JEREMÍAS 20:16 - Enhlit Bible

¹⁶ Incaymalhquic colvoncamoc as acnim, acno aptovascama Dios tingma apquilvanyam. Alhtoo aclingalhco apquiliclhangveycam, ingyitsicso acnim aclingalhco amyaa apquilimpocja cotnaja ingmoc.

JEREMÍAS 20:16 Iomraidhean Croise

JEREMÍAS 18:22

Ilapajas sat enlhitaoc apquilminyilhma, elinmelham as enlhitaoc. Colngalhcac sat apquilpalhamaycam ayinyema ayay apquilvalhoc. Apquilmetmec alhta malhic, yoyam jelmoc. Apquilpiquinquic alhta tava apac trampa, yoyam jelmoc.

JEREMÍAS 18:8

Acvitac sat ancoc apquilyanmonquiscama moc apquilvalhoc enlhitaoc apquilmapsomcaa, moyanmongsiclhejec sat apquiltemaclha apancaoc, siclhanma alhta siclho.

JEREMÍAS 23:14

Acvitac coo profetas co Jerusalén apquilmapsomcaa apanco, am elhno poc. Apquilmopvancaa amyaa, apquilyinimquiscama, apquilyamasma apnatamcaa. Apquilsilhnanaquic mataa enlhit apquilmapsomcaa, colapvanquejec elyanmongsic apquilvalhoc. Acyitcasquic coo as enlhit apquiltemaclha nic nat co Sodoma najan co Gomorra.

JEREMÍAS 26:13

Ellaniclha quellhip apquiltemaclha apancaoc, elyiplovcasojo actemaclha apcanamaclha Dios Apyimtalhnamo. Meyanmongsiclhejec sat apquiltemaclha apancaoc Dios Apyimtalhnamo siclingascama lhac, yoyam covac sat.

JEREMÍAS 4:19

Aptomjac nic nat profeta: ¡Asquejec evalhoc coo! ¡Avanjec aclingaycamco evalhoc! ¡Intamjam evalhoc coo, movanquejec mepqui siclingascama amyaa simpilapquiscama! Aclingac coo apquilpayvascama trompeta, najan apquilpalhamaycam naysicsa apquilimpocjay.

LAMENTACIÓNES 4:6

Avanjec apquilmapsomcaa enlhit, am nic nat colhno apquilmapsomcaa co Sodoma. Pilapcasquic nic nat apnatovasacpo, mepqui ilhnic nat apquilimpocjay poc.

EZEQUIEL 21:22

Yitnec apmaycam apmic derecha lhama yanca, actomja monquinatquiscama apquilimpocjay tingma Jerusalén. Elimpocjac sat maa apquilsoycam apquilmaycam asalto, najan apquilpalhamaycam singilpilhtetemo, eltovacsic tingma apatnaoc alyivey, ellanac sat rampa actovascama mataymong apjalhtam, najan elvocjac sat tingma apyovoclhojo.

OSEAS 10:14

Ellingamcojoc sat quellhip apquilimpocjay. Conatovasalhcac sat apquilyilhanmomaclha quellhip. Acno alhta aptemaclha apvisqui Salmán aptovascama payjoc Bet-arbel naysicsa apquilimpocjay. Inticyovquic alhta quilvanaa acyiplomo ayitquic.

OSEAS 11:8

¿Evanqui ya otlhaoc quellhip co Efraín? ¿Evanqui ya otamopamcoc quellhip co Israel? ¿Evanqui ya onatovacsic quellhip, acno alhta tingma Adma najan tingma Zeboím? Avanjec alipvoyam evalhoc coo, ayinyema silasicjayo quellhip.

