JEREMÍAS 30:5 - Enhlit Bible

⁵ Aptomjac alhta Dios Apyimtalhnamo: ¡Inlingalhquic apquilpalhamaycam enlhitaoc ayinyema apquilay najan apquilpilhyinamam!

JEREMÍAS 30:5 Iomraidhean Croise

ISAÍAS 5:30

Elvac sat as enlhitaoc metnaja israelitas, colhojoc sat ayilhtingyovam yingmin acvanyam, elnapacpoc sat israelitas. Cotalhcac sat actemaclha as nalhpop acyivey yatescamalhma, najan yipjopay alpasyam, mepqui ayitsay olhma sat cotnejic — nic nat aptomjac profeta.

ISAÍAS 59:11

Ningilpayvec ningilanalhco, malha acpáyvam oso asoc navjac, malha valhaay appáyvam. Ningiljalhne inyicje covac singilvomquiscama tap, am eyca ongvitac mocjam. Ningiljalhne inyicje covac ningmiyovmalhca, am eyca ongvitac mocjam.

JEREMÍAS 12:12

Apquililhyacmec alhta cotnaja ingmoc payjoc inquilhe actamopeycaoc. Eycaso ayinyema coo sicvisay Visqui, yoyam cotvasalhcac sat yoclhilhma acyovoclhojo. Mepqui lhama enlhit, yoyam emyovacpoc.

JEREMÍAS 25:36

Apquilpalhamam pastores ayinyema apquillingaycamco acmasca, ayinyema apnatovascama Visqui ingac.

JEREMÍAS 30:4

Eycaso amyaa ayinyema Dios apquillhenacpo enlhitaoc Israel najan Judá.

JEREMÍAS 46:5

Pilapcasquic sicvita moc actemaclha. ¿Co laa ayinyema? Avanjec ayay apquilvalhoc singilpilhtetemo. Apquiltajavoc siclho singilpilhtetemo. Apquilinyajamquic maa mepqui apquilpaycomap. ¡Avanjec apquilay singilpilhtetemo! Eycaso sicpayvam sicvisay Visqui apyimtalhnamo.

JEREMÍAS 6:22

Aptomjac alhta Dios Apyimtalhnamo: Apquilpenasquic alhta co nilhqueyja apquilyimnatem apanco, ellanac sat apquilimpocjay.

JEREMÍAS 6:26

Quellhip enaymacoc, eltingya sat apava acmayovsa apquilvalhoc naysicsa apquillingaycamco acmasom. Elhnamaja sat acyitnamaclha tajap. Elyapcalhaoc sat actema acmayovsa apquilvalhoc, malha apquitsepma enlhit apquitca apvamlha pac lhama. ¡Cotlapsic sat ongvita quilhvoc anco singiltovascama cotnaja ingmoc! — alhta aptomjac profeta.

JEREMÍAS 8:16

¡Apquililhyacmec cotnaja ingmoc, apquilcamquitvocmec tingma Dan! Inlingalhquic apquilpayvascama apvajic nolhing, malha acpilhyinamam as nalhpop intomjac. Elnatovacsic sat cotnaja ingmoc yoclhilhma najan aclhamoclhojo asoc maa, najan apyovoclhojo tingma apquilvanyam najan asoc acnaycaoc maa — alhta apquiltomjac co Judá.

JEREMÍAS 8:19

Aclingac coo apquilpalhamaycam enaymacoc lhalhma anco: ¿Apyinyovqui ya Dios Visqui ingac tingma Jerusalén? ¿Apyinyovqui ya apvisqui rey? — apquiltomjac maa. Apcatingmavoc Visqui ingac: ¿So actomja yi? Selvenéycam alhta quellhip naysicsa apquilayo quellhip quilaycmasquiscama mepqui almovancaa — alhta aptomjac.

JEREMÍAS 9:19

Inlingalhquic aliclhangveycam ayinyema tingma Jerusalén: ¡Nincoo layi, ningiltovasomalhca nincoo, ninlingamcoc nincoo singvenéycam! Ongyinyoc sat ningileyvomaclha najan tingma apnatovasomap — intomjac aliclhangveycam.

AMÓS 8:10

Comascoc sat apquilitsovascama fiesta apancaoc quellhip. Elyapcalhic sat ayinyema acmayovsa apquilvalhoc apquilitsepma. Comascoc sat apquilminaycmascama, ayinyema acmayovsa apquilvalhoc quellhip. Acyiplomo apquilantalhnayclha apava, yoyam cotnatsalhquejec acmayovsa apquilvalhoc quellhip. Elyimsesic sat apyitsicsaoc, elyapcalhaoc sat malha apquitsepma apquitca apvamlha pac lhama. Cotnejic sat acyivey apquillingaycamco acmasom — alhta aptomjac Dios Apyimtalhnamo.

HABACUC 1:10

Apquilasmasquic mataa apquilvenná apquilviscaa najan apquilyimtalhnamo. Apquilasmasquic mataa apquilyilhanmomaclha singilpilhtetemo. Apquilicjesquic maa lhopactic, quilhvoc mataa elquinamtic elimpocjac maa.

HABACUC 1:6

Olapajacsic sat enlhitaoc caldeos ellana apquilimpocjay. Apquiltemaclha apancaoc apquilnapomap, elsavojoc yoclhilhma lhalhma anco. Eltimjic sat apancaoc yoclhilhma cotnajaclha siclho apquileyvomaclha.