JEREMÍAS 27:5 - Enhlit Bible

⁵ Coo sicmovan ayinyema sillanay as nalhpop, najan enlhit, najan apnatoscama, najan asoc navjac, najan aclhamoclhojo asoc. Evanquic omquecsic siltamjoclha omquecsic, otnesquisic apvisqui, siltamjoclha otnesquisic.

JEREMÍAS 27:5 Iomraidhean Croise

GÉNESIS 1:25

Apvitac nic nat Dios aclhamoclhojo asoc aleyvam nalhpop. Aptivac nic nat Dios actemaclha actamila.

GÉNESIS 9:6

Apmatnec sat ancoc enlhit, coyanmongiclhac sat najan aptomja apcajem. Ayinyemaclha apquilanacpec alhta enlhit, apnoc alhta aptemaclha Dios.

ESDRAS 1:2

Eycaso sicpayvam sicvisay Ciro, sictomja apvisqui yoclhilhma Persia: — Aclhoc'ac coo aclhamoclhojo yoclhilhma lhalhma anco ayinyema Dios apna netin. Aptomjac apcanem yoyam ollanac tingma apponquinomap natingma Jerusalén nipyesicsa enlhitaoc Judá.

NEHEMÍAS 9:22

Lhip nic nat aptimesquiscama apquilyimnatem, elmacpoc apquilviscaa cotnaja ingmoc najan apnaymacoc. Apquilmilasquic nic nat yoclhilhma yoyam elhnam payjoc Hesbón, yoclhilhma apanco apvisqui Sehón najan yoclhilhma Basán actomja apanco apvisqui Og.

SALMOS 102:25

Siclhoc nic nat apquillanay lhip as nalhpop. Lhip nic nat apquillanay netin.

SALMOS 96:5

Mepqui acmovan mataa quilaycmasquiscama acyitsomalhca dios. Apmopvan innac Visqui ingac aptomja apquillanay nic nat netin.

ÉXODO 20:11

Eycaso ayinyema Dios Apyimtalhnamo aptomja apquillanay nic nat acvocmo seis acnim netin najan nalhpop najan yingmin acvanyam najan aclhamoclhojo asoc aleyvam nayingmin. Apnaclhec nic nat acvocmo siete acnim. Apcacoc nic nat Dios Apyimtalhnamo as acnim ninnayclhilha, aptomja apmasmaclha.

ÉXODO 6:6

Iltimnas sat lhip enlhitaoc Israel: Coo sicvisay Dios. Olyinyovsic sat quellhip actemaclha acyimtalhnama apquiltamjaycam ayinyema co Egipto. Olvomsic sat tap quellhip naysicsa apquiltimesaycam. Olvoclhac sat quellhip ayinyema sicyimtalhnamo naysicsa sicyanmongsayclha apquiltemaclha apancaoc.

ISAÍAS 42:5

Eycaso sicpayvam sicvisay Dios: —Coo alhta silantipquiscama netin najan sicpayescama netin. Sillanay alhta as nalhpop najan asoc alimja lhalhma anco. Sictomja sicyimnatescama apnenyaoc enlhitaoc lhalhma anco. Sicmescama apvalhoc enlhitaoc apquileyvam lhalhma anco.

ISAÍAS 44:24

Eycaso sicpayvam Dios, sicvomquiscama tap quellhip. Malha sicaa sictimesquiscama avalhoc inquin. Coo sicvisay Dios, silanay nat netin najan nalhpop. Coo sicvamlha silanay.

ISAÍAS 45:12

Coo alhta silanay as nalhpop najan enlhitaoc apquileyvam as nalhpop. Coo alhta silanay netin najan aplhamoclhojo apyová.

ISAÍAS 48:13

Coo sillanay siclhoc anco as nalhpop, najan sillanay siclhoc anco netin, ayinyema coo sicpayvam silantipquiscama maa.

ISAÍAS 51:13

Noncolvonquim nasa quellhip sictomja silantipquiscama nat quellhip, sictomja silantipquiscama netin najan nalhpop. ¿Am ya comascac mocjam apquilay quellhip enlhit apquilyimtalhnescama apquilvalhoc quellhip, yoyam enatovasacpoc quellhip? ¿Co laa acpayjo apnamcaa?

