JEREMÍAS 20:3 - Enhlit Bible

³ Moc acnim nic nat apquiljalhyovasa apmeoc najan apmancoc. Aptomjac nic nat Jeremías apquilanya: Apquilvatescasquic Dios apvisay Pasur, iltamjacpoc sat lhip Magormisabib, ningiltimem Acyivey Ningilay.

JEREMÍAS 20:3 Iomraidhean Croise

GÉNESIS 17:15

Aptomjac nic nat mocjam Dios apcanya Abraham: —Comascoc sat cotnejic acvisay lhip aptava Sarai. Cotnejic sat acvisay Sara.

GÉNESIS 17:5

Comascoc sat apvisay lhip Abram. Cotniclhac sat apvisay Abraham. Ayinyemaclha lhip sat etnejic apquilyap aplhamoclhojo apquilmolhama lhalhma anco.

GÉNESIS 32:28

Aptomjac nic nat as enlhit apcanya: —Inmasquec lhip apvisay Jacob. Israel intomjac lhip apvisay quilhvo. Ayinyemaclha apquilnapacpec lhac lhip Dios najan enlhitaoc. Apyimnatem nac lhip— nic nat aptomjac.

SALMOS 31:13

Aclingac coo mataa aplhamoclhojo aptipsaycam sicvisay. Avanjec anco siyay sicvita neyava coo. Apquilpamejitsacpec mataa actemaclha yoyam jelajic.

ISAÍAS 8:3

Acpatjetamquic coo etava nalhit acnim, acvisay quilvana profetisa. Intomjac alhta inlovso, acyiplomo actiyam ayitca apquinavo. Aptomjac alhta Visqui ingac seyanya: Itnesquis sat apvisay apquitca. Ningatoc apquilnatamomap asoc najan apnatovasomap — alhta aptomjac seyanya.

JEREMÍAS 19:2

Elmiyaclha sat alvata Ben-hinom, payjoc atong acyivey acvisay Tiestos. Ilngas sat amyaa yavamlha oltimnacsic sat lhip.

JEREMÍAS 19:6

Incovac sat acnim, yoyam comascoc sat acvisay Tofet, comascoc sat acvisay alvata Ben-hinom. Cotnejic sat acvisay Alvata Acticyovomaclha. Naso coo sicpayvam sicvisay Dios Visqui apancaoc.

JEREMÍAS 20:10

Yitnec apquilpamejitsomap napocja, seltema sicvisay: Ningilay lhalhma anco — apquiltomjac. Apquiltomjac poc: Noc, ongiltimnacsic maa yoyam emacpoc — apquiltomjac. Apquiljalhnec enaymacoc, yoyam osilhnanalhcac ajanco, apquiltomjac maa: Ongilyinimsic sat nincoo, esilhnanacpoc sat, ongilyanmongsiclhac sat aptemaclha apanco — alhta apquiltomjac.

JEREMÍAS 29:29

Apquilyipsatquic alhta sacerdote Sofonías as carta apnaclha Jeremías.

JEREMÍAS 46:5

Pilapcasquic sicvita moc actemaclha. ¿Co laa ayinyema? Avanjec ayay apquilvalhoc singilpilhtetemo. Apquiltajavoc siclho singilpilhtetemo. Apquilinyajamquic maa mepqui apquilpaycomap. ¡Avanjec apquilay singilpilhtetemo! Eycaso sicpayvam sicvisay Visqui apyimtalhnamo.

JEREMÍAS 6:25

¡Noelnanteyip nasa amyip, noelyiplaclha nasa amay! Avanjec apquilmaycam cotnaja ingmoc, innec acnatovasa lhalhma anco ningileyvomaclha — alhta apquiltomjac.

JEREMÍAS 7:32

Actomjac coo sicpayvam sicvisay Dios: Covac sat acnim, yoyam comascoc sat acvisay Tofet, comascoc sat acvisay alvata Ben-hinom. Eltimjic sat acvisay Alvata Apticyovamaclha. Elatoynacpoc sat apquilitsepma payjoc Tofet, ayinyema melvitay moc amyip.

LAMENTACIÓNES 2:22

Lhip alhta apcapajascama acmasom ningyesicsa, acyiplomo ayay ingilvalhoc. Am alhta emyovacpoc lhama, apsovjoc alhta lhip apquilnapma naysicsa aplom pac. Apticyovquic alhta apyovoclhojo ningilvanimquiscama naysicsa apquilimpocjay cotnaja ingmoc.

EZEQUIEL 13:9

Oyanmongsiclhac sat apquiltemaclha apancaoc profetas apquilmopvancaa amyaa. Colapvanquejec ingyaniclhac sat apquilpasmeyquiclha enlhitaoc Israel. Colhejec sat acnatalhesamco apquilvisay vaycajac co Israel, melpalhavomejec sat yoclhilhma apancaoc co Israel. Jelyicpilcangvomoc sat coo, sicvisay Dios Visqui apancaoc.

LOS HECHOS 16:30

Yejemoc alhta apnalaclho napocja tingma. Apquilmalhna alhta: —Enaymacoc, ¿jalhco sat otnejic, yoyam ovomsalhca tap? —alhta aptomjac.