JEREMÍAS 20:11 - Enhlit Bible

¹¹ Lhip Visqui ingac aptomja siclhalhma, najan semasma coo. Mejelmejec sat enlhit selya'mascam coo, eticyoc sat maa. Elmancangvomoc sat mepqui apquilyimnatem najan mepqui ayaco cotningvoyam nelha.

JEREMÍAS 20:11 Iomraidhean Croise

SALMOS 129:2

Avanjec alhta siclingaycamco acyimtalhnama, ayenmo sictemaclha eyitcoc. Am elmascoscacmoc mataa sictiyascam coo.

SALMOS 35:26

Ilane sat elmancangvomoc apquiltomja selasmescama naysicsa selaneyo. Avanjec sat acmancangvoyam apquilvalhoc apquiltomja apquilyimtalhnesomacpo apanco.

SALMOS 40:14

Ilane sat elmancangvomoc selinmelhaycam. Enatovasacpoc sat maa. Elinyajamcoc sat acyiplomo apquilmancactama apquiltomja selinmelhaycam.

SALMOS 47:2

Apyimtalhnamo apanco Dios Visqui ingac. Pac ongilavojo. Apvisqui apyimtalhnamo as nalhpop.

SALMOS 6:10

Elmancangvomoc sat cotnaja ingmoc ayinyema ayay apquilvalhoc. Pilapcasquic apquilvitacpo apquinyajaycaoc naysicsa apquilmancactama.

SALMOS 65:5

Lhip aptomja Visqui ingac singvomquiscama tap. Apjalhnoc lhip ningilmalhnancama. Ningvitac asoc simpilapquiscama ayinyema lhip. Apquilyilhanmeyquiclha apquiltomjac enlhitaoc lhalhma anco acvocmo nelha lhop (lhapop).

SALMOS 66:5

Elmiyama jilip. Elanojo aptomjaclha Dios Visqui ingac. Elanojo aptamjaycam simpilapquiscama nipyesicsa enlhitaoc.

ISAÍAS 41:10

Noela nasa quellhip. Coo sictomja sellhalhma. Noncotnajam nasa apquilvalhoc. Coo sictomja Dios Apvisqui apancaoc. Olyimnaticsojoc sat quellhip. Opasmoc sat mataa quellhip. Coo sat omamcoc emic actomja acyimnatem.

ISAÍAS 41:14

Noela nasa quellhip Jacob apquilmolhama. Apquitcoc apancaoc quellhip malha ascoc. Apcanito quellhip enlhitaoc Israel. Eycaso sicpayvam sicvisay Dios: —Opasmoc sat quellhip. Sicmasma quellhip sicvisay Sicyimtalhnamo.

ISAÍAS 45:16

Apnatovasacpec alhta aplhamoclhojo. Innec alhta alvinnamcaa apquiltomja apquilinmelhaycam. Enatovasacpoc aplhamoclhojo apquillanay quilaycmasquiscama acyitsomalhca dios.

JEREMÍAS 1:18

Otnesquisic lhip quilhvo nac jay, malha tingma apyimnatem apanco, malha poste ayimja allanomalhca tava apac, malha tingma apjalhtam allanomalhca bronce. Elngamcojoc sat lhip apquilinmelhaycam apquilmolhama Judá, najan apquilviscaa najan apquilyimtalhnamo, najan sacerdotes najan apyovoclhojo enlhitaoc.

JEREMÍAS 1:19

Ellhenic sat apquilimpocjay, yoyam elajic lhip. Apyimnatem sat etnejic lhip, ayinyema siclhalhma coo, yoyam omyoc lhip. Eycaso sicpayvam sicvisay Visqui Sicyimtalhnamo — alhta aptomjac — nic nat aptomjac profeta.

JEREMÍAS 1:8

Nongya nasa apquilinmelhaycam enlhitaoc, coo sictomja sicmasma lhip. Siclhanma lhac sicvisay lhip Apvisqui pac — alhta aptomjac Dios.

JEREMÍAS 15:15

Actomjac alhta siyanya coo: Visqui ingac, apyasamcoc lhip aclhamoclhojo asoc. ¡Jepasingvota coo! ¡Iyanmongsiclha sat apquiltemaclha selya'mascam coo! Jemyov coo, yoyam momatnejec coo, ayinyema lhip apvisay siclingascama coo.

JEREMÍAS 15:20

Otnesquisic sat lhip etnejic malha muro apjalhtam allanomalhca bronce tava apac napatavo enlhitaoc. Apquililtamjoc elajic lhip, colapvanquejec sat, lhip sat etnejic apyimnatem, ayinyema coo sicmasma lhip najan sicvomquiscama tap. Eycaso sicpayvam sicvisay Visqui apancaoc.

JEREMÍAS 17:18

Ingyane sat elmancangvomoc apquiltomja selya'mascam, nongyane nasa omancangvomoc coo, elangvomoc sat maa. Itnesquis ayay apquilvalhoc maa, iyanmongsiclha apquiltemaclha apancaoc maa — nic nat intomjac apquilmalhnancama.

JEREMÍAS 22:22

Elmacpoc sat apquilyimtalhnamo, enalacpoc sat apnaymacoc apquilpasmom siclhoc. Malha alhcajayam ayimposcay sat cotnejic apquilvonquepma. Elmancangvomoc sat quellhip, ayinyema apquiltemaclha apancaoc apquilmapsomcaa quellhip.

JEREMÍAS 23:40

Ellingamcojoc sat quellhip macvenéycam najan apquilmancactama cotmongvoycamlha nelha — alhta aptomjac Visqui ingac.

JEREMÍAS 32:18

Lhip aptomja apcasicjayo enlhitaoc najan aptovana cotmongvoycamlha nelha. Najan aptomja apyanmongsayclha apquiltemaclha apancaoc enlhit ayinyema apquiltemaclha apquilyapmayc. Lhip Dios Visqui ingac apyimtalhnamo, acmovan innac lhip apvisay.

DANIEL 12:2

Enalhaticjangvomoc sat apquilmasquingvaycmo nano, apquilatoynamap malhic. Elmiyovacpoc sat napocja, colhic sat acyimnatem apnenyaoc cotmongvoycamlha nelha. Elyinyovacpoc sat poc, elmancangvomoc sat, ellingamcojoc sat acyimtalhnama cotmongvoycamlha nelha.

ROMANOS 8:31

¿Jalhco sat ongiltimjic nincoo? Aptomjac sat ancoc Dios singmasma nincoo, copvanquejec lhama enlhit jingilinmelham nincoo.

2 TIMOTEO 4:17

Epasmec alhta Visqui ingac, aptomja alhta seyimnatescama. Acsovjoquic siltimnascama tasic amyaa yoyam ellinga aplhamoclhojo enlhitaoc lhalhma anco. Evomcasquic tap Visqui ingac apnamcaclha cotnaja ingmoc, malha asoc navjac aclom setaclhama.