JEREMÍAS 3:12 - Enhlit Bible

¹² Aptomjac mocjam seyanya: Ilngas sat lhip amyaa nac jay payjoc nilhqueyja: Quip elaylhojo Visqui ingac appayvam: ¡Jelyota sat quellhip israelitas! Mepqui mocjam siclom coo, ongvasicjiclhojoc sat mocjam quellhip. Eycaso sicpayvam sicvisay Visqui sicyimtalhnamo.

JEREMÍAS 3:12 Iomraidhean Croise

GÉNESIS 4:7

Apyiplovcasquic sat ancoc lhip actemaclha actamila, cotamilam sat najan apvalhoc. Am sat ancoc eyiplovcasac lhip actemaclha actamila, coytic sat meyascalhma apnaclha lhip yoyam cosilhnana. Iyimnac sat lhip yoyam mesilhnanacpeje— nic nat aptomjac.

2 REYES 15:29

Naysicsa aptimem nic nat apvisqui Peka, apquillanac nic nat apquilimpocjay apvisqui co Asiria Tiglat-pileser tingma Ijón, najan Abel-bet-maaca, najan Janoa, najan Cedes, najan Hazor, najan Galaad, najan Galilea najan yoclhilhma Neftali. Apquilmacpec nic nat, innec nic nat acnalaclho yoclhilhma Asiria.

2 REYES 17:23

Apnatovasacpec nic nat apquilmolhama Israel, apquilhamacpo napato Dios. Acno ilhnic nat apquillhanma profetas Dios apquillingascama. Innec nic nat acnalaclho apquilmomap apyovoclhojo co Israel yoclhilhma Asiria. Apquilvitacpec nic nat maa acvaycmo as ningvamlha nac jay, actalhesomalhca as amyaa.

2 REYES 17:6

Invocmec nic nat nueve años aptimem apvisqui Oseas, apcanama apvisqui co Asiria elmacpoc tingma Samaria najan apyovoclhojo co Israel. Apyinyovcasquic nic nat apquilaoclha, apnalaclho yoclhilhma Asiria, payjoc vatsam Gozán, yoclhilhma Habor, payjoc Halah. Innec nic nat acpalhaquisa napocja apquilmomap tingma apancaoc medos.

2 REYES 18:1

Apnec nic nat apvisqui Oseas, Ela apquitca. Acvaycmo tres años aptimem nic nat apvisqui co Israel. Apvisqui apjalhnancoc nic nat nipyesicsa co Judá apvisay Ezequías, Acaz apquitca.

2 CRÓNICAS 29:10

Inlhenquic evalhoc, yoyam ongillanac sat pacto actemaclha ningmiyovmalhca napato Dios Visqui apancaoc Israel, yoyam comascoc sat aplom pac Dios, yoyam ongilmiyovalhcac sat. ¡Quellhip eyitquic, elvascap sat mataa!

2 CRÓNICAS 30:9

Apvitac sat ancoc Dios apquiltemaclha quellhip apquilyanmonquiscama moc apquilvalhoc, elanic sat cotnaja ingmoc, yoyam elapajacsic mocjam eltajiclha ingilyalhinga apquilmomap nipyesicsa maa. Elvotac sat mocjam ingilyalhinga ningyesicsa, actomja ningilaoclha, ayinyema apcamliyam Dios najan apcapeycam, mepqui aptovascama quellhip, apvita inlhojo apquilpaycomap quellhip — nic nat apquiltomjac apquilsoycam amyaa.

SALMOS 103:17

Comasquejec sat mataa actemaclha singilasicjayo ningiltomja ningilayo Visqui ingac. Comasquejec sat mataa aptemaclha acpeyvomo nintamin sat cotmongvoycamlha nelha.

SALMOS 103:8

Singasicjayo aptomja Visqui ingac najan aptamila. Actamilaycam apvalhoc najan singasicjayclha.

SALMOS 103:9

Comascoc sat aplom najan actemaclha aclom apvalhoc.

SALMOS 145:8

Visqui ingac aptomja singasicjayo najan singimlaycmo. Avanjec anco singasicjayo, mepqui appecjescama yoyam elvoc.

SALMOS 79:5

Dios Visqui ingac. ¿Co sat acvam comascoc lhip aptemaclha aplom? Malha talha singiltovascama intomjac lhip aplom.

SALMOS 86:15

Lhip eyca Visqui ajac. Aptomja seyasicjayo najan seyimlaycmo. Actamila anco apvalhoc lhip najan aplhanma mepqui apyeycajascaoc.

