JEREMÍAS 21:4 - Enhlit Bible

⁴ coo sicpayvam, sicvisay Dios Visqui apancaoc israelitas: Apquilnapacpe inyicje apnaymacoc najan co Babilonia nipyava tingma. Elnapacpoc sat nipyesicsa tingma, mepqui sicmasma coo.

JEREMÍAS 21:4 Iomraidhean Croise

ISAÍAS 10:4

Am sat ancoc elmacpoc enlhitaoc, eticyoc sat naysicsa apquilnapomap. Am comascac mocjam aplom pac Visqui ingac, mocjam ningvita appeyvesayclha apmic apanco Dios Visqui ingac.

ISAÍAS 13:4

Inlingalhquic apquilpalhamaycam enlhitaoc appintalhnama payjoc netin inquilhe. Inlingalhquic apquilpalhamaycam metnaja israelitas apcanayclha maa. Visqui ingac apyimtalhnamo aptomja apquilaneyo singilpilhtetemo yoyam elimpocjac maa.

ISAÍAS 5:5

Tasi. Pac oltimnacsic quellhip yavamlha otnejic ayimjaclha uva. Oljalhyovacsic sat acjalhtam, colhic sat actovasa ayimjaclha uva ayinyema ninatoscama. Otvacsic sat acjalhtam, colhic sat actovasa ayimjaclha uva altoyam ninatoscama.

JEREMÍAS 20:4

Ayinyema ilhnic nat appayvam aplhanma Dios: Otnesquisic sat acyivey apcay lhip najan acyivey apquilay lhip apnaymacoc. Etac sat lhip acticyovam apnaymacoc, apquilnapma cotnaja ingmoc. Elmacpoc sat apyovoclhojo apquilmolhama Judá, apquilmam apvisqui co Babilonia. Colhic sat acnalaclho Babilonia, eticyoc sat poc apnaymacoc.

JEREMÍAS 21:3

Aptomjac alhta Visqui ingac apcanya Jeremías, colhic altimnasa apquilasinancama Sedequías: Eliltimnas sat Sedequías

JEREMÍAS 32:24

Apquilpenasquic cotnaja ingmoc caldeos elimpocjac tingma ingac. Jingilmoc sat cotnaja ingmoc, onticyoc sat maa, mayic sat jingilnapoc, ningmasquem sat jingilnapoc. Vocmec quilhvo nac jay aplhanmaclha lhip nano.

JEREMÍAS 32:3

Apcapajasquic nic nat Sedequías emacpoc Jeremías, ayinyema aplingascama amyaa ayinyema Dios: Eycaso appayvam ayinyema Visqui ingac: Elimpocjac sat co Babilonia, elmacpoc sat apyovoclhojo tingma Jerusalén.

JEREMÍAS 32:5

Eyantamacpoc sat Sedequías apmomap yoclhilhma Babilonia acvaycmo acnim apquitsepma. Noelnapap nasa quellhip, apquilyimnatem apanco cotnaja ingmoc caldeos. Eycaso sicpayvam sicvisay Visqui — alhta aptomjac.

JEREMÍAS 35:17

Eycaso ayinyema sicpayvam sicvisay Dios Visqui sicyimtalhnamo: Quellhip co Judá najan co Jerusalén, ellingamcojoc sat acyimtalhnama ayinyema coo. Altimnasquic alhta yavamlha eltimjic quellhip, paj alhta elyajaclhoc quellhip. Ayevam alhta quellhip, paj alhta elatingmavoc quellhip — alhta aptomjac Dios — nic nat aptomjac Jeremías.

JEREMÍAS 39:3

Apquilantalhnec nic nat singilpilhtetemo apquilviscaa co Babilonia, apcanvocmo payjoc atong central. Apvisay nic nat Nergal-sarezer, poc nic nat Samgar-nebo, poc nic nat Sarsequim, poc nic nat apvisayó lhama Nergal-sarezer, yatapquilviscaa ilhnic nat maa.

JEREMÍAS 52:18

Apquilsaclhec nic nat vaynca najan pala acpayjem, najan sovo, najan apquilmaycam asoc allanomalhca tava apaoc.

LAMENTACIÓNES 2:3

Apmascosquic alhta apquiltemaclha apquilyimnatem israelitas naysicsa aplom. Am alhta jingmiyavac Visqui ingac naysicsa singilimpocjay cotnaja ingmoc. Apquilvatnec alhta talha, actomja acpayjayclha lhalhma anco nipyesicsa israelitas.

LAMENTACIÓNES 2:5

Aptomjaclhec alhta cotnaja ingmoc Visqui ingac, apsovjoc alhta apnatovascama tingma apquilvanyam, najan tingma apquilyimnatem, najan apyovoclhojo israelitas. Avanjec alhta acmayovsa apquilvalhoc co Judá, acyiplomo apquiliclhangveycam.

LAMENTACIÓNES 2:7

Aptanovquic alhta Visqui ingac altar apquilvatnamaclha najan tingma apponquinomap. Am alhta emyavac apquilimpocjay cotnaja ingmoc tingma apvanyam najan apjalhtam tingma. Apquililpalhamam alhta cotnaja ingmoc congne tingma apponquinomap, acno nincoo siclhoc alhta ningilitsovascama naysicsa fiesta.

EZEQUIEL 39:3

Natamin ongvintacsic sat pilhpaalh apmaycam lhip apmic izquierda, opalecsic sat yanca apmaycam lhip apmic derecha.

OSEAS 9:12

Colvanimsic sat inyicje ayitquic, olyinyovsic sat acyovoclhojo ayitquic, osavojoc sat maa. ¡Enlhit najan quilvanaa layi sicyamasma apyovoclhojo!

ZACARÍAS 14:2

Ingyansiclhac sat Visqui ingac apyovoclhojo enlhitaoc lhalhma anco, elnapacpoc najan elimpocjac tingma Jerusalén, enatovacsic sat tingma. Elnatovacsic sat quilvanaa, enaliclhac sat apquilmomap, acvaycmo la mitad enlhitaoc. Elhnam sat apcanit apquilaymomap.

SAN MATEO 22:7

Lhama ilhnic nat aplinga amyaa apvisqui. Aplovquic nic nat apvisqui. Apquilapajasquic nic nat singilpilhtetemo pac, yoyam elajic. Apticyovquic nic nat aptomja acnaycaoc apquilnapma. Apquilvatnec nic nat najan tingma apancaoc.