JEREMÍAS 23:11 - Enhlit Bible

¹¹ Aptomjac alhta mocjam: Apquilmapsomcaa profetas najan sacerdotes, mepqui actamilaycam apquilvalhoc. Yitnec apquiltemaclha apancaoc congne tingma ajac apponquinomap.

JEREMÍAS 23:11 Iomraidhean Croise

2 CRÓNICAS 33:5

Apquillanac nic nat mocjam altares payjoc tingma apponquinomap acvisay atrio tingma napocja. Apquiltimec nic nat apquilayo apyovoclhojo apyová netin.

2 CRÓNICAS 33:7

Appiquinquic nic nat quilaycmasquiscama congne tingma apponquinomap. Yitnec nic nat aplhanma Dios napato David najan napato Salomón: Alyacyesquic coo tingma Jerusalén nipyesicsa apquilmolhama tribus Israel, as tingma apponquinomap, yoyam olhic cotmongvoycamlha nelha.

2 CRÓNICAS 36:14

Apquilvatsamquic nic nat apquilyiplovquiscama singanamaclha Dios apyovoclhojo apquilviscaa mayayo co Judá, najan sacerdotes, najan enlhitaoc. Apquilvajanamquic nic nat mataa apquiltemaclha metnaja israelitas apquilayo quilaycmasquiscama, apquiltomja apquilvennéycam tingma apponquinomap, Dios nic nat apponquinquiscama payjoc tingma Jerusalén.

ESDRAS 10:18

Apnam nic nat sacerdotes apquilmayclha quilvanaa cotnaja israelitas. Apquilvisay nic nat: Josué aptovana, Josadac apquitca najan apquilmolhama: Maasías, Eliezer, Jarib, Gedalías.

JEREMÍAS 11:15

Quellhip enaymacoc Israel. ¿So apquiltingya yi tingma ajac apponquinomap acyiplomo apquiltemaclha apancaoc apquilmapsomcaa? ¿Apquilanayqui ya elinyajamcoc sat, acvaa inlhojo acyimtalhnama, ayinyema apquilaycaoc apitic najan acpilhmoc macmescama Dios?

JEREMÍAS 23:15

Eycaso sicpayvam sicvisay Visqui sicyimtalhnamo, silanya profetas: Olmecsic sat asoc acmasca najan veneno ayingmenic, yoyam elyinamcoc. Apquiltemaclha profetas co Jerusalén, apquilsilhnanoncama apyovoclhojo enlhit as apquileyvomaclha — alhta aptomjac.

JEREMÍAS 32:34

Apquilpiquenaclhec quilaycmasquiscama congne tingma ajac apponquinomap, apnatovasa coo tingma ajac.

JEREMÍAS 5:31

Avanjec mataa apquilmopvan amyaa profetas. Apquiltingyac asoc apancaoc sacerdotes. ¡Apquilyispaquic mataa enlhit ajancaoc actema nac jay! ¿Co laa eltimjic sat quellhip actamongvamlha nelha acnim? — alhta aptomjac Visqui ingac.

JEREMÍAS 50:6

Apquilyitsomacpo enlhit ajancaoc nipquesic apquillhinganyam, mepqui apquiltamilquiscama apquilancam. Apquillhinganacmec netin inquilhe, apquilvocmo moc inquilhe, inquilvoncacmec maa apquilinyemayaclha.

JEREMÍAS 6:13

Aptomjac alhta mocjam: Apquiltingyac mataa acyanmongam enlhit apquilyimtalhnamo najan enlhit mepqui apquilyimtalhnamo. Apquilyinimsacpec mataa enlhitaoc, ayinyema apquilpayvam profetas najan sacerdotes.

JEREMÍAS 7:30

Aptomjac alhta mocjam Dios Apyimtalhnamo: Yitnec apquiltemaclha apancaoc moyisponcama coo apquilmolhama Judá. Apninquinquic alhta congne tingma ajac apponquinomap quilaycmasquiscama apancaoc, acvisay apquilvenneycam tingma ajac apponquinomap.

JEREMÍAS 8:10

Colmalhcac sat apnatamcaa, colmalhcac sat amyipayc, poc sat elmoc. Apquiltingyac mataa acyanmongam enlhit apquilyimtalhnamo najan mepqui apquilyimtalhnamo. Apquilyinimsacpec mataa enlhitaoc, ayinyema apquilpayvam profetas najan sacerdotes.

LAMENTACIÓNES 2:20

Lhip Visqui ingac, jingilanojo nincoo naysicsa ninlingaycamco ayinyema lhip. ¿Avanqui ya incanayc coltovamcoc ayitquic alitsepma? ¿Apvancaa ya eticyoc sacerdotes congne tingma apponquinomap, najan maa profetas?

EZEQUIEL 23:39

¡Naysicsa altemaclha ancaoc alnapma ayitquic naysicsa alayo quilaycmasquiscama altomja acnatovascama tingma apponquinomap, coo sicmaclha ajanco!

EZEQUIEL 44:10

Oyanmongsiclhac sat apquiltemaclha apancaoc levitas selyamasma coo, naysicsa apquillhinganyam israelitas eltimjic apquilayo quilaycmasquiscama acyitsomalhca dios.

EZEQUIEL 7:20

Insilhnanalhquic apquilvalhoc ayinyema asoc acmamnave, yoyam ellanac quilaycmasquiscama almasomcaa sictanoncama coo. Cotniclhac sat asoc ápac acyovoclhojo asoc acmamnave.

EZEQUIEL 8:11

Apcanam payjoc maa setenta apquilvanyam mayayo. Yitnec apquilmaycam asoc acpayjem alvatnamalhquilha asoc acmasis, actiyapma etin as asoc payjem. Lhama alhta apvisay Jaazanías, Safán apquitca.

EZEQUIEL 8:16

Eyantamaclhec alhta payjoc atrio congne tingma apponquinomap, payjoc atong aplhancoc apponquinomap, payjoc naysicsa vestíbulo najan altar apquilvatnamaclha. Apnam maa veinticinco enlhit apquilpaycomap, melaneyo congne aplhancoc apponquinomap. Apquiljalhec acpayjoclha actiyapmaclha acnim, acticlhicvocmo nalhpop payjaclha napataa, apquiltomja apquilayo acnim naysicsa actiyapma.

SOFONÍAS 3:3

Apquilviscaa mayayo apquilyitsomacpo yamacmeyva actomja acpáyvam. Enlhit apquilyicpilquemo apquilyitsomacpo vavo aleyvam yoclhilhma actamopeycaoc. Inquilsovjoc mataa actoycaoc asoc ayitsepma, am colayacmoc alhquipcoc.

SOFONÍAS 3:4

Profetas apancaoc apquilyitsomacpo apquilyinimquiscama apquillhamasomap. Sacerdotes apancaoc apquiltomja apnatovascama Dios tingma pac apponquinomap. Apnatovasquic mataa singanamaclha Dios.