JEREMÍAS 4:30 - Enhlit Bible

³⁰ Quellhip co Jerusalén, apquilyitsomacpo quellhip quilvana ayitcoc actalhnayclha apava aptamila púrpura, ¿so actomja yi? Actomja acpaysimquiscama niyava ataoc, ¿so actomja yi? Comalhquejec sat mocjam, actomja acyinyovmalhca, yoyam comatong.

JEREMÍAS 4:30 Iomraidhean Croise

2 REYES 9:30

Apmiyaclhec nic nat tingma Jezreel apvisqui Jehú. Inlingac nic nat quilvana Jezabel apvactama apvisqui. Inyilhvasquic nic nat acmalhimpancoc naat, intingyac nic nat alilhyescama ava, inquilanoc nic nat atong ayitcoc.

PROVERBIOS 6:25

Noncotsip nasa apnenyic lhip, apvita inlhojo quilvana actamila anco. Nosilhnanacpojo nasa lhip, apvita inlhojo as quilvana alaneyo lhip.

PROVERBIOS 7:10

Pilapcasquic alhta actepa tingma ac quilvana alamyilhamco apquitcoc. Actemaclha anco quilvana alanatama, najan alantalhnama anco as quilvana.

ISAÍAS 10:3

¿Jalhco sat eltimjic quellhip apquilvita inlhojo ayamquitva acyanmongayclha apquiltemaclha apancaoc? ¿Soc sat elpasingvota? ¿Co laa incotnejic cascama apquilnatam quellhip?

ISAÍAS 20:6

Apquiltomja apquilpayvam apnaycam tingma Ashdod de Filistea: Ningiljalhne inyicje jingilpasingvota naysicsa singilimpocjay co Asiria. ¿Soc sat jingilvomsic tap? — alhta apquiltomja maa — nic nat aptomjac profeta.

ISAÍAS 33:14

Apquilpilhyinimquic apyovoclhojo tingma Jerusalén, enlhit melyascalhma najan apquilyamasma Dios, apquiltomjac mataa: ¿Ingvanqui ya onlhic naysicsa talha singiltovascama cotmongvoycamlha nelha? — apquiltomjac maa.

JEREMÍAS 13:21

Apquillhenacpec co Jerusalén: ¿Jalhco sat eltimjic quellhip, apquilvita inlhojo cotnaja ingmoc apquilviscaa, elanic sat nipyesicsa quellhip? Ellingamcojoc sat acmasca quellhip, acno quilvana naysicsa actimquiscama ayitca.

JEREMÍAS 22:23

Actamilaycam apquilvalhoc quilhvo apquilmaclha naysicsa yamit cedro alinyema Líbano. Ellingamcojoc sat acyimtalhnama, acno quilvana naysicsa actimquiscama ayitca sat cotnejic — alhta aptomjac.

JEREMÍAS 30:14

Inquilvoncacmec enlhit apquilasicjayo siclho apquilvisay quellhip, apquilyinyovquic alhta mellhenacpo quellhip. Acyimsasquic alhta quellhip, malha cotnaja ingmoc, acyiplomo sicyanmongsayclha apquiltemaclha apancaoc quellhip. Avanjec alhta apquiltemaclha quellhip acmasom, avanjec alhta melyascalhma quellhip.

JEREMÍAS 5:31

Avanjec mataa apquilmopvan amyaa profetas. Apquiltingyac asoc apancaoc sacerdotes. ¡Apquilyispaquic mataa enlhit ajancaoc actema nac jay! ¿Co laa eltimjic sat quellhip actamongvamlha nelha acnim? — alhta aptomjac Visqui ingac.

LAMENTACIÓNES 1:19

Ningiltamjoc alhta jingilpasingvota ingnaymacoc singilasicjayo, ningvitac alhta apquiltemaclha singyinimquiscama. Apquilitsepquic alhta sacerdotes najan apquilvanyam mayayo, ayinyema mepqui aptoycaoc natingma. Am alhta elvitac nintom, apquilitsepquic alhta.

LAMENTACIÓNES 1:2

Avanjec mataa acvinama najan aliclhangveycam acyovoclhojo alhtaa. Paj lhama enlhit, yoyam etamilquiscomoc avalhoc, apquilvatsamquic alhta apquilasicjayo. Apquilyamasmec anaymacoc apquiltomjayclho apquilinmelhaycam quilhvo nac jay.

LAMENTACIÓNES 4:17

Avanjec alhta ningiljalhanma singvomquiscama tap, paj alhta ongvitac. Ningiljalhne inyicje jingilpasingvota enlhitaoc colmopvancaa jingilpasmoc.

EZEQUIEL 28:13

Aptiyasam alhta lhip amyip apanco Dios, acvisay Edén. Yitnec alhta apquilnatanma actamila anaco, mataymong acmamnave anco: acvisay rubí, najan crisólito, najan jade, najan topacio, najan cornalina, najan jaspe, najan zafiro, najan granate, najan esmeralda. Oro alhta allanomalhca apquilnatanma joyas najan aretes. Naysicsa aptiyaycamlha acyitna apnaclha lhip apquilnatanma asoc acmamnave.

EZEQUIEL 28:9

¿Apvanqui ya maa eyitsacpoc apanco lhip malha dios? Ematong sat lhip maa, apno apticyovam poc apnaymacoc.

ABDÍAS 1:7

Apquilyinimsacpec alhta quellhip ayinyema apnaymacoc. Apnalacpec alhta quellhip cotnajaclha apquilaoclha. Apquilinmelham mataa quellhip apnaymacoc. Apninquinquic mataa trampas apnaymacoc, yoyam elmacpoc quellhip. ¡Mepqui acyascamco apquilvalhoc quellhip co Edom! — alhta aptomjac Dios Visqui ingac.

HEBREOS 2:3

Ningiltomjac sat ancoc ningvinéycam nincoo ningilvomsomalhca tap acyiviy anco, mongvanquejec ongilinquitalhca. Ayinyemaclha Visqui ingac aptomja singlingascama siclhoc anco as amyaa ningilvomsomalhca tap. Natamin apquiltomja najan singlingascama poc, apquiltomja alhta apquillingay amyaa ayinyema Visqui ingac.

EL APOCALIPSIS 17:13

Am coyeycajalhcac moc apquilvalhoc apquilviscaa najan asoc navjac aclom, ayinyemaclha apquiltomja alasinaycam asoc navjac aclom.

EL APOCALIPSIS 17:2

Apquilpatjetamquic alhta as quilvana aplhamoclhojo apquilviscaa as nalhpop. Apquilpatjetamquic alhta najan aplhamoclhojo enlhitaoc lhalhma anco, malha anmin alnapma ayinyema apyinaycaoc anmin acyitsomalhca apquilanatama.

EL APOCALIPSIS 17:4

Apyilhvasem najan yamapyapamatem alhta actalhnama as quilvana. Oro asoc alyinmom alhta acnatanma najan moc asoc alyinmom almamnave najan lamom almamnave. Oro asoc alyinmom alhta ingjaycoc acmaycam as quilvana. Aclaneyo alhta ingjaycoc asoc acmasom najan actemaclha alanatama.