JEREMÍAS 26:6 - Enhlit Bible

⁶ Otnesquisic sat as tingma apponquinomap acno sictimesquiscama siclhoc alhta tingma Silo. Etnejic sat as tingma asoc monquinatquiscama sictovascamaclha, yoyam elavojo apyovoclhojo enlhitaoc lhalhma anco — alhta aptomjac Dios — nic nat aptomjac profeta.

JEREMÍAS 26:6 Iomraidhean Croise

2 REYES 22:19

Aplingac lhac lhip sicpayvam, yoyam covac acyimtalhnama, ellingamcojoc enlhitaoc, malha simpilapquiscama acmasom sat cotnejic. Apyaptec aptalhnama lhip ayinyema actiyam apvalhoc, acyiplomo apvinama lhip najato. Acjalhnoc coo lhip appayvam selmalhnaycam alhta. Eycaso sicpayvam sicvisay Dios.

ISAÍAS 43:28

Alvatescasquic coo apquiltemaclha apquilimja apmamyi tingma apponquinomap. Innec acyanmongseclho apquiltemaclha apancaoc Jacob apmolhama. Innec aya'a apquillingaycamco acyimtalhnama enlhitaoc Israel — alhta aptomjac Dios.

ISAÍAS 65:15

Colhic sat alvennamcaa quellhip nipyesicsa enlhitaoc silyacyescama. Ingyitsapoc sat lhip. Dios Visqui ingac sat ingyajic — sat eltimjic mataa. Moc actemaclha apquilvisay sat colhic altamjamco selancam coo.

JEREMÍAS 24:9

Elvenacpoc sat nipyesicsa enlhitaoc lhalhma anco siyilhpanquiscama coo. Ellingamcojoc sat macvenéycam najan malasmescama lhalhma anco.

JEREMÍAS 25:18

Acmesquic alhta siclho elyinamcoc co Jerusalén najan tingma apquilvanyam co Judá, najan maa apquilviscaa najan apquilyimtalhnamo, yoyam enatovasacpoc, acno aclhanmaclha as ningvamlha nac jay, apquillhenacpo apquiltemaclha nano.

JEREMÍAS 29:18

Elminlhinacpoc sat ayinyema apquilimpocjay, najan mayic ataoc, najan ningmasquem ataoc. Elasmesacpoc sat nipyesicsa enlhitaoc lhalhma anco apquilvitacpo. Cotipsalhcac sat apquilvisay, elmancangvomoc sat nipyesicsa enlhitaoc, ayinyema apquilhpaneycam nipyesicsa maa lhalhma anco.

JEREMÍAS 29:22

Yitnec sat ancoc apquilmomap co Judá elyamnam sat poc, etnejic sat ingyanic poc: Elngamcojoc sat apyanmongsayclha Dios, acno aptemaclha alhta aplingaycamco Sedequías najan Acab, apquilhamap alhta naysicsa talha, ayinyema apcanama apvisqui co Babilonia.

JEREMÍAS 42:18

Aptomjac mocjam Dios Visqui apyimtalhnamo apquilanya: Avanjec alhta apquillingaycamco co Jerusalén ayinyema acyivey siclom. Colhojoc sat apquillingaycamco quellhip, apquilinyaja inlhojo yoclhilhma Egipto. Elasmesacpoc sat quellhip maa, eltamjacpoc sat enlhit apquilmapsomcaa, melvotayc sat mataa as apquilaoclha quellhip — alhta aptomjac.

JEREMÍAS 44:22

Incastinquic alhta Visqui ingac apvita apquiltemaclha acmasom quellhip. Eycaso ayinyema apnatovasomap tingma najan yoclhilhma mepqui enlhit. Apquillhenacpec apquilmapsomcaa najan apquiltanovmap quellhip.

LAMENTACIÓNES 2:15

Apquilyeycac mataa enlhit apquilaneyo tingma aptovasomap, yiplovcoc mataa apquilasmescama najan apquilyeyseycam apcatic, apquiltomja apquilanya: ¿Naso ya apvisay tingma Jerusalén mayayoclha nipyesicsa enlhitaoc as nalhpop? — alhta apquiltomjac.

LAMENTACIÓNES 2:16

Avanjec apquiltemaclha apquilpayvam cotnaja ingmoc, apquilmovjam najan apquilpalhamam alhta: ¡Ningiljalhnec mataa acnim, yoyam ongnatovacsic as tingma! ¡Quilhvoc ningvita aptovasomap tingma! — alhta apquiltomjac.

DANIEL 9:11

Am alhta elyiplovcasac apyovoclhojo enlhitaoc Israel singanamaclha najan singascamaclha ayinyema lhip. Eycaso ayinyema ninlingaycamco acyimtalhnama, acno aclhanma ilhnic nat vaycajac apcanamaclha Moisés. Ningiltomja ningilsilhnanomalhca inganco ayinyema nintemaclha ningilinmelhaycam lhip.

ZACARÍAS 5:3

Aptomjac alhta seyanya: Yitnec actalhesomalhca apyanmongsayclha Dios nintemaclha inganco lhalhma anco. Anit nicja intomjac actalhesomalhca. Elngamcojoc sat apyanmongsayclha aptemaclha apanco apminyilhma najan aptemaclha apyinimquiscama, acno apmopvan amyaa.

MALAQUÍAS 4:6

Colhic sat ayasicjayquiclho mocjam nipyesicsa apyapmayc najan apquitquic. Coymalhquejec sat, yoyam oyanmongsiclha apquiltemaclha apancaoc, colhic acnatovasa apyovoclhojo enlhitaoc — alhta aptomjac Dios — nic nat aptomjac profeta.

JOSUÉ 18:1

Apcaneclhec nic nat tingma Silo apyovoclhojo apquilmolhama israelitas. Apquillanac nic nat maa Dios tingma pac apponquinomap. Apsovjoc nic nat apquilmam yoclhilhma.