JEREMÍAS 24:5 - Enhlit Bible

⁵ Coo sicvisay Dios Visqui apancaoc Israel. Actomjac coo siyanya lhip: Sas maa ningilaneyo higo acyilhna. Acno sicyisponcama coo silaneyo enlhitaoc Judá apquilmomap, apnalayclha alhta caldeos yoclhilhma Babilonia.

JEREMÍAS 24:5 Iomraidhean Croise

SALMOS 119:67

Aclhinganacmec alhta mataa coo. Inyiplovcoc setnescaseyquiclha coning. Quilhvoc sictomja silyajayquiclho lhip appayvam.

SALMOS 119:71

Intasic alhta setnescaseyquiclha coning. Eycaso ayinyema sicyasingvoyam apcanamaclha.

JEREMÍAS 24:4

Aptomjac mocjam seyanya:

JEREMÍAS 29:11

Yitnec coo aclhanma evalhoc olmeyvoc quellhip, jave yoyam onatovacsic, eleyoc sat quellhip naysicsa acpayjayclha apquilvalhoc. Eycaso sicpayvam sicvisay Visqui apancaoc.

JEREMÍAS 29:20

Quellhip apquilinyema Jerusalén, apquilmomap quilhvo nac jay Babilonia, elilyejiclhojo sat sicpayvam — alhta aptomjac.)

JEREMÍAS 29:4

Eycaso appayvam Dios Visqui ingac apyimtalhnamo nipyesicsa israelitas, elyasamcojoc sat apyovoclhojo apquilmomap siclho tingma Jerusalén, yoyam elyantamacpoc tingma Babilonia:

EZEQUIEL 11:17

Ilngas sat mocjam: Eycaso appayvam ayinyema Visqui ingac: Onalovsingvoclhac sat mocjam apquilmomap israelitas. Ellhovamcoc sat as yoclhilhma apquileyvomaclha israelitas, coo sicmescama.

EZEQUIEL 11:20

Elyiplovcasojoc sat mataa siyanamaclha najan siyascamaclha coo. Otnejic sat enaymacoc, otnejic sat Dios Visqui apancaoc.

LEVÍTICO 26:44

Naso, apnam inyicje quellhip nipyesicsa cotnaja ingmoc. Mosovejec sat sictovascama apyovoclhojo quellhip. Otnejic sat nasoc anco sicpayvam mepqui sicyeycajascaoc. Siclhanma siclhoc nat napatavo apquilyeyjamcaa quellhip. Coo sicvisay Dios Visqui apancaoc quellhip.

NAHÚM 1:7

Aptasi nac Dios ningiltomja ningyilhanmeycam naysicsa ninlingaycamco acmasom, aptomja singmasma, apvita inlhojo mongyasquiyam.

SAN MATEO 25:12

Apcatingmavoc nic nat apvisqui: “Actomjac coo silanya quellhiya: Naso, am olyicpilcac quellhiya” —nic nat aptomjac.

SAN JUAN 10:27

Apquiljalhnoc mataa sicnatoscama nipquesic actemaclha siyevoycam. Alyicpilcoc coo sicnatoscama. Elyiplovquic mataa coo sicnatoscama.

ROMANOS 8:28

Ningyasamcoc nincoo: Ningasicjavoc sat ancoc Dios, incaymalhquic jingilyascasingvomoc aclhamoclhojo asoc altamila actemaclha ningvitay. Ayinyemaclha nincoo ningiltomja ningilanyomalhca, malha singevoycam Dios. Eycaso actomja apmayjayoclha Dios.

1 CORINTIOS 8:3

Ningasicjavoc sat ancoc Dios, eyasamcojoc sat Dios nintemaclha nincoo.

GALATAS 4:9

Quilhvo eyca apquilyasingvocmec quellhip Dios Ingyapam. Moc ningiltimem: Dios Ingyapam aptomja apyicpilquemo apquiltemaclha quellhip. ¿Apvancaa ya quellhip elyiplovcasojo mocjam quilaycmasquiscama mepqui acmovan? ¿Apquililtamjo ya quellhip eltimjic mocjam malha apquilancam apquilmomap naysicsa apquilyiplovquiscama? Ayanayquic coo paj.

DEUTERONOMIO 8:16

Aptingyascasquic nat aptoycaoc Dios yoclhilhma actamopeycaoc acvisay maná. Am nic nat elvitayac mataa apquilyeyjamcaa quellhip. Apquiltamjoc nat Dios elyipconic quellhip. Yiplovcoc nat apquilmescama asoc ayaymomalhca.

2 TIMOTEO 2:19

Apquinimcasquic alhta Dios asoc monquinatquiscama acyimnatem, actomja malha mataymong avjac yoyam coyaninejec. Intomjac aclhanma asoc monquinatquiscama: “Apquilyicpilcoc Visqui ingac apquiltomja apmolhama”. Najan moc aclhanma: “Aplhamoclhojo Jesucristo apmolhama, noelvajaniclhojo nasa actemaclha acmasom” —alhta intomjac Dios appayvam.

EL APOCALIPSIS 3:19

Actomjac coo mataa siyanem yoyam elilyejiclhojo. Alyicpilhquitquic coo mataa enlhit sictomja silasicjayo. Ilaniclha sat lhip apvalhoc. Ivascap sat apyiplovquiscama.