JEREMÍAS 32:41 - Enhlit Bible

⁴¹ Copayjiclhac sat evalhoc naysicsa siyasicjayclha, olhnecsic sat as yoclhilhma, acyiplomo actamilaycam evalhoc coo — alhta aptomjac Visqui ingac.

JEREMÍAS 32:41 Iomraidhean Croise

JEREMÍAS 24:6

Olmeyvoc sat mocjam as enlhitaoc, onalovsingvoclhac sat mocjam, elvotac sat apquilaoclha. Elhnam sat mepqui mocjam sictovascama coo. Cotnejic sat malha siyinayclha mocjam, mepqui siyaptama mataa.

SOFONÍAS 3:17

Apnec Dios Visqui ingac nipyesicsa quellhip, apmopvan innac najan aptomja singvomquiscama tap. Aptomja apcasicjayo najan apyimnatescama apnenyaoc quellhip. Apquitsovasoc maa

AMÓS 9:15

Colhojoc sat mayinayclha amyip apancaoc, mepqui mocjam malapayclha enlhitaoc Israel yoclhilhma sicmescama alhta, yoyam elhnam — alhta aptomjac Dios — nic nat aptomjac profeta.

ISAÍAS 62:5

Acno aptemaclha apyimnanic etnejic aptava quilvana ayitcoc, colhojoc sat aptemaclha Dios Visqui ingac etnejic aptava quellhip apyovoclhojo, acyiplomo acpayjayclha apvalhoc Visqui ingac, apno enlhit quilhva alyimjapma acnaclha apponcanma.

ISAÍAS 65:19

Ongvitsovacsojoc sat sicvita tingma Jerusalén najan enlhitaoc ajancaoc. Colngalhquejec sat mataa alyapcalhem najan apquiliclhangveycam.

JEREMÍAS 31:28

Singanama alhta siclho, yoyam colhic alyapta, colhic acnatovasa, colhic sat alhacjam, colhic actimesa acmasom. Ongvanic sat, yoyam colhic allanesiclha mocjam, colhic mocjam ayinayclha actic. Nasoc sicpayvam sicvisay Dios — alhta aptomjac.

JEREMÍAS 18:9

Acvitac coo poc apvisqui najan apnaymacoc. Inlhenquic alhta evalhoc opasmoc naysicsa apquilvascapma, olhamasiclhac sat enlhitaoc maa.

DEUTERONOMIO 30:9

Epasmoc sat quellhip Dios naysicsa apquilvascapma. Elhamasiclhac sat quellhip apquitquic, quellhip apnatoscama, najan quellhip acyilhna ayinyema amyip. Copayjiclhac sat apvalhoc Dios, ingyimliclhojoc sat mocjam, acno apquimlayquiclho siclhoc nat apquilyeyjamcaa quellhip.

DEUTERONOMIO 28:63

Inlhenquic alhta siclho apvalhoc Dios ingyimlimojoc mataa quellhip najan elhamasiclhac quellhip. Quilhvo eyca aclhanma apvalhoc Dios enatovacsic quellhip, eyinyovsic sat yoclhilhma apquilvoycamlha sat quellhip.

SALMOS 80:8

Lhip alhta aptomja singyinyovquiscama yoclhilhma Egipto, malha apliclama uva avjac. Apquilhpancasquic alhta lhip metnaja ningmolhama yoyam onlhic nincoo. Malha apquinayclha alhta aptomjac lhip uva avjac.

ISAÍAS 62:4

Eltamjacpoc sat quellhip jave apquiltamopongviyam (apquilyamasma), jave najan yoclhilhma actovasomalhca. Eltamjacpoc sat quellhip Dios apquilyacyescama, cotnejic acvisay yoclhilhma Quilhva Alyimjapma. Ayinyema Visqui ingac apcasicjayquiclha mocjam quellhip, etnejic Quilhva Alyimjapma apquileyvomaclha quellhip.

MIQUEAS 7:18

Lhip apvamlha pac lhama Dios Apyimtalhnamo, paj poc. Apcasicjaclhec mocjam lhip apmoscosa nintemaclha acmasom. Inquilvoncacmec lhip ningilinmelhaycam lhip, ningilaymalhca incanit. Ingilasicjaclhec mocjam nincoo, apquilvatesa aptemaclha aplom cotningvoyam nelha.

ISAÍAS 60:21

Elyiplovcasojoc sat siyanamaclha apyovoclhojo enlhitaoc, melantipsacpejec sat mataa apquileyvomaclha. Ellhojoc sat ayimjaclha ninganma, ayinyema siyinayclha alhta coo. Coo alhta silantipquiscama, yoyam colhic seyaco gloria ajanco.

EZEQUIEL 36:36

Elyicpilcangvomoc sat vecinos apquilaymomap, sicvisay Visqui apancaoc, sictomja sillanayclha tingma aptovasomap, najan siyinayclha mocjam actic amyip acyinyovmalhca siclho. Eycaso sictemaclha coo, sicvisay Visqui apancaoc, siclhanma nasoc anco.

OSEAS 14:5

Jelasicjiclhojo sat enlhitaoc sictomja malha yalya alhtoo. Ellhojoc sat enlhitaoc ilhnamoc lirios. Ellhojoc sat yamit ayquipmenaoc netin inquilhe Líbano.