JEREMÍAS 21:7 - Enhlit Bible

⁷ Natamin emacpoc sat apvisqui Sedequías nipyesicsa cotnaja ingmoc apvisqui Nabucodonosor. Elmacpoc sat najan singilpilhtetemo najan apquilviscaa maa, najan apyovoclhojo apquilaymomap naysicsa ningmasquem, najan naysicsa apquilimpocjay, najan naysicsa mayic alnapma. Eticyoc sat quellhip nipyesicsa cotnaja ingmoc, mepqui apquilmasma. Eycaso sicpayvam Visqui sicyimtalhnamo — alhta aptomjac Visqui ingac aplhenacpo Sedequías.

JEREMÍAS 21:7 Iomraidhean Croise

ISAÍAS 27:11

Alyamay maa actingaoc yamtaa, colyintilhvomoc sat quilvanaa, colvitic sat talha tingma. Mepqui apquilyascamco apyovoclhojo enlhitaoc. Dios nic nat apquilantipquiscama as enlhitaoc, Mengyasicjiclhejec sat mocjam as enlhitaoc.

ISAÍAS 47:6

Actanovquic alhta coo enlhit ajancaoc, mepqui sicmasma alhta, apquilmec alhta quellhip. Mepqui alhta quellhip apquilimlayquiclho, apquiltimescasqui inyicje quellhip ellingamcojoc acyimtalhnama apquilmomap apquilvanyam.

JEREMÍAS 13:14

Onatovacsic sat apyovoclhojo, acno nimpalhcatma valhva sat cotnejic, eticyoc sat enlhitaoc najan apquitquic. Mepqui siyasicjayquiclha sat cotnejic, mepqui siyimlayquiclha, mepqui sicmasma — alhta aptomjac Visqui ingac.

JEREMÍAS 14:12

Mongvaylhojoc sat selmalhnaycam enlhit, sicvita inlhojo mepqui aptoycaoc apquilmalhnancama. Sicvita inlhojo asoc acticyovam selmescama coo acyanmongam melyascalhma. Sicvita inlhojo selmescama trigo apactic, mongvasicjejec sat maa. Onatovacsic sat enlhitaoc, eticyoc sat apquilimpocjay, colnapoc sat mayic, colnapoc sat ningmasquem — alhta aptomjac.

JEREMÍAS 15:5

Aptomjac alhta Visqui ingac: Quellhip co Jerusalén, ¿soc enlhit conyemac sat apquimlayquiclho mocjam? ¿Soc enlhit conyemac sat mactamilquisquiyam quellhip?

JEREMÍAS 15:9

Aplhamoc siclho ayitquic quilvana, paj ingyaymacpoc lhama, inmasquec acyimnaa as quilvana. Inlingamcoc actemaclha acmancactama, actemaclha avalhoc mepqui actamila, najan mepqui ayitsay olhma avalhoc. Elsavojoc sat apquilnapma cotnaja ingmoc enlhit apquilaymomap siclho. Eycaso sicpayvam Visqui apancaoc — alhta aptomjac.

JEREMÍAS 19:7

Onatovacsic sat aclhanma apquilvalhoc apquilmolhama Judá najan apnaycam tingma Jerusalén. Eticyoc sat naysicsa apquilimpocjay cotnaja ingmoc. Eltovcacpoc sat apjapaoc apquilpasmacpo mama najan asoc navjac.

JEREMÍAS 20:4

Ayinyema ilhnic nat appayvam aplhanma Dios: Otnesquisic sat acyivey apcay lhip najan acyivey apquilay lhip apnaymacoc. Etac sat lhip acticyovam apnaymacoc, apquilnapma cotnaja ingmoc. Elmacpoc sat apyovoclhojo apquilmolhama Judá, apquilmam apvisqui co Babilonia. Colhic sat acnalaclho Babilonia, eticyoc sat poc apnaymacoc.

JEREMÍAS 22:25

Emacpoc sat lhip nipyesicsa cotnaja ingmoc. Avanjec mataa apcay lhip apvisqui Nabucodonosor nipyesicsa co Babilonia najan apquillhalhmaa caldeos.

