JEREMÍAS 22:12 - Enhlit Bible

¹² Ematong sat aptomjaclha apmomap, payjoc cotnajaclha apcaoclha, mevotayc sat mocjam — alhta aptomjac Visqui ingac.

JEREMÍAS 22:12 Iomraidhean Croise

2 REYES 23:29

Nalhit acnim nic nat intomjac. Apnalantac nic nat singilpilhtetemo apvisqui faraón co Egipto, apvisay Necao. Apquilpeyvoc nic nat vatsam Eufrates, yoyam elpasingvoclha apvisqui co Asiria najan apquillhalhmaa. Apquilamyilhamquic nic nat apvisqui Josías najan apquillhalhmaa. Tingma Meguido ilhnic nat aptajanyaa apvisqui Necao, aptomja apcajem. Apmatnec nic nat apvisqui Josías.

2 REYES 23:34

Apcapajasquic nic nat faraón Necao, etnesacpoc apvisqui Eliaquim, Josías apquitca, apya'monquiscama apyap. Apcanyacpec nic nat moc apvisay Joacim. Innec nic nat acyantama yoclhilhma Egipto Joacaz apmomap. Apquitsepquic nic nat maa.

JEREMÍAS 22:18

Visqui ingac alhta aplhanma aptemaclha Joacim, Josías apquitca, apvisqui co Judá: Cotnejic sat mepqui apquilyapcalhem, apvitacpoc inlhojo apmatnam apvisqui. Melhenacpejec sat maa: Quellhip elyalhinga, quellhiya elyalhinga, ¿so actomja yi? ¡Visqui ingac apmatnam, visqui ingac apyimtalhnamo apmatnam! - paj colhenalhquejec sat maa.

JEREMÍAS 22:27

Mevotayc sat mataa lhip najan inquin apquilaoclha, acyitna inlhojo alipvoyam avalhaoc — alhta aptomjac.

JEREMÍAS 42:18

Aptomjac mocjam Dios Visqui apyimtalhnamo apquilanya: Avanjec alhta apquillingaycamco co Jerusalén ayinyema acyivey siclom. Colhojoc sat apquillingaycamco quellhip, apquilinyaja inlhojo yoclhilhma Egipto. Elasmesacpoc sat quellhip maa, eltamjacpoc sat enlhit apquilmapsomcaa, melvotayc sat mataa as apquilaoclha quellhip — alhta aptomjac.

LEVÍTICO 26:38

Enatovasacpoc sat quellhip nipyesicsa cotnaja nimpayvomó lhama. Comascoc sat apquileyvam quellhip nipyesicsa maa.