JEREMÍAS 24:6 - Enhlit Bible

⁶ Olmeyvoc sat mocjam as enlhitaoc, onalovsingvoclhac sat mocjam, elvotac sat apquilaoclha. Elhnam sat mepqui mocjam sictovascama coo. Cotnejic sat malha siyinayclha mocjam, mepqui siyaptama mataa.

JEREMÍAS 24:6 Iomraidhean Croise

GÉNESIS 44:21

Apquiltamjoc alhta lhip ongilyantementa ingilyalhing yoyam etac lhip.

2 CRÓNICAS 16:9

Apquilanoc mataa Dios Visqui ingac apquiltemaclha enlhitaoc lhalhma anco. Aptomja mataa appasmeyquiclha enlhitaoc acyitna inlhojo melyasquiyam. ¡Lhip eyca aptomjayclho acyeyjamelhma! Comasquejec sat mataa apquilimpocjay cotnaja ingmoc nipyesicsa quellhip — nic nat aptomjac profeta.

NEHEMÍAS 5:19

Lhip Dios Visqui ingac, noncolvonquim nasa sictemaclha sictimesaycam enaymacoc enlhitaoc — alhta actomjac coo.

SALMOS 34:15

Visqui ingac aptomja aptamilquiscama enlhit apquilpeyvomo. Apjalhnoc mataa actemaclha apquililmalhnaycam.

SALMOS 44:2

Apyinyovcasquic nic nat lhip apquilaoclha metnaja nimpayvomó lhama. Apquilmesquic nic nat lhip as yoclhilhma apquillhoy ningilyeyjamcaa. Apnatovasacpec nic nat apquiltomja siclho apquilaoclha. Aplhamaseclhec nic nat lhip ningilyeyjamcaa.

ISAÍAS 14:1

Naso, ingyasicjiclhojoc sat mocjam apquilmolhama Israel Visqui ingac. Eltimjic sat mocjam israelitas Dios apquilyacyescama, eltajiclhac sat mocjam apquilaoclha. Elpalhavomoc sat metnaja israelitas nipyesicsa enlhitaoc Israel.

ISAÍAS 60:21

Elyiplovcasojoc sat siyanamaclha apyovoclhojo enlhitaoc, melantipsacpejec sat mataa apquileyvomaclha. Ellhojoc sat ayimjaclha ninganma, ayinyema siyinayclha alhta coo. Coo alhta silantipquiscama, yoyam colhic seyaco gloria ajanco.

JEREMÍAS 1:10

Opquinic sat sicpayvam apvalhoc lhip. Colhic sat apmopvan lhip quilhvo nac jay nipyesicsa apquilviscaa najan apnaymacoc. Apvanquic lhip ingyaptic, najan etvacsic, najan ellaniclha mocjam, najan ecniclha actic — alhta aptomjac Dios.

JEREMÍAS 12:15

Natamin macnalayclha mocjay as enlhitaoc, ongvasicjiclhojoc sat mocjam. Otajicsojoc sat mocjam as enlhitaoc, elhnam sat mocjam apquilaoclha.

JEREMÍAS 16:15

Eltimjic sat quellhip ellhenic: Dios Visqui ingac apyinyovquiscama yoclhilhma nilhqueyja, najan moc yoclhilhma apquilmomacpilha israelitas aptomja apvitaycamco — sat eltimjic quellhip. Otnesquisic sat yoyam eltajiclhac mocjam quellhip apquilaoclha, acvisay yoclhilhma apquilhoy nat apquilyeyjamcaa quellhip — alhta aptomjac.

JEREMÍAS 21:10

Momyovejec sat mocjam as tingma, ellingamcojoc sat acmasom. Apvisqui co Babilonia najan apquillhalhmaa enatovacsic sat tingma apyovoclhojo, elvitic sat talha. Eycaso sicpayvam sicvisay Visqui apancaoc — alhta aptomjac.