OSEAS 13:14

¿Coo ya olmeyvoc, yoyam melitsepejec enlhitaoc? Momyovejec sat coo. ¿Coo ya olmeyvoc, yoyam melvomejec sat alyascamaclha ingjangaoc? Momyovejec sat coo. Naso, acmovan innac ningitsepma, elitsapoc sat maa. Acmovan innac malhic, elatoynacpoc sat maa. Coo ayinyema mepqui sicmasma enlhitaoc, elmasquingvomoc sat.

AMÓS 1:14

Olvitic sat talha nipyava tingma Rabá, elmetic sat tingma apquiltamila. Cotnejic sat naysicsa apquilimpocjay najan yatepiyam.

AMÓS 2:2

Olvitic sat talha yoclhilhma Moab, elmetic sat tingma apquiltamila payjoc Queriot. Eticyoc sat enlhitaoc co Moab naysicsa apquilimpocjay najan apquilpayvascama trompeta.

AMÓS 4:11

Aptomjac alhta mocjam: Apquillingamcoc alhta quellhip sicyanmongsayclha apquiltemaclha apancaoc, acno ilhnic nat nipyesicsa co Sodoma najan co Gomorra. Apquilyitsamacpec alhta yamit aclicamalhca natilh. Am alhta elyanmocasac moc apquilvalhoc quellhip, am jeltomjac selayo — alhta aptomjac Dios Apyimtalhnamo.

JONÁS 4:2

Aptomjac nic nat Jonás apcanya Dios, apquilmalhna: —Lhip Dios Apyimtalhnamo, ingyeylhojo sicpayvam. Eycaso siclhanma siclhoc alhta siyinyemayaclha coo. Inlhenquic alhta evalhoc ongvinyejic sat tingma Tarsis. Acyasamcoc coo, lhip aptemaclha apcasicjayquiclho mocjam, aptemaclha apquimlaycmo, aptemaclha acmasilhte aplom pac. Aptemaclha lhip appayquimquiscama apvalhoc, acvaa inlhojo amyaa apyanmongsayclha lhip apquiltemaclha apancaoc enlhitaoc.

SOFONÍAS 1:16

Colngalhcac sat trompeta apquilpayvascama najan apquilpalhamaycam, yoyam elimpocjac tingma apquilvanyam najan tingma nitno.

SAN LUCAS 17:29

Lhama ilhnic nat aptepa Lot tingma Sodoma. Acpalentamo ilhnic nat talha najan azufre acpayesayclha talha. Apsovjomacpoc nic nat apquilitsepma.

DEUTERONOMIO 29:22

Elvitac sat quellhip aptovana apquileyvam nanoc sat, najan metnaja israelitas apquileyvam moc yoclhilhma, actemaclha ningmasquem najan acmasca apyimpeoc enlhit, yoyam ingyapajacsic sat as nalhpop Dios Apyimtalhnamo.

DEUTERONOMIO 29:23

Cotalhcac sat nalhpop azufre acpayesayclha talha, najan yasic, najan lhopactic acmeta. Mepqui actictiyapma ninganma sat cotnejic, mepqui acyilhna, mepqui paat ayimja, acno ilhnic nat macnatovascama tingma apquilvanyam Sodoma, najan Gomorra, najan Adma, najan Zeboim. Naysicsa aplom pac Dios, aptomja apnatovascama as tingma.

2 SAN PEDRO 2:6

Apsovjomacpoc nic nat najan apquilitsepma enlhitaoc tingma Sodoma najan Gomorra. Metquic nic nat tingma, acvamlha tajap nic nat intomjac. Eycaso actomja singillhicmoscama acyanmongayclha enlhitaoc apquilmapsomcaa yoyam covac sat.

SAN JUDAS 1:7

Collhen apquilvalhoc quellhip apquiltemaclha ilhnic nat co Sodoma najan co Gomorra najan nipyava tingma. Apquiltomja ilhnic nat apquilmapsomcaa, apquilnoc nic nat apquiltemaclha ángeles apquillhenamap. Apquillingamcoc quilhvo acyanmongayclha naysicsa cosponeyaclha talha.