JEREMÍAS 27:4

Itne sat lhip elanic as apquilasinancama, colhic altimnasa apquilviscaa apancaoc, apquiltajayclha sat: Eycaso appayvam ayinyema Dios Visqui apancaoc Israel:

JEREMÍAS 32:17

Lhip Visqui ingac, apmopvan innac lhip elana aclhamoclhojo asoc. Lhip apmopvan ayinyema ilhnic nat apquillanay netin najan as nalhpop.

JEREMÍAS 51:15

Dios Visqui ingac nic nat apquillanay as nalhpop, ayinyema apmopvan apanco. Apquillanac nic nat netin ayinyema apyascamco apanco.

DANIEL 2:38

Lhip aptomja apvisqui nipyesicsa enlhitaoc, najan asoc navjac, najan nata. Mayayo nac lhip najan apmopvan apanco lhip, acyitsomalhca quilaycmasquiscama apcatic oro allanomalhca.

DANIEL 4:14

Aptomjac alhta ángel apyimnatesa appayvam: Elyatemen sat yamit, elsavojo actengaoc. Elsavojo yamit ava najan acyilhna. Colinyajamcoc sat apnatoscama alyanca coning yamit, najan nata alyanca maa.

DANIEL 4:17

Eycaso ayinyema siclho apquilpamejitsomap ángeles Dios apquilasinancama. Elyasingvomoc sat apyovoclhojo enlhitaoc, aptemaclha Dios apna netin apyimtalhnamo. Apvanquic etnesquisic apvisqui apjalhnancoc, apvanquic elvatesquisic apvisqui nipyesicsa enlhitaoc. Apvanquic etnesquisic apvisqui apjalhnancoc enlhit mepqui ayajamalhco apvalhoc.

DANIEL 4:22

Lhip visqui apyimtalhnamo apyitsomacpo yatim acvinatem. Apyimtalhnamo apanco nac lhip, acvaycmo netin lhip apcanamaclha najan acvaycmo lhalhma anco as nalhpop.

DANIEL 4:25

Eyinyovacpoc sat lhip visqui apyimtalhnamo, epalhavomoc sat asoc navjac najan ninatoscama. Etoc sat lhip paat, acno actom vayqui. Cotyamoc sat tiyam etin apyitnamaclha lhip. Cotnejic sat acvaycmo siete años appalhaviyam lhip maa. Eyicpilcangvomoc sat lhip Dios apna netin apmovan apanco etnesquisic apvisqui apjalhnancoc, acno aclhanma apvalhoc apanco.

DANIEL 5:18

Dios apna netin aptimesquiscama alhta lhip apyap ninga Nabucodonosor, etnejic apvisqui apyimtalhnamo, najan mayayo nipyesicsa enlhitaoc.

LOS HECHOS 14:15

—¡Quip elanojo enlhitaoc! ¿Soctomja apquiltomja nac as asoc quellhip? —alhta apquiltomjac. Enlhit nincoo lha ningno quellhip. Ningvaac nincoo, yoyam ongiltimnacsic amyaa. Elvatsaoc as asoc apquilyitquiscama dios. Elyiplaclha sat Dios Ingyapam apjalhnancoc aptomja apquillanay netin najan nalhpop najan yingmin acvanyam najan aclhamoclhojo asoc acnamco maa.

LOS HECHOS 17:24

Dios Ingyapam aptomja apquillanay as nalhpop najan aclhamoclhojo asoc acnamco lhalhma anco. Dios Ingyapam aptomja Apvisqui netin najan as nalhpop. Melhejec mataa Dios Ingyapam congne tingma apponquinomap enlhit apquillanay.

LOS HECHOS 17:26

Aplhamoclhojo enlhit apquilmolhama lhalhma anco apquilinyema Dios Ingyapam aptomja apquillanay lhama enlhit apmolhama siclhoc anco. Apquilyipsatamquic mataa Dios Ingyapam acvamlha acnim apquileyvam enlhitaoc as nalhpop. Apquilyipsatamquic mataa acvamlha yoclhilhma apquileyvam enlhitaoc.

DEUTERONOMIO 2:19

Noelnapap nasa amonitas, apquiltomjac aptovana niptamin Lot. Mellhovamquejec sat quellhip as yoclhilhma, actomja apancaoc, coo alhta sicmescama.

DEUTERONOMIO 2:21

Appintalhnama ilhnic nat as enlhitaoc, apquilvinatem apanco, apquilno ilhnic nat aptovana niptamin Anac. Apticyovquic nic nat maa, ayinyema Dios Apyimtalhnamo, apquilnapma amonitas. Apquilnaclhec alhta maa yoclhilhma.

