Biblia Todo Logo
Bìoball air-loidhne

- Sanasan -




JEREMÍAS 2:32 - Enhlit Bible

32 ¿Avanqui ya quilvana colvoncamoc alnatanma? Najan quilvana acponquinomalhca, ¿avanqui ya colvoncamoc alnatanma alantalhnama apquiltamila? Naso, apquiltemaclha enlhit ajancaoc selvoncayam aclhamoclhojo años — alhta aptomjac.

Faic an caibideil Dèan lethbhreac




JEREMÍAS 2:32
24 Iomraidhean Croise  

Inpenasquic nic nat acyinaycaoc yingmin apnatoscama. Yejemoc nic nat aplica oro asoc alyinmom. Seis gramos nic nat invocmoc lhama asoc alyinmom. Apyipitcasquic nic nat avajic quilvana ayitcoc. Cien gramos nic nat invocmoc anit asoc alyinmom ningatquiscama ingmic. Apmasquic nic nat quilvana ayitcoc.


Pilapcasquic nic nat apvita asoc alyinmom avajic apyalho. Najan asoc alyinmom alatquiscama ameoc. Aplingac nic nat altimnaycam apyalho actemaclha aplhanma maycaa. Apyocmec nic nat maycaa Labán. Apnam nic nat mocjam nicja yamilquit najan apnatoscama.


Apliquic nic nat mocjam plata najan oro asoc alyinmom najan apava. Apmasquic nic nat quilvana ayitcoc Rebeca. Apquilmasquic nic nat moc asoc quilvana inyalhing najan inquin.


Colyapcalhaoc quelhiya quilvanaa co Israel, ayinyema apmatnam Saúl. Allhoy alhta mataa quellhiya apava apyilhvasem najan aptamila. Allhoy alhta mataa quellhiya alnatanma oro asoc alyinmom.


Inquilvoncacmec nic nat Dios apquilvomquiscama tap. Apmopvan aptamjaycam nic nat yoclhilhma Egipto.


Elpalhacsacpoc sat alyascamaclha ingjangaoc enlhit apquilmapsomcaa. Najan maa enlhitaoc apquilyamasma Dios.


Quellhip israelitas, inquilvoncacmec quellhip Dios singvomquiscama tap najan singmasma. Apquilquinaclhec quellhip amyip ayitcoc altamila, apquilquinayclha plantas payjoc acyitnamaclha quilaycmasquiscama acyitsomalhca dios.


Apquiltimec quellhip apquilayo quilaycmasquiscama. ¿Co laa ayinyema quilaycmasquiscama? ¿So actomja yi selinyova nac coo? Acvanmaquic alhta inyicje naysicsa mepqui selayo quellhip.


Avanjec acpayjayclha evalhoc ayinyema Dios Apyimtalhnamo. Malha apava ningalomalhca actomja singvomquiscama tap najan singmasmaclha. Sictomja malha sicponquinomalhca acyiplomo silnatanma eyitsicsic. Sicyitsomalhca quilvana acponquinomalhca acyiplomo alnatanma alyinmom.,


Apquiltemaclha apancaoc mepqui selyajayquiclho as enlhitaoc, apquilyiplovquisa aclhanmaclha apquilvalhoc. Apquiltomja apquilayo quilaycmasquiscama acyitsomalhca dios. Apquilno as enlhitaoc cinturón ápac mepqui acmomalhca mocjam.


Eycaso ayinyema coo, sicyanmongsayclha apquiltemaclha apancaoc israelitas. Quellhip alhta selyamasma coo, apquiltingyey quilaycmasquiscama yoyam eltimjic apquilayo.


Elyinyovquic coo enlhit ajancaoc, alvancacmo sicvisay. Apquiltomjac mataa apquilayo quilaycmasquiscama acmasom. Apquilinlhanacmec mataa apquilvajaneycaoc apquiltemaclha nano, malha amay nano. Apquilyiplaclhec mataa melyicpilquemo amay ayitcoc.


¿Naso ya apquilyamasma quilaycmasquiscama enlhitaoc, yoyam elmoc najan eltimjic apquilayo moc quilaycmasquiscama? ¡Mepqui acmovan as quilaycmasquiscama! Coo alhta selayo apquilmolhama Israel, apquiltomja selyamasma coo. Apquiltingyac mataa quilaycmasquiscama mepqui acmovan.


Aptomjac alhta mocjam Visqui ingac: Apquilyasamcoc quellhip nintingyey apquilasicjamap najan alasicjamalhca. ¡Avanjec apquilyascamco quellhip asoc acmasom, malha maestro congne escuela acmasom!


Apquillhenquic mataa acvitay apquilvanmoncama nipyesicsa apnaymacoc, yoyam colvoncamoc sicvisay nipyesicsa enlhitaoc, acno alvoncayam apquilyeyjamcaa, apquiltomja apquilayo quilaycmasquiscama Baal.


Inlingalhquic apquiliclhangveycam netin inquilhe. Apquilyapcalhquic israelitas, apquililmalhnamcaa Visqui ingac yoyam epasingvota. Apquilyinyovquic alhta amay acpeyvomo, alvoncaycmo sicvisay Dios Visqui apancaoc.


Yitnec apquilnapma poc acyanmongam solyayem. Yitnec apquilmaycaoc solyayem acyamongvoyam tap acvisay interés. Am elmiyavac mataa apnaymacoc, apquiltemaclha selvoncayam coo. Eycaso sicpayvam sicvisay Visqui apancaoc — alhta aptomjac.


Apquillanac tingma apquilyivey enlhitaoc Israel. Am colhenac apquilvalhoc Dios apquilantipquiscama aclhamoclhojo asoc. Apquillanac tingma apquilyimnatem apquilmolhama Judá. Coo sat olvitic talha, elmetic sat tingma. Elsovjacpoc sat apquilmeta tingma — alhta aptomja Dios Apyimtalhnamo.


Apnamilay apanco nat israelitas (Jesurún), apquilyamasma nat Dios, aptomja apquilantipquiscama. Apquilvennam nat apquilmasma najan apquilvomquiscama tap.


Coo sicvisay Juan. Acvitac alhta tingma Jerusalén aptomja aptamila apanco najan apjalhnancoc. Apvayventamo alhta as tingma apquinyema netin apmaclha Dios. Macpenescamo alhta as tingma, malha quilvana acponquinomalhca acpenescamo actalhnama, actomja aljalhanma acponcanma yoyam colyimjapoc.


Inquilvoncacmec nic nat Dios apquilvomquiscama tap nipyesicsa cotnaja ingmoc lhalhma anco.


Lean sinn:

Sanasan


Sanasan