JEREMÍAS 22:5 - Enhlit Bible

⁵ Am sat ancoc elyiplovcasac quellhip siyanamaclha, etvasacpoc sat as tingma aptamila. Eycaso sicpayvam sicvisay Visqui apancaoc — alhta aptomjac.

JEREMÍAS 22:5 Iomraidhean Croise

2 CRÓNICAS 7:19

Acvitac sat ancoc selyamasma quellhip, am sat ancoc elyiplovcasac quellhip siyanamaclha najan siyascamaclha, apquiltomja quellhip apquilayo quilaycmasquiscama acyitsomalhca dios.

2 CRÓNICAS 7:21

As tingma apponquinomap, acyitna inlhojo gloria aptamila apanco, etniclhac sat apjapac, etniclhac sat mayicjescama mataymong. Cotnejic sat aclhanma apquilvalhoc enlhit apquilyeycajay: Pilapcasquic ningvita aptomjaclha Dios nipyesicsa enlhit, ningvita apyamasma Dios tingma apponquinomap najan as yoclhilhma — sat colhenic apquilvalhoc.

2 CRÓNICAS 7:22

Colhic sat aclingasa amyaa: ayinyema apquiltemaclha Dios Visqui apancaoc apquilyeyjamcaa, apyinyovquiscama nic nat yoclhilhma Egipto, najan ayinyema apquiltemaclha apquilayo quilaycmasquiscama acyitsomalhca dios. Eycaso acvisay acyanmongayclha apquiltemaclha apancaoc acmasom — sat cotnejic amyaa — nic nat aptomjac Dios.

SALMOS 95:11

Intomjac nat evalhoc naysicsa siclom: —Colapvanquejec sat elpalhavomoc yoclhilhma ningnayclhilha — nat intomjac evalhoc — nic nat aptomjac Dios Visqui ingac.,,

ISAÍAS 1:20

Am sat ancoc eliltamjoc quellhip elaylhojo. Apquiltimec sat ancoc selinmelhaycam coo, eticyoc sat quellhip ayinyema sovo acvinatem. Eycaso alhta Dios appayvam.

JEREMÍAS 12:7

Aptomjac Visqui ingac: Acyinyovquic coo enlhit ajancaoc, silyacyescama siclho. Avanjec alhta selasicjayo, apquiltomja apquilmomap nipyesicsa cotnaja ingmoc.

JEREMÍAS 17:27

Am sat ancoc elilyajaclhoc quellhip siyanamaclha, yoyam eltamilsic acnim ninnayclha. Yitnec sat ancoc mocjam apquilpatmeyquinta asoc apancaoc acnim ninnayclha as atong acyivey, olvitic sat talha tingma apatnaoc colmetic sat, elmetic sat najan tingma apquiltamila, colapvanquejec mataa elsaponsic talha acvanyam — alhta aptomjac Visqui ingac.

JEREMÍAS 26:4

Ilngas sat lhip sicpayvam sicvisay Dios: Am sat ancoc elyiplovcasac quellhip siyanamaclha siltimnascama coo.

JEREMÍAS 39:8

Apquilvatnec nic nat talha caldeos cotnaja ingmoc, apvisqui tingma apac najan apyovoclhojo tingma. Apquilyaninquic nic nat mataymong apjalhtam.

JEREMÍAS 44:26

Quellhip judíos apquileyvam yoclhilhma Egipto, elaylhojo sicpayvam sicvisay Visqui sicyimtalhnamo: Colapvanquejec sat quellhip ellhenic sicvisay coo, acno apquillhanmaclha: ¡Dios aptomja apvitaycamco! — apquiltomjac mataa.

AMÓS 6:8

Eycaso appayvam apanco Dios Apyimtalhnamo, aplhanma mepqui apyeycajascaoc, apvisay Dios Visqui Apyimtalhnamo. Actanovquic coo apquiltemaclha ayajamalhco apquilvalhoc apquilmolhama Jacob (aptovana). Actanovquic coo tingma apancaoc apquiltamila. Cotnaja ingmoc sat elmoc enlhitaoc, elsavojoc sat asoc acnaycaoc as tingma — alhta aptomjac Dios.

MIQUEAS 3:12

Enatovasacpoc sat apyovoclhojo tingma Jerusalén netin inquilhe, ayinyema apquilsilhnanomap apanco quellhip. Cotniclhac sat mocjam amyip ningilcacjam, elhojoc sat tingma mayicjescama mataymong. Elhojoc sat tingma apponquinomap ayimjaclha tayit — nic nat aptomjac profeta.

SAN MATEO 23:38

Elavojo quellhip. Aptamopeycaoc sat etnejic tingma apancaoc.

HEBREOS 3:18

¿Soc nic nat enlhitaoc apquillhenacpo naysicsa aplhanma Dios actomja nasoc anco yoyam colhejec acyascacmo: Melhneclhejec sat mataa as enlhitaoc sicnaclha coo? Apquillhenacpec nic nat aplhamoclhojo apquiltomja melilyajayquiclho.

HEBREOS 6:13

Quip elanojo aptemaclha ilhnic nat Abraham. Aplhenquic nic nat Dios actomja nasoc anco yoyam epasmoc Abraham. Aplhenacpoc nic nat apanco Dios yoyam colhejec acyascacmo. Ayinyemaclha paj nic nat poc aptomja apyimtalhnamo apanco yoyam elhenic apvisay.

HEBREOS 6:17

Apquiltamjoc nic nat Dios elhicmocsic apmayjayoclha apanco yoyam elyasingvomoc apquiltomja apquillhoy asoc aplhanma Dios yoyam elmesic. Eycaso ayinyema aplhenamacpo apanco ilhnic nat Dios yoyam colhejec acyascacmo.