JEREMÍAS 24:1 - Enhlit Bible

¹ Invitac alhta sicvanmoncama ayinyema Visqui ingac, actemaclha anit alhanaoc aclaneyo higo acyilhna, payjoc tingma apponquinomap. Aplhenacpec siclhoc alhta apvisqui Nabucodonosor co Babilonia, apnalayclha apquilmomap apvisqui co Judá Jeconías, Joacim apquitca, najan apquilviscaa co Judá, najan apnaymacoc apquillanay tingma najan apquillanay asoc acmamnave.

JEREMÍAS 24:1 Iomraidhean Croise

2 REYES 24:10

Nalhit acnim nic nat intomjac. Apquilvaac nic nat singilpilhtetemo apquilinyema yoclhilhma Babilonia. Apvisqui Nabucodonosor nic nat apquilapajascama. Apquilvocjingvocmec nic nat tingma Jerusalén.

2 CRÓNICAS 36:10

Vocmec nic nat acmamayaclha as año (primavera). Aptomjac nic nat apcanama apvisqui Nabucodonosor, colhic acyantamaclho Joaquín tingma Babilonia. Elsavojoc sat apquilmaycam acmamnave acnaycaoc congne tingma apponquinomap, elpatmaoclhac sat maa. Aptimesacpec nic nat Joaquín apmolhama apvisay Sedequías, etnejic apvisqui nipyesicsa co Judá najan co Jerusalén.

ISAÍAS 13:1

Apcanyacpec nic nat Isaías, Amoz apquitca, elngacsic amyaa ayinyema Dios, yavamlha cotnejic nipyesicsa co Babilonia:

JEREMÍAS 13:19

Tingma apquilvanyam yoclhilhma Néguev, paj mocjam, mepqui enlhit. Apquilmacpec apyovoclhojo co Judá. Innec acnalaclho cotnajaclha apquilaoclha.

JEREMÍAS 28:4

Otajicsojoc sat mocjam apvisqui Jeconías, Joacim apquitca, apmomap najan apyovoclhojo apnaymacoc co Judá apquilmomap. Naso, omascocsic sat apmopvan apvisqui co Babilonia, acno siyintascama yamit nanyetic vayqui acyinyovascama. Eycaso sicpayvam sicvisay Visqui sicyimtalhnamo — alhta aptomjac.

JEREMÍAS 29:1

Apcapajasquic nic nat carta profeta Jeremías de Jerusalén, yoyam elyipsitic apquilimja apmamyi apquilaymomap, najan sacerdotes, najan profetas najan poc apquilmomap siclho, ayinyema apvisqui Nabucodonosor co Babilonia. Apmacpec nic nat siclho apvisqui Jeconías, najan inquin, najan apquiltimesaycam, najan apquilviscaa co Judá najan co Jerusalén, najan apquillanay asoc acmamnave najan apquillanay tingma apquilyimnatem.

JEREMÍAS 37:1

Aptimesacpec nic nat apvisqui nipyesicsa enlhitaoc Judá apvisay Sedequías, Josías apquitca. Apya'monquiscama ilhnic nat Jeconías, Joacim apquitca. Eycaso ayinyema ilhnic nat apvisqui co Babilonia, apvisay Nabucodonosor.

EZEQUIEL 17:4

Apquintasquic alhta malha actong yamit. Apsovquic alhta moc yoclhilhma apquileyvomaclha enlhit apquilyanmongsomap, payjoc tingma apvanyam apancaoc.

EZEQUIEL 19:9

Inmalhquic alhta ayalhimsalhco tava apac aysicsic. Innec alhta acyantamaclho yoclhilhma Babilonia apnaclha apvisqui maa. Comasquejec sat acmomalhca maa, colngalhquejec sat mataa acpáyvam payjoc inquilhe apquileyvomaclha israelitas.

AMÓS 3:7

Aptomjaclha Dios Apyimtalhnamo, aplingascama siclho profeta, yoyam covac sat.

AMÓS 7:1

Aptomjac nic nat profeta: Invitac alhta sicvanmoncama Dios Apyimtalhnamo. Apquilantipcasquic alhta sova appintalhnama (metlaycaoc). Invocmec alhta macyatemenamaclha paat macmescama apvisqui rey. Intictipquic alhta ninganma.

AMÓS 7:4

Invitac alhta mocjam sicvanmoncama ayinyema Dios Apyimtalhnamo. Apcapajasquic alhta Dios acmajat, malha ayinyema talha acvanyam. Inquilmetquic alhta amyipayc, inyamasalhquic alhta yingmin acvanyam. Actomja acyanmongayclha apquiltemaclha apancaoc enlhit.

AMÓS 7:7

Invitac alhta sicvanmoncama ayinyema Dios Apyimtalhnamo: Apnec alhta Dios Apyimtalhnamo netin tingma napocja, apmaycam tama ayitcoc ningyitquiscama tingma napocja.

ZACARÍAS 1:20

Invitac alhta sicvanmoncama selhicmoscama Visqui ingac cuatro ticpamaclha tava apac.

ZACARÍAS 3:1

Invitac alhta sicvanmoncama ayinyema Visqui ingac. Apquinmam alhta sacerdote apvisqui Josué apnaclha ángel Dios apcasinancama. Apnec alhta ángel singyipconma napocja Josué payjoc derecho, yoyam eyipconic.