JEREMÍAS 23:3

Coo sat ongvansiclhac mocjam sicnatoscama apquilaymomap, apquilhpaneycam moc yoclhilhma. Onalovsingvoclhac sat mocjam, elhnam sat ayimjaclha paat. Elhamiclhac sat mocjam sicnatoscama apquilyitsomacpo enlhit.

JEREMÍAS 29:10

Actomjac coo silanya quellhip: Vocmec sat ancoc setenta años, natamin olvomsic sat tap quellhip, eltajiclhac sat mocjam quellhip, acnim siclhanma siclho mepqui sicyeycajascaoc.

JEREMÍAS 31:28

Singanama alhta siclho, yoyam colhic alyapta, colhic acnatovasa, colhic sat alhacjam, colhic actimesa acmasom. Ongvanic sat, yoyam colhic allanesiclha mocjam, colhic mocjam ayinayclha actic. Nasoc sicpayvam sicvisay Dios — alhta aptomjac.

JEREMÍAS 31:4

Quellhip israelitas, elaniclhac sat mocjam quellhip. Quellhip elmoc sat mocjam panderetas, elitsovacsojoc sat mocjam naysicsa fiesta apancaoc.

JEREMÍAS 32:37

Ongvansiclhac sat enlhitaoc apquilhpaneycam lhalhma anco, siyilhpanquiscama coo naysicsa siclom, otajicsojoc sat enlhitaoc, elhnam sat as yoclhilhma mepqui mataa apquilnapomacpilha.

JEREMÍAS 32:41

Copayjiclhac sat evalhoc naysicsa siyasicjayclha, olhnecsic sat as yoclhilhma, acyiplomo actamilaycam evalhoc coo — alhta aptomjac Visqui ingac.

JEREMÍAS 33:7

Ongvasicjiclhojoc sat mocjam enlhitaoc co Judá najan apyovoclhojo israelitas, eltimjic sat mocjam apquiltamila, acno apquiltemaclha siclhoc anco.

JEREMÍAS 33:9

Copayjiclhac sat mocjam evalhoc, sicvita inlhojo co Jerusalén apquiltemaclha selayo napatavo enlhitaoc lhalhma anco. Colpilhyinamoc sat apquilvalhoc enlhitaoc, apquilvita inlhojo siyaycaoc asoc altamila najan sicmasma apyovoclhojo tingma Jerusalén — alhta aptomjac Visqui ingac.

JEREMÍAS 39:12

Itamilquis sat lhip as enlhit, notvas nasa, nomyov nasa asoc apquilmalhna inlhojo asoc — nic nat aptomjac.

JEREMÍAS 42:10

Apquililtamjoc sat ancoc quellhip elhnam as yoclhilhma, olmeyvoc sat quellhip. Colhojoc sat siyinayclha ninganma, najan mepqui siyaptama ayimjaclha ninganma. Asquejec evalhoc sicvita quellhip apquillingaycamco acyimtalhnama.

EZEQUIEL 36:24

Oyinyovsic sat quellhip apquileyvomaclha quilhvo nac jay, eltajiclhac sat mocjam apquilaoclha nano.

AMÓS 9:14

Onalovsingvoclhac sat mocjam apquilmomap enlhitaoc Israel. Ellaniclhac sat mocjam tingma apnatovasomap, elhnam sat mocjam. Elquiniclhac sat mocjam uva avjac, elyinamcoc sat uva ayingmenic. Ellanac sat mocjam ninganma, yoyam eltovamcoc acyilhna.

DEUTERONOMIO 11:12

Aptamilcasquic mataa Dios as yoclhilhma acyovoclhojo año.

1 SAN PEDRO 3:12

Ayinyemaclha apquiltamilcasquic mataa Visqui ingac enlhit apquilpeyvomo. Apjalhnoc mataa apquililmalhnancama. Aptanovquic eyca apquiltemaclha apquilmapsomcaa. Apnovcasquic mataa Visqui ingac —nic nat intomjac aclhanma.