JEREMÍAS 20:12 - Enhlit Bible

¹² Lhip Visqui ingac apyimtalhnamo, apyasamcoc lhip actemaclha ingvalhoc, apyasamcoc lhip meltomja apquilyamasma lhip. Ingyane sat otac coo lhip apyanmongsayclha apquiltemaclha apancaoc as enlhit. Mepqui mataa acyasquiyam evalhoc coo — alhta actomjac coo.

JEREMÍAS 20:12 Iomraidhean Croise

2 CRÓNICAS 24:22

Inquilvoncacmec nic nat apvisqui Joás aptemaclha aptamila siclho Joiada, Zacarías apyap. Apcanama alhta yoyam ematong Zacarías, apyimnatesa appayvam naysicsa apmatnam: ¡Apvita inyicje Dios apquiltemaclha quellhip, ellingamcojoc sat quellhip apyanmongsayclha apquiltemaclha — nic nat aptomjac!

SALMOS 11:5

Apyicpilcoc Visqui ingac apquilpeyvomo najan apquilmapsomcaa. Avanjec aptanoncama Visqui ingac apquiltemaclha apquilmapsomcaa.

SALMOS 139:23

Lhip Visqui ajac. Iyicpilcojo actemaclha evalhoc. Jeyipcon siclho, iyasamcojo actemaclha alquitamsama evalhoc.

SALMOS 17:3

Apyipconquic lhip actemaclha evalhoc coo. Apyasamcoc lhip sictemaclha alhtaa. Am alhta etac lhip sicmasom. Mepqui aclhinganyam evalhoc coo.

SALMOS 54:7

Emyovquic alhta lhip naysicsa siclingaycamco acyimtalhnama (selinmelhaycam). Acvitac soo apquilmomap apyovoclhojo cotnaja ingmoc (selinmelhaycam).

SALMOS 58:10

Copayjiclhac sat ingilvalhoc ningvita inlhojo acyanmongayclha apquiltemaclha apancaoc. Ongvitac sat nalhpop acyivey ema apancaoc. Coyilhvasic sat ingmancoc ninlhingam.

SALMOS 59:10

Epasingvoctac mataa Dios Visqui ajac. Elhicmosquic mataa apquiltemaclha selinmelhaycam apquilinyem. Acyispaquic mataa sicvita.

SALMOS 62:8

Quellhip enaymacoc, elyilhanmiclha mataa Visqui ingac. Elsavojo ellhenic actemaclha aclaneyo apquilvalhoc. Visqui ingac aptomja singmasma nincoo.

SALMOS 7:9

Ilvatasquis apquiltemaclha apquilmapsomcaa. Ilmiyov sat apquilpeyvomo. Ayinyema lhip aptemaclha appeyvomo. Ilyicpilcojo alquitamsama ingvalhoc.

SALMOS 86:4

Lhip Visqui ajac. Ipayesiclha mocjam evalhoc sicvisay silancam lhip. Avanjec mataa aclhanma evalhoc lhip.

ISAÍAS 37:14

Apquilyipsatquic nic nat Ezequías amyaa actalhesamalhca, apquilsayquinta co Asiria. Aptalhningvocmec nic nat tingma apponquinomap, appayesa as vaycajac napato Dios Visqui ingac.

ISAÍAS 38:14

Malha nata alcactama nayingmin acpáyvam intomjac coo lha sicpayvam, aliclhangvec coo, acyitsomalhca appáyvam valhaay. Mepqui sicvitay lhip sicsicjaclho inlhojo netin. Visqui ajac, jepasim coo naysicsa siclingaycamco acmasca — intomjac evalhoc coo.

JEREMÍAS 11:20

Lhip Visqui ingac apyimtalhnamo, aptomja singyicpilquemo appeyvomo. Lhip apyasamcoc actemaclha ingvalhoc nincoo. Apvanquic lhip jemyoc coo, apvanquic lhip jelhicmocsic aptemaclha apyanmongsayclha apquiltemaclha apancaoc selinmelhaycam.

JEREMÍAS 12:8

Enlhit ajancaoc siclho, apquilyitsomacpo yamacmeyva asoc navjac aclom. Inlovquic mataa naysicsa acpáyvam. Actanovqui coo quilhvo nac jay.

JEREMÍAS 17:10

Coo sicvisay Visqui sicyascamco actemaclha anco apquilvalhoc enlhit, najan alquitamsama apquilvalhoc enlhit. Oyanmongsiclhac sat mataa apquiltemaclha apancaoc enlhit, apquiltomja inlhojo apquilmapsomcaa. Ellhovamcoc sat acyanmongam enlhit apquiltamila.

JEREMÍAS 17:18

Ingyane sat elmancangvomoc apquiltomja selya'mascam, nongyane nasa omancangvomoc coo, elangvomoc sat maa. Itnesquis ayay apquilvalhoc maa, iyanmongsiclha apquiltemaclha apancaoc maa — nic nat intomjac apquilmalhnancama.

1 SAN PEDRO 2:23

Innec alhta acvinamcaa Cristo, am alhta eyca ingyatingmavoc. Aplingamcoc alhta acmasca, am alhta eyca elhenac yoyam eyanmongsiclha. Inlhenquic alhta eyca apvalhoc Dios aptomja appeyvomo, aptomja apquilyicpilquemo apquiltemaclha.

1 SAN PEDRO 4:19

Ninlingamcoc sat ancoc acmasca ayinyema apmayjayoclha Dios. Incaymalhquic mongilvatsamqueje ningyiplovquiscama asoc altamila. Incaymalhquic najan ongilmalhnesquisic Dios yoyam eltamilsic mataa ingilvalhoc nincoo. Ayinyemaclha Dios aptomja singilantipquiscama, nasoc anco yoyam jingmeyvoc.

EL APOCALIPSIS 18:20

Elitsovacsojo sat quellhip apnaycam netin apquilvita aptovasomap tingma. Elitsovacsojo sat quellhip Dios apquilyacyescama najan quellhip apóstoles apquilapajasomap najan quellhip profetas Dios apquillingascama. Ayinyemaclha apyanmongsaclhec Dios apquiltemaclha enlhitaoc as tingma, acno actemaclha aclhanma apquilvalhoc quellhip —alhta aptomjac ángel apyimtalhnamo.

EL APOCALIPSIS 2:23

Olnajapsic sat ayitquic as quilvana. Elyasingvomoc sat aplhamoclhojo Jesucristo apmolhama actemaclha sicmovan olyicpilcojo apquilvalhoc apancaoc. Oyanmongsiclhac sat apquiltemaclha moclhama quellhip.

EL APOCALIPSIS 6:10

Intomjac alhta alyimnatesa alpayvam apquiljangaoc: —Lhip Visqui aptamila apanco najan aptomja nasoc anco. ¿Jalhco sat acvam eyanmongsiclha lhip apquiltemaclha enlhitaoc apquileyvam nalhpop singilnapma alhta nincoo? —alhta inquiltomjac.

1 SAMUEL 1:15

Incatingmavoc nic nat Ana: —Jave. Paj coo anmin seyajem. Avanjec acmayovsa evalhoc coo, siltimnascama Dios.