JEREMÍAS 26:11 - Enhlit Bible

¹¹ Apquiltomjac nic nat sacerdotes najan profetas apquilanya apquilviscaa najan apquillhalhmaa: Incaymalhquic ematong as enlhit, ayinyema acmasom appayvam apquinmelhaycam natingma. Quellhip lhac apquillinga appayvam — nic nat apquiltomjac.

JEREMÍAS 26:11 Iomraidhean Croise

JEREMÍAS 18:23

Dios Apyimtalhnamo. Lhip apyasamcoc alquitamsama apquilvalhoc as enlhitaoc, yoyam jelajic. ¡Nongyasicjiclhojo nasa as enlhitaoc! ¡Noncolvonquim nasa apquilsilhnanomap apanco! Iyanmongsiclha sat lhip apquiltemaclha apancaoc, ayinyema lhip aplom pac — nic nat intomjac apquilmalhnancama profeta.

JEREMÍAS 26:16

Apquiltomjac nic nat apquilviscaa najan apquillhalhmaa apquilanya sacerdotes najan profetas: Mongvanquejec ongajic as enlhit aptomja aplingascama apvisay apanco Dios Apyimtalhnamo — nic nat apquiltomjac.

JEREMÍAS 38:4

Apquiltomjac nic nat apquilyimtalhnamo apquilanya apvisqui rey: —Incaymalhquic ematong profeta. Elvatsamcoc sat singilpilhtetemo ingnaymacoc, apquillinga inlhojo amyaa natingma najan lhalhma anco. Jave singilpasmom as profeta, aptomja eyca singinmelhaycam — nic nat apquiltomjac.

SAN MATEO 26:66

¿Jalhco sat eltimjic quellhip? —alhta aptomjac. Apquilatingmavoc alhta enlhitaoc: —Aptovasqui. Ingyane sat ematong —alhta apquiltomjac.

SAN JUAN 18:30

Apquilatingmavoc alhta enlhitaoc: —Paj ancoc aptamjaycam acmasom as enlhit, mongvanquejec nincoo ongyantamentac apnaclha lhip —alhta apquiltomjac.

SAN JUAN 19:7

Apquilatingmavoc alhta enlhitaoc: —Yitnec nincoo singanamaclha. Inpeyvoc aclhanma singanamaclha ematong as enlhit. Ayinyemaclha aptimesacpec apanco Dios Apquitca —alhta apquiltomjac.

LOS HECHOS 22:22

Apquiljalhnoc alhta aplhanma Pablo. Yejemoc alhta apquilpalhamamcaa enlhitaoc: —¡Ongajic sat! ¡Comascoc sat etyisam! —alhta apquiltomjac.

DEUTERONOMIO 18:20

Apnec sat ancoc profeta metnaja aplingascama sicpayvam, aptomja eyca aplingascama acvisay quilaycmasquiscama acyitsomalhca dios, ematong sat as profeta.

JUECES 6:30

—Nomyov nasa lhip apquitca, ematong sat. Ayinyema alhta aptemaclha aptovascama ningvatnamaclha asoc macmescama quilaycmasquiscama Baal. Aptovasquic alhta najan yamit ayimja acponquinomalhca — nic nat apquiltomjac.