SALMOS 86:5

Aptasi nac lhip Visqui ingac. Aptomjac singasicjayclha mocjam. Avanjec lhip apquilasicjayo. Apvita inlhojo apquilmalhnancama enlhit.

PROVERBIOS 28:13

Am sat ancoc ongillhenac ningilsilhnanomalhca inganco, ongiltanovalhcac sat nincoo. Ningillhenquic sat ancoc ningilsilhnanomalhca inganco (ningilvatesa nintemaclha), ongmiyovalhcac sat nincoo.

ISAÍAS 31:6

¡Quellhip israelitas, apquilyamasma alhta Visqui ingac, elpayquim sat mocjam!

ISAÍAS 44:22

Ayasicjaclhec mocjam quellhip. Acmascosquic melyascalhma quellhip najan apquiltemaclha apancaoc. Mongviticlhejec mocjam, malha yipjopay aclhingam intomjac. Najan malha tiyam etin acmasquem intomjac. Eltajingvom sat quellhip, jelyota sat mocjam. Coo sictomja sicyinyovquiscama quilaycmasquiscama quellhip.

JEREMÍAS 11:6

Aptomjac alhta seyanya Dios Apyimtalhnamo: Ilngas sat amyaa tingma apquilvanyam apquilmolhama Judá najan natingma Jerusalén. Itne sat lhip ingyanic: Elaylhojo quellhip, elyiplovcasojo singanama pacto ningmiyovmalhca.

JEREMÍAS 12:15

Natamin macnalayclha mocjay as enlhitaoc, ongvasicjiclhojoc sat mocjam. Otajicsojoc sat mocjam as enlhitaoc, elhnam sat mocjam apquilaoclha.

JEREMÍAS 23:8

Ellhenic eyca mepqui apquilyeycajascaoc: Visqui ingac aptomja apnalovsingvoyclha israelitas yoclhilhma nilhqueyja najan moc yoclhilhma lhalhma anco apquilhpaneycam siclho — sat eltimjic maa. Elhnam sat mocjam actomja apquilaoclha — alhta aptomjac Dios — nic nat aptomjac profeta.

JEREMÍAS 3:1

Aptomjac alhta Visqui ingac: Apyinyovquic sat ancoc aptava enlhit. Yiplovcoc alyimjapayclha poc enlhit. Covanquejec quilvana acyamasma cotajojoc mocjam coyipitquiclhojo atava siclho. Acvisay ningmancactama nintemaclha enlhit. Quellhip israelitas apquilyitsomacpo quilvana alanatama nipyesicsa enlhitaoc. Apquililtamjoc jelyipitquiclhojo mocjam coo — alhta aptomjac Visqui ingac.

JEREMÍAS 3:14

Aptomjac mocjam Visqui ingac: ¡Quellhip eyitquic, jelyota sat coo sictomja silyacyescama quellhip! Moclhama tingma apvanyam najan moclhama clan apquilmolhama olyacyecsic sat lhama najan apcanit, onaliclhac sat tingma Jerusalén.

JEREMÍAS 3:18

Elpasmiclhac sat israelitas najan co Judá, yoyam elyinyoc sat nilhqueyja, elvotac sat mocjam apquilaoclha, apquillhoy nat apquilyeyjamcaa quellhip — alhta aptomjac Visqui ingac.

JEREMÍAS 3:22

Jelyota sat quellhip selyamasma siclho, ellaniclha sat apquilvalhoc, olmecsic sat quellhip actamilaycam apquilvalhoc — alhta aptomjac Visqui ingac. Lhip Visqui ingac, jingilanojo nincoo ningiltajemo mocjam, ayinyema lhip aptomja Dios Visqui ingac.

JEREMÍAS 3:5

Melvejec sat lhip cotningvoyam nelha, meyanmongsiclhejec sat lhip sictemaclha ajanco — apquiltomjac mataa quellhip, naysicsa apquilyangvisquiyam apquiltemaclha apquilmapsomcaa (apquiltemaclha acmasom) — alhta aptomjac Visqui ingac.

JEREMÍAS 3:7

Aljalhne inyicje coo jelyavotac mocjam israelitas, malha quilvana alanatama actajayclha mocjam apnaclha atava. Apquilvitac alhta apnaymacoc co Judá, malha apquilyalhing apquiltomjac.

JEREMÍAS 30:11

Naso coo sicpayvam sicvisay Dios, siclhalhma coo, yoyam olvomsic tap quellhip. Onatovacsic sat enlhit apquilinmelhaycam maa naysicsa apquilmomap quellhip. Momascocsejec sat quellhip, ellingamcojoc sat quellhip sicyanmongsayclha apquiltemaclha apancaoc. Colapvanquejec quellhip mepqui sicyanmongsayclha apquiltemaclha apancaoc — alhta aptomjac Dios.

