JEREMÍAS 23:6 - Enhlit Bible

⁶ Mepqui apquilnapomap eltimjic sat apquilmolhama Judá, mepqui apquilinmelhamap enlhitaoc Israel. Iltamjacpoc sat apvisay: Singvomquiscama tap nac Visqui ingac — alhta aptomjac Dios Apyimtalhnamo.

JEREMÍAS 23:6 Iomraidhean Croise

1 REYES 4:25

Inquiltasic nic nat mataa apquilvalhoc apquilmolhama Judá najan apquilmolhama Israel. Ayenmo ilhnic nat yoclhilhma Dan acvaycmo Beerseba, apnamcaa ilhnic nat payjoc ayimjaclha uva najan ayimjaclha higo yamit, acvaycmo nelha aptimem apvisqui Salomón.

SALMOS 45:5

Ilnapap sat cotnaja ingmoc. Iyjing sat yanca apancaoc. Ilimse sat apnenyaoc.

ÉXODO 9:26

Am nic nat copalacmoc yingmin alyayem yoclhilhma Gosén apnaycamcaclha enlhitaoc Israel.

ISAÍAS 2:4

Dios etnejic sat Apvisqui najan apquilyicpilquemo enlhitaoc lhalhma anco. Elansiclhac sat apquilmaycam sovo alvinatem yoyam allaniclha vayqui alhpejic. Elansiclhac sat sovjeva yoyam ellaniclhac actemaclha ningilmaycam amyip. Comascoc sat apquilnapomap enlhitaoc lhalhma anco. Melyasingvomejec sat mataa enlhitaoc actemaclha apquilnapomap.

ISAÍAS 32:1

Ongvitac sat apvisqui rey appeyvomo apanco. Najan yatapquilviscaa apquilpeyvomo.

ISAÍAS 32:18

Elhnam sat enlhit ajancaoc mepqui ayay apquilvalhoc, najan amyip, najan tingma apquilyivey, najan apvisqui tingma pac.

ISAÍAS 33:22

Mepqui alyimnatem tama actetamalhca mástil yamit acvinatem barco aysicsic. Copayjiclhejec sat mataa vela apava apyivey apanco. Colnatamalhcac sat apquilnatam cotnaja ingmoc, najan enlhit mepqui apataoc elvitac sat apquilnatam, najan enlhit mepqui apquillhingam. Singyicpilquemo nac Visqui ingac, aptomja singmasma nincoo, aptomja singvomquiscama tap.

ISAÍAS 33:5

Apyimtalhnamo apanco Visqui ingac najan mayayo, apma netin. Aptimescasquic yoyam cotalhcac tingma Jerusalén actemaclha acpeyvomo najan actamila anco.

ISAÍAS 35:9

Cotjanyalhquejec sat as amay asoc navjac aclom, paj najan yamacmeyva. Eltajanyacpoc sat enlhit apquilvomsomap tap, apquilmomap siclho.

ISAÍAS 42:6

Coo sicvisay Dios. Ayevam alhta lhip naysicsa siyasicjayo. Acmiyovquic coo lhip sicmaycaoc emic. Actimescasquic lhip aplingascama sicmayjayoclha nipyesicsa enlhitaoc Israel. Actimescasquic lhip apquilsasquiscama olhma nipyesicsa enlhitaoc lhalhma anco.

ISAÍAS 45:17

Elvomsacpoc sat tap enlhitaoc Israel. Dios aptomja apquilvomquiscama tap cotmongvoycamlha nelha. Meltovasacpejec sat mataa. Colhejec sat alvinnamcaa cotmongvoycamlha nelha — alhta aptomjac Dios.

ISAÍAS 54:17

Paj lhama enlhit apquillanay apquilmaycam, yoyam elnatovasacpoc quellhip. Elnovsic sat quellhip moclhama apquiltomja apquilinmelhaycam. Coo sicmasma enlhit ajancaoc, opasmoc mataa acno siclhanma mepqui sicyeycajascaoc — alhta aptomjac Visqui ingac — nic nat aptomjac profeta.

ISAÍAS 7:14

Visqui ingac sat conyemac asoc monquinatquiscama: —Quip elaylhojo. Inlovsoc sat cotnejic quilvana mepqui ayitcoc. Cotimsic sat ayitca apquinavo. Cotnejic sat apvisay Emanuel (ningiltimem: Dios singilpalhavoy).