JEREMÍAS 27:6

Otnesquisic sat Nabucodonosor de Babilonia etnejic apvisqui lhalhma anco as nalhpop najan asoc navjac, yoyam eltamacsic.

JEREMÍAS 32:4

Copvanquejec ingyinyejec apvisqui Sedequías napatavo caldeos (co Babilonia). Emacpoc sat maa, eyantamacpoc sat apnaclha apvisqui co Babilonia.

JEREMÍAS 34:3

Copvanquejec sat lhip ingyinyejic. Emacpoc sat lhip, colhic sat acyantamayclha tingma Babilonia.

JEREMÍAS 36:29

Itne sat lhip ingyanic apvisqui: Eycaso apayvam ayinyema Dios Apyimtalhnamo: Lhip alhta apquilvatnama talha vaycajac. Aptanovquic alhta lhip aptalhescama profeta Jeremías: Evac sat apvisqui co Babilonia, enatovacsic sat yoclhilhma ayinyema apquilimpocjay. Melaymacpejec sat enlhit najan apnatoscama — alhta aptomjac Dios — sat itne ingyanic lhip.

JEREMÍAS 37:17

Aptomjac nic nat apcapajasa apvisqui Sedequías, yoyam colhic acyantamaclho Jeremías apnaclha apvisqui rey. Innec nic nat acyantamaclho profeta. Apyilhacpoc nic nat apvisqui rey elmalhna profeta: —¿Yitne ya amyaa ayinyema Dios Apyimtalhnamo? — nic nat aptomjac. Apcatingmavoc nic nat Jeremías: —Yitnec amyaa, ingyeylhojo: Lhip visqui rey, emacpoc sat nipyesicsa apquillhalhmaa apvisqui co Babilonia — nic nat aptomjac.

JEREMÍAS 50:17

Apquilyitsomacpo israelitas nipquesic aplhinganyam, acyamascam yamacmeyva. Apcaplhinquic alhta siclho apvisqui co Asiria, yoyam ingyajic. Natamin aptovquic alhta apilhquipcoc apvisqui co Babilonia Nabucodonosor.

LAMENTACIÓNES 2:20

Lhip Visqui ingac, jingilanojo nincoo naysicsa ninlingaycamco ayinyema lhip. ¿Avanqui ya incanayc coltovamcoc ayitquic alitsepma? ¿Apvancaa ya eticyoc sacerdotes congne tingma apponquinomap, najan maa profetas?

LAMENTACIÓNES 2:22

Lhip alhta apcapajascama acmasom ningyesicsa, acyiplomo ayay ingilvalhoc. Am alhta emyovacpoc lhama, apsovjoc alhta lhip apquilnapma naysicsa aplom pac. Apticyovquic alhta apyovoclhojo ningilvanimquiscama naysicsa apquilimpocjay cotnaja ingmoc.

EZEQUIEL 23:28

Eycaso sicpayvam coo: Comalhcac sat lhiya nipyesicsa cotnaja ingmoc apquilmapsomcaa, actomja actanoncama lhiya.

EZEQUIEL 7:9

Mongvasicjiclhejec sat mocjam quellhip. Oyanmongsiclhac sat apquiltemaclha apancaoc quellhip. Jelyicpilcojoc sat quellhip, sicvisay Dios Visqui apancaoc, ayinyemayaclha acyanmongayclha — alhta aptomjac.

EZEQUIEL 8:18

Momyovejec sat mocjam sictemaclha siclom. Mongvasicjiclhejec sat mocjam. Jelilmalhnac sat inyicje naysicsa apquilpalhamaycam, mongvaylhoyc sat maa, oyanmongsiclhac sat apquiltemaclha apancaoc — alhta aptomjac Visqui ingac.

EZEQUIEL 9:10

Mongvasicjiclhejec sat mocjam. Oyanmongsiclhac sat apquiltemaclha apancaoc — alhta aptomjac.

DEUTERONOMIO 28:50

Malha enlhit nipvajac sat eltimjic, elnapoc sat apquilvanyam najan apquitquic.