JEREMÍAS 3:4 - Enhlit Bible

⁴ Yitnec alhta apquilpayvam quellhip: Tata coo, semasma naysicsa sictiyascam.

JEREMÍAS 3:4 Iomraidhean Croise

SALMOS 119:9

¿Jalhco sat etnejic enlhit yoyam mesilhnanacpeje naysicsa aptiyascam? Incaymalhquic eyiplovcasojo lhip appayvam.

SALMOS 48:14

—Eycaso apmopvan apanco Dios Visqui ingac cotmongvoycamlha nelha. Jingnaliclhac sat mataa nincoo — sat eltime elanic quellhip.

SALMOS 71:17

Visqui ingac, lhip aptomja seyascasingvoyam ayenmo sictemaclha eyitcoc. Aclingasquic coo mataa asoc simpilapquiscama lhip apyatipquiscama.

SALMOS 71:5

Lhip Visqui ajac aptomja aljalhneycam evalhoc najan aptomja sicyilhanmeycam ayenmo sictemaclha eyitcoc.

PROVERBIOS 1:4

Colhic sat actamilaycam ingvalhoc, ningyiplovquisa inlhojo singiltamsoycaoc, apquillhenacpoc inquitquic najan apquilyimnanic.

PROVERBIOS 2:17

Quilvana actomja acyamasma atava najan acyamasma Dios Visqui ingac.

JEREMÍAS 2:2

Iyas sat maa natingma Jerusalén. Iyimnaticsojo lhip appayvam elngacsic amyaa. Elaylhojo quellhip appayvam ayinyema Dios Apyimtalhnamo: Olyitquisic quellhip nanoc nat apquiltemaclha apquilyimnanic, mepqui alhta mataa apquilvatseycaoc. Olyitquisic quellhip sictomja nat etava quellhip, apquiltomja selasicjayo. Elyiplantac alhta quellhip siclhinga yoclhilhma actamopeycaoc, mepqui alhta maa ninganma.

JEREMÍAS 2:27

Quellhip alhta selyamasma. Apquiltomjac quellhip apquilanya quilaycmasquiscama: Tata coo semasma as quilaycmasquiscama — apquiltomjac quellhip. Najan apquilanya mataymong: Meme coo sevanimquiscama as quilaycmasquiscama — apquiltomjac quellhip. Mepqui selayo mataa quellhip. Pilapcasquic apquiltajanyaa quellhip acmasom, apquiltomja selanya: ¡Visqui ingac, jingilpasingvota! — apquiltomjac quellhip.

JEREMÍAS 3:19

Aptomjac alhta mocjam Visqui ingac: Quellhip israelitas, altamjoc alhta inyicje colhic ayaco quellhip, elhnam sat quellhip lhama yoclhilhma actamila anco, am colhno moc yoclhilhma as nalhpop. Jeltimjic sat jelanic: Tata coo — sat eltimjic. Mejelyinyovejec sat mataa quellhip.

JEREMÍAS 31:22

¿Co laa ayinyema alyasquiyam apquilvalhoc, acno acyasquiyam quilvana ayitca? Coo sicvisay Visqui, sictimesquiscama actemaclha alhnancoc as nalhpop, malha quilvana aljalhanma enlhit (quilvana comoc sat tacja atava) — alhta aptomjac Visqui ingac.

JEREMÍAS 31:9

Elvotac sat acyiplomo apquililmalhnancama, najan naysicsa apquilvinama. Onaliclhac sat amay acpeyvomo, elvitac sat acyitnamaclha yingmin actamila. Coo sicvisay apquilyap israelitas, apquilyitsomacpo sictamongvoyam Efraín, aptomja aptiyam apmamyi — alhta aptomjac.

OSEAS 2:15

Otajicsojoc sat mocjam actomja anco ayimjaclha uva. Alvata actamopeycaoc acvisay Acor, otnescasiclhac sat actamila anco, alhta acpayesayclha avalhoc quilvana. Opamejitsalhcojoc sat, acno alhta mepqui atava, acno alhta actiyapmaclha yoclhilhma Egipto.,

MALAQUÍAS 1:6

Aptomjac alhta Dios Apyimtalhnamo: Apquilyajaclhoc mataa apquitcavoc apquilanama apyapmayc. Apquilyajaclhoc mataa apquiltimesaycam appayvam apvisqui apancaoc. Coo sicvisay Apquilyap quellhip, ¿so actomja yi meltomja selayo quellhip? Coo sicvisay Apvisqui apancaoc, ¿so actomja yi meljalhenmo sicpayvam quellhip? Nasoc anco sevennéycam quellhip naysicsa apquillhanma: ¿Co laa ayinyema ningvennéycam Dios? — apquiltomjac quellhip.

MALAQUÍAS 2:14

Apquiltomjac mataa quellhip: ¿So actomja yi? — apquiltomjac mataa. Ayinyema quellhip apquilsilhnanomap apanco, apquiltemaclha alhta quellhip apquilyimnanic. Apquiltingyac quellhip quilvana eltimjic aptava, naysicsa apquillhanma nasoc anco quellhip, yoyam melyinyovejec sat mataa. Dios aptomja apvitaycamco.