ISAÍAS 9:6

Aptiyacmec lhama sicaa apquinavo aptomja Dios singmescama. Eyquima aptomja apyimtalhnamo apanco. Apvisay Apmopvan Simpilapquiscama. Moc apvisay Singyascasingviyam. Moc apvisay Dios Apyimtalhnamo. Moc apvisay Dios Netin. Moc apvisay Apquilvinsayclho olhma.

JEREMÍAS 29:11

Yitnec coo aclhanma evalhoc olmeyvoc quellhip, jave yoyam onatovacsic, eleyoc sat quellhip naysicsa acpayjayclha apquilvalhoc. Eycaso sicpayvam sicvisay Visqui apancaoc.

JEREMÍAS 30:10

Eycaso sicpayvam sicvisay Dios: Noela nasa quellhip seltimesaycam apquilmolhama Jacob. Noela nasa quellhip apquilmolhama Israel. Apquilmomap nac quellhip as yoclhilhma mocjay. Olvomsic sat tap quellhip najan apquitquic, yoyam eltajiclhac sat mocjam. Elhnam sat quellhip acyiplomo actamilaycam apquilvalhoc, mepqui apquilinmelhaycam poc enlhit.

JEREMÍAS 31:23

Eycaso appayvam Dios Apyimtalhnamo nipyesicsa Israel. Aptomjac alhta apquilanya: Olmeyvoc sat mocjam apquilmolhama Judá. Elhnam sat mocjam apquilaoclha nano najan tingma apquilvanyam nano. Eltimjic sat mocjam enlhitaoc apquilpayvam: ¡Colhic sat mataa ayaco as inquilhe apanco Dios, aptomja appeyvomo apanco!

JEREMÍAS 32:37

Ongvansiclhac sat enlhitaoc apquilhpaneycam lhalhma anco, siyilhpanquiscama coo naysicsa siclom, otajicsojoc sat enlhitaoc, elhnam sat as yoclhilhma mepqui mataa apquilnapomacpilha.

JEREMÍAS 33:15

Ongvanic sat lhama enlhit, David aptavin niptamin, etnescasiclhac sat mocjam nintemaclha acpeyvomo as yoclhilhma.

JEREMÍAS 33:16

Colhic sat actamilaycam apquilvalhoc co Judá najan co Jerusalén, mepqui apquilay. Eltimjic sat apvisay tingma: ¡Victoria, singvomquiscama tap Visqui ingac! — sat eltimjic.

EZEQUIEL 21:27

Etacpoc sat tingma Jerusalén aptovasomap apyovoclhojo, nasoc anco aptovasomap apyovoclhojo. Apquilhyacmec apvisqui siyasinancama coo, eyanmongsiclhac sat apquiltemaclha apancaoc, acno siyanama etnejic — alhta aptomjac Visqui ingac.

EZEQUIEL 28:26

Elhnam sat maa naysicsa actamilaycam apquilvalhoc. Ellanac sat mocjam tingma apancaoc, elquiniclhac sat uva avjac apancaoc (ayimjaclha). Oyanmongsiclhac sat apquiltemaclha enlhit apquilvenéycam israelitas. Elyicpilcangvomoc sat israelitas sicvisay Dios Visqui apancaoc — alhta aptomjac.

EZEQUIEL 38:14

Elngas sat lhip sicpayvam. Itne sat lhip ingyanic apvisqui Gog: Eycaso appayvam ayinyema Visqui ingac: Naysicsa actamilaycam apquilvalhoc israelitas, elimpocjac sat quellhip nipyesicsa maa.

EZEQUIEL 48:35

Acyovoclhojo mataymong apjalhtam acvamlha acvinatem alhta nueve mil metros. Apvisay tingma cotnejic sat mataa: Visqui ingac tingma pac — alhta aptomjac.

DANIEL 9:24

Cotnejic sat acsovjongvocmo setenta semanas nipyesicsa enlhit najan tingma mayayo. Colhic sat acmascosa apquilinmelhaycam enlhit najan apquilsilhnanomap apanco. Colhic sat ayasicjayquiclha enlhitaoc apquilvatsamco inlhojo apquiltemaclha apancaoc. Colhic sat mocjam nintemaclha acpeyvomo. Cosovjongvomoc sat acvitay ningvanmoncama najan aplhanmaclha profeta. Colhic sat ayaco Santísimo Mayayo.

