JEREMÍAS 30:9 - Enhlit Bible

⁹ Jeltimesam sat mataa coo sicvisay Dios Visqui apancaoc. Eltimesam sat apvisqui David, etnesacpoc sat apvisqui apjalhnancoc ayinyema coo — alhta aptomjac Dios Apyimtalhnamo.

JEREMÍAS 30:9 Iomraidhean Croise

SALMOS 89:49

Visqui ingac. ¿Co laa acyasa (acyitna) siclhoc nat lhip apcasicjayo? Lhip nat aplhanma mepqui apyeycajascaoc napato David.

JEREMÍAS 23:5

Aptomjac alhta Dios apquilanya: Incovac sat acnim, yoyam etyamoc sat apvisqui David aptavin. Etnejic sat apvisqui apyascamco, aptemaclha appeyvomo najan aptemaclha appeyvescasquiclha appeyvomo.

JEREMÍAS 29:11

Yitnec coo aclhanma evalhoc olmeyvoc quellhip, jave yoyam onatovacsic, eleyoc sat quellhip naysicsa acpayjayclha apquilvalhoc. Eycaso sicpayvam sicvisay Visqui apancaoc.

JEREMÍAS 30:21

Lhama apquilmolhama etnejic sat mocjam apvisqui apancaoc, jeyotac sat coo. ¿Apvanqui ya jeyotac coo enlhit? — alhta aptomjac.

JEREMÍAS 33:15

Ongvanic sat lhama enlhit, David aptavin niptamin, etnescasiclhac sat mocjam nintemaclha acpeyvomo as yoclhilhma.

OSEAS 3:5

Elpayquingvomoc sat enlhitaoc Israel, elquitmoc sat Dios Visqui apancaoc najan apvisqui David. Elyoclhojoc sat maa, eltimjic sat apquilayo Dios, ellhocac sat altamila asoc ayinyema Dios Apyimtalhnamo. Sat cotnejic actamongvomlha nelha acnim.

SAN MATEO 2:2

Apquiltomjac alhta apquilanya: —¿Co lha apyitna sicaa quilhvo aptiyam, yoyam etnejic apvisqui nipyesicsa judíos? Ningvitac nincoo apyova apanco actiyapmaclha acnim. Nintiyaningvavoc nincoo asi, yoyam ongilpayicsojo Visqui apjalhnancoc —alhta apquiltomjac.

SAN LUCAS 1:69

Ingmasquic Singvomquiscama tap apyimnatem. Apquinyema apmolhama David aptomja apquilancam Dios Ingyapam.

LOS HECHOS 13:23

David aptavin niptamin as enlhit apvisay Jesús. Aptomjac enlhitaoc Israel apquilvomquiscama tap. Dios Ingyapam aptimesquiscama. Actemaclha ilhnic nat appayvam aplhanma Dios Ingyapam.

LOS HECHOS 13:34

Najan moc amyaa actemaclha aplhaticjasquiyam nipyesicsa apquilmasquingvaycmo. Am nic nat eltamjoc Dios Ingyapam etjapoc apyovoclhojo Jesús. Intomjac aclhanma ilhnic nat vaycajac: “Coo sat oviscomoc nelha siclhanmaclha siltimnasa nat David” —nic nat aptomjac Dios Ingyapam.

LOS HECHOS 2:30

David aptomjac nic nat profeta Dios aplingascama. Apyasamcoc nic nat aplhanmaclha Dios Ingyapam. Nasoc anco sat etnesquisic appayvam. Apquiltamjoc nic nat etnescasiclha apvisqui, yoyam elhic aptavin niptamin David. Yoyam eyanmongsic sat aptavin niptamin apvisay Cristo.