JEREMÍAS 24:10 - Enhlit Bible

¹⁰ Ongvapajacsic sat cotnaja ingmoc elimpocjac sat maa, colnapoc sat mayic ataoc najan ningmasquem ataoc. Mengyaymacpejec sat lhama as yoclhilhma apquillhoy nat apquilyeyjamcaa — alhta aptomjac Visqui ingac.

JEREMÍAS 24:10 Iomraidhean Croise

1 REYES 14:15

Ellingamcojoc sat enlhitaoc Israel, malha yamamoc acyovjeycam congne yingmin ayinyem. Elyinyovsic sat Dios yoclhilhma apquileyvomaclha apquilyeyjamcaa Israel, enalacpoc sat cotnajaclha apquilaoclha tap vatsam Éufrates, ayinyema alhta apquilayo quilaycmasquiscama Astarté, aptomja aptanoncama Dios.

ISAÍAS 51:19

Anit intomjac apquillingaycamco acyimtalhnama quellhip: Intovasalhquic yoclhilhma apquileyvomaclha quellhip, apticyovquic apnaymacoc, apquilitsepquic alhta poc, ayinyema mayic alnapma. ¿Soc laa aptomja aptamilquisquiyam apquilvalhoc quellhip?

JEREMÍAS 14:12

Mongvaylhojoc sat selmalhnaycam enlhit, sicvita inlhojo mepqui aptoycaoc apquilmalhnancama. Sicvita inlhojo asoc acticyovam selmescama coo acyanmongam melyascalhma. Sicvita inlhojo selmescama trigo apactic, mongvasicjejec sat maa. Onatovacsic sat enlhitaoc, eticyoc sat apquilimpocjay, colnapoc sat mayic, colnapoc sat ningmasquem — alhta aptomjac.

JEREMÍAS 15:2

¿Jalhcojo sat ongilyacsic? — sat eltimjic maa. Iltimnas sat lhip sicpayvam silanya enlhitaoc: Ningmasquem colnapoc sat enlhitaoc, apquilanyomap elitsapoc. Sovo acvinatem colnapoc sat poc enlhitaoc, apquilanyomap eticyo. Mayic sat colnapoc poc enlhitaoc, apquilanyomap elitsapoc ningmasquem ataoc. Elmacpoc sat poc enlhitaoc, apquilanyomap elyantamacpoc cotnajaclha apquilaoclha — alhta aptomjac Dios.

JEREMÍAS 16:4

Elitsapoc sat ayinyema ningmasquem ataoc, mepqui apnaymacoc yoyam elatoynic apjapaoc, mepqui acmayovsa apquilvalhoc. Elhnam sat apjapaoc lhalhma anco, malha ningvitay vayqui ayi. Elsovjacpoc sat apquilmasquingvoyam ayinyema apquilnapomap najan mayic alnapma. Elpasmacpoc sat mama aptoycaoc apjapaoc najan asoc navjac aclom — alhta aptomjac.

JEREMÍAS 19:7

Onatovacsic sat aclhanma apquilvalhoc apquilmolhama Judá najan apnaycam tingma Jerusalén. Eticyoc sat naysicsa apquilimpocjay cotnaja ingmoc. Eltovcacpoc sat apjapaoc apquilpasmacpo mama najan asoc navjac.

JEREMÍAS 21:9

Melmiyovacpejec sat enlhit melyamasma as tingma, eticyoc sat, mayic sat colnapoc, ningmasquem sat colnapoc. Moclhama enlhit apquilyamasma as tingma, yoyam elmacpoc nipyesicsa caldeos co Babilonia, elmiyovacpoc sat, meticyovejec sat.

JEREMÍAS 27:8

Am sat ancoc colyacmoc eltimesam enlhitaoc apnaclha apvisqui Nabucodonosor, malha nanyetaoc apquilyinyovascama. Oyanmongsiclhac sat coo apquiltemaclha maa, ongvapajacsic sat apquilimpocjay, najan mayic ataoc, najan ningmasquem ataoc, elsovjacpoc sat apquilmomap. Eycaso sicpayvam sicvisay Visqui sicyimtalhnamo — alhta aptomjac.

JEREMÍAS 29:17

Eycaso sicpayvam Visqui sicyimtalhnamo: Ongvapajacsic sat apquilimpocjay cotnaja ingmoc, najan mayic ataoc, najan ningmasquem ataoc. Otnesquisic sat, yoyam colaymalhcac higo acyilhna apaoc mongmovan ontoc.

JEREMÍAS 29:18

Elminlhinacpoc sat ayinyema apquilimpocjay, najan mayic ataoc, najan ningmasquem ataoc. Elasmesacpoc sat nipyesicsa enlhitaoc lhalhma anco apquilvitacpo. Cotipsalhcac sat apquilvisay, elmancangvomoc sat nipyesicsa enlhitaoc, ayinyema apquilhpaneycam nipyesicsa maa lhalhma anco.