DANIEL 9:7

Lhip Dios aptomja appeyvomo. Avanjec nincoo ningilmancactama napato lhip ningilvisay judíos. Apyovoclhojo apnaycam tingma Jerusalén, najan apyovoclhojo israelitas ningyava nincoo, najan poc ingnaymacoc apquilmomap cotnajaclha apquilaoclha, apquiltomja alhta apquilinmelhaycam lhip.

OSEAS 1:11

Ingyaniclhac sat apyovoclhojo apquilmolhama Judá najan apquilmolhama Israel. Elyacyecsic sat lhama apvisqui. Elmiyantac sat tingma Jerusalén apquilinyema lhalhma anco. ¡Acvanyam sat cotnejic acnim acvisay Jesreel!

OSEAS 1:7

Ongvasicjiclhojoc sat mocjam apquilmolhama Judá, olvomsic sat tap maa, sicvisay Dios Visqui apancaoc. Cotnejic sat mepqui apquilimpocjay, mepqui pilhpaalh, mepqui sovo acvinatem, mepqui nolhing apcapaoc — nic nat aptomjac Dios Apyimtalhnamo.

OSEAS 2:18

Nalhit acnim ollanac sat pacto ningmiyovmalhca, mongacyejec sat asoc navjac, najan nata navjac, najan nimisma. Ongvintacsic sat pilhpaalh, najan sovo acvinatem. Omascocsic sat apquilimpocjay cotnaja ingmoc. Elovsic sat apquilyampay enlhit ajancaoc.

ABDÍAS 1:17

Inquilhe Sión cotnejic sat acponquinomalhca, elvomsacpoc sat tap apquilaymomap apquilinyem. Ellhovamcoc sat yoclhilhma Jacob aptovana niptamin.

ABDÍAS 1:21

Elvoclhac sat inquilhe Sión enlhit apquilyimnatem apanco, eltimjic sat apquilviscaa apquileyvomaclha Esaú aptovana niptamin. Apvisqui apyimtalhnamo etnejic sat maa Dios Visqui ingac — nic nat aptomjac profeta Dios aplingascama.

SOFONÍAS 3:13

Apquiltemaclha mataa apquilaymomap co Israel, mepqui apquilmopvan amyaa, mepqui apquilyinimquiscama, najan mepqui apquillhamasomap. Elvitac sat aptoycaoc, ellovsic sat apquilyampay, mepqui mataa ayay apquilvalhoc — alhta aptomjac.

ZACARÍAS 10:6

Aptomjac alhta Visqui apyimtalhnamo: Otnesquisic sat apquilyimnatem co Judá, olvomsic sat tap apquilmolhama José. Otajicsojoc sat mocjam, eltajiclhac apquilaoclha, ayinyema siyasicjayo maa. Cotnejic sat malha metnaja apquilhpansomap nano. Coo sicvisay Dios Visqui apancaoc sicjalhenmo apquililmalhnancama.

ZACARÍAS 3:10

Eltimjic sat maycaa quellhip as acnim nipyesicsa apnaymacoc apquilmolhama. Eltovamcoc sat acyilhna coning pisquisca uva avjac najan jigo yamit. Nasoc coo sicpayvam sicvisay Dios — alhta aptomjac — nic nat aptomjac profeta.

ROMANOS 3:22

Eyca as actemaclha yoyam jingiltimesquisic ningilpeyvomo Dios ayinyema mongyasquiyam Jesucristo. Collhenalhquejec apquilvisay judíos najan apquilvisay metnaja judíos, apquilanomacpo apno poc.

1 CORINTIOS 1:30

Quellhip apquiltomja apquilpasmeyquiclha Cristo ayinyema Dios. Cristo ayinyema actemaclha ningyascamcolhma najan actemaclha ningilpeyvomo najan actemaclha ningiltamilcasomalhco inganco najan actemaclha ningilvomsomalhca tap. Eycaso ayinyema apmayjayoclha Dios.

2 CORINTIOS 5:21

Am coyitnac lhama meyascalhma Cristo. Dios aptomja appatimquiscama Cristo mongilyascalhma nincoo. Yoyam jingiltimesquisic ningilpeyvomo ayinyema ninpasmeyquiclha Cristo.

FILIPENSES 3:9

Altamjoc mataa oyipitcojoc Cristo. Am coyitnac sictemaclha sicpeyvomo ayinyema enlhitaoc. Etnescasquic sicpeyvomo Dios Ingyapam ayinyema moyasquiyam apvisay Cristo.