DEUTERONOMIO 2:7

Dios Apyimtalhnamo ayinyema alhta apquillhoy quellhip cotlaycaoc asoc altamila. Aptomjac alhta apquillhalhma quellhip cuarenta años, apquiltamilquiscama nalhit amay yoclhilhma actamopeycaoc. Am alhta coymalhcac quellhip lhama asoc — nic nat aptomjac Moisés.

DEUTERONOMIO 2:9

Aptomjac alhta Dios seyanya coo: Noelnapap nasa moabitas, apquiltomja aptovana niptamin Lot. Mellhovamquejec sat yoclhilhma maa, ayinyema sicmescama coo. Sicmescama alhta coo yoclhilhma Ar — alhta aptomjac Dios.

DEUTERONOMIO 32:8

Visqui ingac apyimtalhnamo, aptomja apquilhpanquiscama moclhama enlhitaoc. Apquillhocac nat yoclhilhma apquileyvomaclha, mepqui apquilpalhcomap. Apquilyacyesquic nat enlhitaoc israelitas.

DEUTERONOMIO 4:17

Noellana nasa quilaycmasquiscama acyitsomalhca ninatoscama najan acyitsomalhca nata,

DEUTERONOMIO 4:25

Aptomjac nic nat Moisés apquilanya: —Elvitac sat quellhip apquitquic najan aptovana. Apquilvanacmec sat ancoc maa, apquillanac sat ancoc quilaycmasquiscama eltimjic apquilayo. Elvoc sat Dios, apvita inlhojo apquiltemaclha apquilmapsomcaa.

DEUTERONOMIO 4:32

Apquilvitac quellhip aptamjaycam simpilapquiscama alyivey ayinyema Dios. ¿Invitalhqui ya as asoc apquillanay nic nat Dios as nalhpop najan enlhit aptiyascam? Ayinayc coo paj. Elilmalhna sat quellhip lhalhma anco as nalhpop, yoycamlha alvitamalhca aptamjaycam simpilapquiscama, acno apquilvitay quellhip quilhvo nac jay.

DEUTERONOMIO 4:35

Innec alhta allhicmosa quellhip, yoyam melyascamejec quellhip Dios apvamlha pac lhama, aptomja nasoc anco, mepqui poc Dios.

DEUTERONOMIO 5:16

Incaymalhquic ongilyejiclhojo mataa appayvam tata ingac najan meme ingac, acno ningilanyomalhca ontimjic. Ajolhec sat nintiyascam as nalhpop ayinyema singmescama Dios.,

DEUTERONOMIO 9:29

Lhip apnaymacoc as enlhitaoc, lhip apquitquic. Apyinyovcasquic alhta lhip yoclhilhma Egipto, ayinyema lhip apmopvan apanco — alhta intomjac silmalhnesquiscama — nic nat aptomjac Moisés.

COLOSENSES 1:16

Apquillanac nic nat Dios aclhamoclhojo asoc netin najan as nalhpop ayinyema apquillanescama Apquitca. Apquillanac nic nat aclhamoclhojo asoc ningvitay najan asoc mongvitay nincoo. Najan actemaclha apquilmopvancaa apnaycam netin. Najan asoc alyimnatem acnaycaoc netin. Najan actemaclha apquilyimtalhnamo apnaycam lhalhma anco. Najan actemaclha almovancaa alinyema Espíritu. Apquitca ilhnic nat apquillanescama aclhamoclhojo asoc acnaycaoc netin najan nalhpop.

HEBREOS 1:2

Quilhvoc actomjaclha nelha ningvamlha nac jay Dios aptomja appamejitquiscama Apquitca yoyam jingilingacsic appayvam. Apquillanac nic nat Dios aclhamoclhojo asoc, ayinyema apquillanesquiscama Apquitca. Apquiltamjoc Dios yoyam emiclha Apquitca aclhamoclhojo asoc.

EL APOCALIPSIS 4:11

Dios Visqui ingac, lhip aptomja apyimtalhnamo yoyam colhic ayaco lhip najan apmopvan. Ayinyemaclha lhip aptomja apquilantipquiscama aclhamoclhojo asoc. Lhip apmayjayoclha ayinyema alanomalhca as asoc —alhta apquiltomjac.