalhoc najan apquilyimnatem quellhip. Colhic sat acyimnatem apnenyaoc quellhip.

DEUTERONOMIO 32:22

Avanjec coo siclom, malha talha sat cotnejic ongvapajacsic as nalhpop. Comyetic sat amyip najan acyilhna, acvaycmo coning mataymong alvinatem.

COLOSENSES 2:11

Apquiltimec quellhip apquilpasmeyquiclha Cristo, malha acyitna asoc monquinatquiscama quellhip. Jave asoc monquinatquiscama apyimpeoc ayinyema enlhit eyca actemaclha apquilvomsomap tap naysicsa melyascalhma najan apquiltemaclha nano. Eyca as asoc monquinatquiscama ayinyema Cristo.