JEREMÍAS 20:4 - Enhlit Bible

⁴ Ayinyema ilhnic nat appayvam aplhanma Dios: Otnesquisic sat acyivey apcay lhip najan acyivey apquilay lhip apnaymacoc. Etac sat lhip acticyovam apnaymacoc, apquilnapma cotnaja ingmoc. Elmacpoc sat apyovoclhojo apquilmolhama Judá, apquilmam apvisqui co Babilonia. Colhic sat acnalaclho Babilonia, eticyoc sat poc apnaymacoc.

JEREMÍAS 20:4 Iomraidhean Croise

2 REYES 25:7

Apquilascasquic nic nat apyimpeoc apquitquic napato Sedequías. Innec nic nat alyiplha apataoc Sedequías. Apquilpilhtetacpec nic nat cadenas. Innec nic nat acyantamaclho yoclhilhma Babilonia, acvaycmo apquitsepma.

SALMOS 73:19

Cotlapsic sat enatovasacpoc as enlhitaoc. Elmasquingvomoc sat, apquilay sat colnapoc.

JEREMÍAS 13:10

Apquiltemaclha apancaoc mepqui selyajayquiclho as enlhitaoc, apquilyiplovquisa aclhanmaclha apquilvalhoc. Apquiltomja apquilayo quilaycmasquiscama acyitsomalhca dios. Apquilno as enlhitaoc cinturón ápac mepqui acmomalhca mocjam.

JEREMÍAS 13:19

Tingma apquilvanyam yoclhilhma Néguev, paj mocjam, mepqui enlhit. Apquilmacpec apyovoclhojo co Judá. Innec acnalaclho cotnajaclha apquilaoclha.

JEREMÍAS 19:15

Elaylhojo quellhip appayvam Dios Apyimtalhnamo Visqui Apyimtalhnamo nipyesicsa Israel: Ongvapajacsic sat acyimtalhnama ellingamcojoc tingma apvanyam, najan nipyesicsa enlhitaoc nipyava maa. Oyanmongsiclhac sat apquiltemaclha apancaoc, acno siclhanma siclhoc alhta. Acyeyjamelhma alhta enlhitaoc, am alhta eljalhnoc mataa sicpayvam — alhta aptomjac Dios — nic nat aptomjac profeta.

JEREMÍAS 20:6

Lhip Pasur, eyantamacpoc sat lhip Babilonia, najan apquilmolhama lhip. Ingyitsapoc sat lhip maa, ingyatoynacpoc sat lhip maa, najan elatoynacpoc sat apyovoclhojo apnaymacoc profetas apquilmopvancaa amyaa — nic nat aptomjac profeta.

JEREMÍAS 25:9

Ongvanic sat apvisqui Nabucodonosor najan co Babilonia apyovoclhojo enlhitaoc co nilhqueyja. Elimpocjac sat nipyesicsa quellhip najan apnaycam nipyava quellhip. Enatovasacpoc sat quellhip apyovoclhojo, colhic sat acnatovasa yoclhilhma apancaoc cotmongvoycamlha nelha. Avanjec sat cotnejic apquilay enlhitaoc.

JEREMÍAS 29:21

Yitnec appayvam Dios Visqui apancaoc israelitas aplhenacpo Acab, Colaías apquitca, najan Sedequías, Maasías apquitca, apquiltomja apquilmopvancaa amyaa. Aptomjac alhta Visqui ingac: Elyantamacpoc sat apnaclha apvisqui Nabucodonosor co Babilonia, eticyoc sat maa napatavo quellhip.

JEREMÍAS 46:5

Pilapcasquic sicvita moc actemaclha. ¿Co laa ayinyema? Avanjec ayay apquilvalhoc singilpilhtetemo. Apquiltajavoc siclho singilpilhtetemo. Apquilinyajamquic maa mepqui apquilpaycomap. ¡Avanjec apquilay singilpilhtetemo! Eycaso sicpayvam sicvisay Visqui apyimtalhnamo.

JEREMÍAS 52:24

Innec nic nat acyantamaclho sacerdote Seraías, najan poc Sofonías, najan apnatqui apquiltamilquiscama tingma apponquinomap.

JEREMÍAS 52:27

Apcanayquic nic nat maa esovjacpojo eticyoc apquilmomap. Apticyovquic nic nat payjoc tingma Ribla yoclhilhma Hamat. Innec nic nat alyinyovsa apquilaoclha enlhitaoc Judá apquilmolhama, apquiltomja apquilmomap cotningvoyam nelha.

JEREMÍAS 6:25

¡Noelnanteyip nasa amyip, noelyiplaclha nasa amay! Avanjec apquilmaycam cotnaja ingmoc, innec acnatovasa lhalhma anco ningileyvomaclha — alhta apquiltomjac.

1 SAMUEL 2:33

Lhama sat omyoc apmolhama lhip, setnesaycam ningilmalhnancamaclha. Colngamcojoc sat lhip apvalhoc, apvita inlhojo lhip. Eticyoc sat apquilmolhama lhip najan aptovana.