JEREMÍAS 4:15 - Enhlit Bible

¹⁵ Apquililhyacmec yoclhilhma Dan najan netin inquilhe Efraín, apquiltomja apquillingascama amyaa acmasom:

JEREMÍAS 4:15 Iomraidhean Croise

ISAÍAS 52:7

Eycaso sicpayvam Dios: —Tasic anco ningvita mataa soycam amyaa ninganeyquiclhilha netin inquilhe. Apquiltomja singilingascama amyaa actamilaycam ingvalhoc najan amyaa actamila anco najan amyaa singilvomquiscama tap. Apquiltomjac mataa soycam amyaa apquilanya apnaycam tingma Jerusalén: —Visqui ingac aptomja Dios Apyimtalhnamo — alhta apquiltomjac.

JEREMÍAS 10:22

¡Quip elaylhojo amyaa! ¡Payjoc nilhqueyja apquililhyacmec cotnaja ingmoc! Elnatovacsic sat tingma apquilvanyam co Judá, eltimiclhac sat yoclhilhma actamopeycaoc aleyvomaclha chacales yamvavo — alhta apquiltomjac co Jerusalén.

JEREMÍAS 6:1

¡Quellhip apquilmolhama Benjamín, elinyajaoc sat quilhvo, elyinyov sat tingma Jerusalén! ¡Elpayvas sat trompeta payjoc Tecoa! ¡Ellana sat asoc monquinatquiscama payjoc Bet-haquerem! ¡Apquililhyacmec singiltovascama najan singilimpocjay payjoc nilhqueyja!

JEREMÍAS 8:16

¡Apquililhyacmec cotnaja ingmoc, apquilcamquitvocmec tingma Dan! Inlingalhquic apquilpayvascama apvajic nolhing, malha acpilhyinamam as nalhpop intomjac. Elnatovacsic sat cotnaja ingmoc yoclhilhma najan aclhamoclhojo asoc maa, najan apyovoclhojo tingma apquilvanyam najan asoc acnaycaoc maa — alhta apquiltomjac co Judá.

JOSUÉ 17:15

Apcatingmavoc nic nat Josué: —Am sat ancoc colhno yoclhilhma najan nalhma co Efraín, ayinyema appintalhnama quellhip. Elyatemen sat yamtaa nalhma apquileyvomaclha ferezeos najan refaitas — nic nat aptomjac.

JOSUÉ 20:7

Apquilponquincasquic nic nat israelitas tingma apquilmiyovmacpilha, apquilvisay: tingma Cedes yoclhilhma Galilea, payjoc inquilhe alvinatem Neftalí. Najan tingma Siquem, payjoc inquilhe Efraín. Najan tingma Quiriat-arba, moc apvisay Hebrón, payjoc inquilhe Judá.

JUECES 18:29

Siclhoc nic nat apvisay tingma Laís, apquiltamjacpo apvisay tingma Dan, apvisayó lhama apquilyeyjamcaa Dan, Jacob nic nat apquitca.

JUECES 20:1

Apcaneclhec nic nat apyovoclhojo israelitas tingma Mizpa napato Dios. Apquilinyemac nic nat tingma Dan acvaycmo tingma Beerseba najan tingma Galaad. Am nic nat ingyaymacpoc lhama.