JEREMÍAS 32:24

Apquilpenasquic cotnaja ingmoc caldeos elimpocjac tingma ingac. Jingilmoc sat cotnaja ingmoc, onticyoc sat maa, mayic sat jingilnapoc, ningmasquem sat jingilnapoc. Vocmec quilhvo nac jay aplhanmaclha lhip nano.

JEREMÍAS 32:25

Lhip Visqui ingac, aptomja seyanya oyinyoc acyanmongam omoc sat amyip, napatavo enlhit apquilvitaycamco. Naso, cotnaja ingmoc caldeos elmoc sat tingma ingac — alhta actomjac coo — nic nat aptomjac Jeremías.

JEREMÍAS 34:17

Actomjac coo silanya quellhip: Am alhta elyiplovcasac quellhip siyanamaclha coo, ayinyema apquilmasma mocjam enlhit apquilmomap, yoyam eltimesam mocjam nipyesicsa quellhip. Ongvapajacsic sat nipyesicsa quellhip apquilimpocjay cotnaja ingmoc, najan mayic ataoc, najan ningmasquem ataoc. Cotlapsic sat enlhitaoc lhalhma anco, apquilvita inlhojo apquillingaycamco acyimtalhnama quellhip. Eycaso sicpayvam sicvisay Visqui apancaoc.

JEREMÍAS 42:17

Moclhama quellhip apquiltingyey yoclhilhma Egipto, elmasquingvomoc sat maa, ayinyema apquilimpocjay cotnaja ingmoc, najan mayic ataoc, najan ningmasquem ataoc. Mengyaymacpejec sat lhama, osavojoc sat silnapma apyovoclhojo — sat cotnejic appayvam ayinyema Dios.

JEREMÍAS 42:22

Elyasamcojo quellhip: Elmasquingvomoc sat quellhip as yoclhilhma apquilyasaclha ayinyema apquilimpocjay cotnaja ingmoc, najan mayic ataoc, najan ningmasquem ataoc — nic nat aptomjac profeta.

JEREMÍAS 5:12

Am alhta colmac apquilvalhoc co Israel najan co Judá, apquiltomjac apquilpayvam: Jave aptemaclha Dios. Mongvityejec sat acmasom, mongvityejec sat mayic ataoc najan singilimpocjay cotnaja ingmoc.

JEREMÍAS 9:15

Eycaso sicpayvam sicvisay Dios Visqui apyimtalhnamo nipyesicsa israelitas: Olmecsic sat aptoycaoc acmasca, olmecsic sat apyinaycaoc veneno ayingmenic.

JEREMÍAS 9:16

Ongvilhpansic sat nipyesicsa metnaja israelitas, melyicpilquemo apquilyeyjamcaa, melyicpilquemo israelitas. Elnapacpoc sat maa, elsovjacpoc sat apticyovam — alhta aptomjac.

EZEQUIEL 33:27

Itne sat elanic sicpayvam sicvisay Dios: Quellhip apnaycam tingma apnatovasomap, eticyoc sat naysicsa apquilimpocjay. Poc apnaycam amyip, eltovcacpoc sat ayinyema asoc navjac aclom. Poc apnaycam netin inquilhe najan avalhoc mataymong, elitsapoc sat ningmasquem alnapma.

EZEQUIEL 6:11

Aptomjac alhta seyanya Visqui ingac: Ilticpam sat apmeoc, iltam sat apmancoc, ilpalhamam sat lhip: ¡Quellhip layi, ellingamcojoc sat apticyovam, najan mayic ataoc, najan ningmasquem ataoc!

EZEQUIEL 7:15

Tap tingma apvanyam elnapacpoc sat. Apvalhoc tingma elvitac sat ningmasquem ataoc najan mayic ataoc. Eticyoc sat apnaycam amyip, elitsapoc sat apnaycam apvalhoc tingma, ayinyema mayic ataoc najan ningmasquem ataoc.

DEUTERONOMIO 28:21

Ingyapajacsic sat Dios Apyimtalhnamo ningmasquem nipyesicsa quellhip, elsovjacpoc sat apquilitsepma as yoclhilhma apquilvoycamlha sat quellhip.

EL APOCALIPSIS 6:8

Yejemoc alhta sicvita lhama nolhing apyatictama. Ningitsepma alhta apvisay aptomja apma apcapoc. Acyiploycam alhta alyascamaclha ingjangaoc. Apmesacpec alhta apmopvan yoyam elnapoc aplhamoc enlhitaoc, malha cuarta parte enlhitaoc apquileyvam lhalhma anco. Coticyoc sat najan aclhamoclhojo asoc aleyvam as nalhpop. Sovo acvinatem sat colnapoc najan mayc ataoc najan ningmasquem ataoc najan asoc navjac aclom sat colnapoc.