JEREMÍAS 31:20

Malha sictamongvoyam siyasicjayo apquilvisay co Efraín, avanjec siyasicjayo. Inlhenquic mataa evalhoc sicvita sictamongvoyam, intamjam coo evalhoc: opasmoc sat quilhvo nac jay — intomjac evalhoc. Eycaso sicpayvam sicvisay Visqui — alhta aptomjac.

JEREMÍAS 31:21

Quellhip israelitas, noelquinatquis nasa amay apquilyasaclha alhta siclho. ¡Elyiplanta sat mocjam as amay mepqui apquilquinatquiscama! ¡Elvota sat mocjam quellhip israelitas, elhnam sat mocjam tingma apquilvanyam!

JEREMÍAS 31:8

Otajicsojoc sat mocjam apquilmomap mocjay nilhqueyja, ongvansiclhac sat apyovoclhojo lhalhma anco. Apquillhalhmaa sat mepqui apataoc najan apquilyateyaycam. ¡Allhalhmaa sat quilvanaa inlovsavo najan altimquiscama ayitca, elvotac sat enlhit appintalhnama!

JEREMÍAS 33:26

Momascocsejec sat Jacob aptovana niptamin. Momascocsejec sat mataa David aptovana niptamin, eltimjic sat mataa apquilviscaa reyes nipyesicsa enlhitaoc Abraham aptovana, najan Isaac aptovana, najan Jacob aptovana. Ongvasicjiclhojoc sat mataa enlhit ajancaoc, yoyam elmiyovacpoc — alhta aptomjac Visqui ingac.

JEREMÍAS 4:1

Aptomjac alhta Dios Apyimtalhnamo apquilanya: ¡Apquililtamjoc sat ancoc elpaycacpojo quellhip, elmiyanta sicnaclha coo! Incaymalhquic etlhaoc quilaycmasquiscama altanovmalhca, incaymalhquic mejelyinyovejec sat mataa coo.

LAMENTACIÓNES 3:22

Visqui ingac aptomja singasicjayo najan singmasma cotningvoyam nelha.

EZEQUIEL 11:17

Ilngas sat mocjam: Eycaso appayvam ayinyema Visqui ingac: Onalovsingvoclhac sat mocjam apquilmomap israelitas. Ellhovamcoc sat as yoclhilhma apquileyvomaclha israelitas, coo sicmescama.

EZEQUIEL 33:11

Coo sicvisay Dios, nasoc co sicpayvam. Am oltamjoc, yoyam ematong enlhit apmapsom. Yitnec sat ancoc apyanmonquiscama moc apvalhoc, emyovacpoc sat. ¡Quellhip co Israel, elyanmonquis moc apquilvalhoc quellhip! ¡Elvatsaoc apquiltemaclha apancaoc quellhip! ¿Apquililtamjo ya elmasquingvomoc quellhip? — alhta aptomjac.

EZEQUIEL 39:25

Naso coo sicpayvam sicvisay Visqui apancaoc: Ongvasicjiclhojoc sat mocjam apyovoclhojo israelitas, apquiltomja Jacob aptovana niptamin, colhic sat ayaco sicvisay.

OSEAS 6:1

Inlhenquic alhta apquilvalhoc apquilmolhama Israel: Noc, ontingyac sat Dios Visqui ingac. Jingiltamilquiscomoc sat, aptomja alhta singilyicpilhquetem. Jingiltamilquiscomoc sat, aptomja alhta singilyimsascama.

LEVÍTICO 26:40

Incovac sat acnim, yoyam elyicpilcangvomoc sat quellhip apquilsilhnanomap apanco. Najan apquiltemaclha apancaoc apquilyeyjamcaa. Ellhenic sat quellhip apquiltemaclha alhta selinmelhaycam.

ZACARÍAS 1:4

Noelvajaniclhojo nasa quellhip apquiltemaclha apancaoc apquilyeyjamcaa. Apquillingasquic nat profetas sicpayvam, apquiltomja apquilanya: Elpayquim sat quellhip, elvatsaoc sat apquiltemaclha apancaoc - nat apquiltomjac. Am nat eljalhnoc apquilyeyjamcaa sicpayvam. Naso coo sicpayvam sicvisay Dios.

DEUTERONOMIO 30:2

Apquilyanmoncasquic sat ancoc apquilvalhoc quellhip. Apquililyajaclhoc sat ancoc appayvam Dios Apyimtalhnamo. Inmec sat ancoc apquilvalhoc quellhip najan apquitquic, acno sicpayvam siyanama coo.