JEREMÍAS 2:30 - Enhlit Bible

³⁰ Alhtoc alhta sicyanmongsayclha apquiltemaclha quellhip mepqui apquilyasingvoyam. Apquilnapquic alhta quellhip profetas, acno yamacmeyva alnapma.

JEREMÍAS 2:30 Iomraidhean Croise

1 REYES 19:10

Apcatingmavoc nic nat Elías: —Lhip Dios Apyimtalhnamo. Avanjec alhta sicvascapma sicmasma lhip apvisay. Apquilyinyovquic enlhitaoc Israel pacto asoc monquinatquiscama apmayjayoclha lhip. Apquiltovasquic alhta apquilvatnamaclha actemaclha ningilpayescamoclha lhip. Apmatnec alhta mataa profetas apquillingascama lhip apvisay. Acvocmec coo tap elhapco. Apquiltamjoc mataa jelajic coo lha — nic nat aptomjac Elías.

1 REYES 19:14

Apcatingmavoc nic nat Elías: —Lhip Dios, Visqui Apyimtalhnamo. Avanjec alhta sicvascapma sicmasma lhip apvisay. Apquilyinyovquic enlhitaoc Israel pacto asoc monquinatquiscama apmayjayoclha lhip. Apquiltovasquic alhta apquilvatnamaclha actemaclha ningilpayescamoclha lhip. Apmatnec alhta mataa profetas apquillingascama lhip apvisay. Acvocmec coo tap elhapco. Apquiltamjoc mataa jelajic coo — nic nat aptomjac Elías.

2 CRÓNICAS 24:21

Apquilpasmeclhec nic nat napocja apquiltomja apquilinmelhaycam, apquilyicna mataymong, ayinyema apcanama apvisqui. Apmatnec nic nat Zacarías payjoc napocja tingma apponquinomap.

2 CRÓNICAS 28:22

Inlingamcoc nic nat acyajapmo apvalhoc Acaz. Am nic nat elyiplovcasac apcanamaclha Dios. ¡Eycaso ilhnic nat aptemaclha apanco apvisqui Acaz!

2 CRÓNICAS 36:16

Apquilasmesacpec nic nat soycam amyaa Dios apquillingascama. Invennalhquic nic nat appayvam ayinyema Dios, apquilasmesacpo profetas Dios apquillingascama. Aplovquic nic nat Dios Visqui ingac apvita apquiltemaclha apancaoc, aclhanma ilhnic nat apvalhoc melmiyovejec sat mataa enlhitaoc.

NEHEMÍAS 9:26

Am nic nat elilyajaclhoc lhip appayvam, apquiltomja apquilinmelhaycam, apquilvennam nic nat singanamaclha ayinyema lhip. Apquilnapquic nic nat profetas apquillingascama lhip appayvam, yoyam elyanmongsic moc apquilvalhoc. Apquilvennam nic nat lhip, ayinyema apquiltemaclha apancaoc apquilsilhnanomap apanco.

ISAÍAS 1:5

¿Jalhco sat actema oyanmongsiclha apquiltemaclha quellhip? Selinmelhaycam apquiltomja mocjam quellhip. Acmasca intomjac apquilvalhoc quellhip najan acmasca apcatcoc.

ISAÍAS 59:3

Inquilpaysacmec apmeoc quellhip ema najan apopeoc alpaysacmo apquiltemaclha acmasom. Intipquic apatong quellhip apquilmopvan amyaa najan acmasom apquilpayvam apquilvalhoc quellhip.

ISAÍAS 9:13

Am alhta elyanmoncasac apquilvalhoc enlhitaoc Israel apquillingaycamco acyanmongayclha. Am alhta colhenac apquilvalhoc Dios Visqui apyimtalhnamo.

JEREMÍAS 31:18

Aptomjac mocjam Visqui ingac: Aclingac coo apquilpayvam najan apquiliclhangveycam co Efraín: Ingilpilhquetamquic alhta lhip, ayinyema nintemaclha vayqui acmaymenta. Lhip alhta singiltamescama, jingiltajicsojo sat mocjam ongilyamoc apnaclha lhip Dios Visqui ingac.

JEREMÍAS 46:14

Ellingas sat amyaa yoclhilhma Egipto, payjoc tingma Migdol, najan Menfis najan Tanes: ¡Elpenacsojo quellhip, yoyam elnapacpoc! ¡Apticyovquic alhta enlhit nipyava quellhip!

JEREMÍAS 5:3

Aptomjac mocjam profeta: Lhip Visqui ingac, aptingyac mataa lhip mepqui ayajamalhco ingvalhoc. Apyanmongsaclhec alhta lhip apquiltemaclha apancaoc as enlhit. Am alhta cascoc maa. Apnatovasquic alhta lhip as enlhit, am alhta elyasingvocmoc. Acyeyjamelhma nac maa, cayjec apquilvalhoc acno mataymong, am alhta elpaycacmoc mocjam elyotac apnaclha lhip.

JEREMÍAS 7:28

Iltimnas sat amyaa: Mepqui apquilyajayquiclho quellhip Dios Apyimtalhnamo, mepqui mocjam apquiltamilcasomacpo apanco — alhta aptomjac Dios.

LAMENTACIÓNES 4:13

Ayinyema alhta apquilsilhnanomap apanco profetas najan sacerdotes. Apquilanyacpec alhta eticyoc enlhit mepqui apquilsilhnanomap apanco.

EZEQUIEL 22:24

Lhip enlhit, ilngas sat lhip sicpayvam nipyesicsa israelitas: Apquiltanovacpec quellhip najato, am ongvapajasac mataa yingmin acmamay.

EZEQUIEL 24:13

Aptomjac alhta mocjam: Quellhip co Jerusalén, altamjo inyicje otnesquisic quellhip mepqui apquilsilhnanomap, malha siyalhnascama vaynca, am alhta ovanac coo. Ellingamcojoc sat quellhip sicyanmongsayclha apquiltemaclha apancaoc, ayinyema acyivey siclom.

DANIEL 9:13

Yitnec aclhanma vaycajac singanamaclha Moisés, actemaclha alhta ninlingaycamco acyanmongayclha nintemaclha inganco. Lhip Dios, am alhta ontingyac mataa lhip appayvam. Am alhta ongilvatsamcoc mataa nintemaclha acmasom, am alhta ongyiplovcasac mataa lhip appayvam actomja nasoc anco.

SOFONÍAS 3:2

Am alhta eljalhnoc Dios appayvam, am alhta ellaniclhac mataa apquilvalhoc, apquilyascacmec mataa Dios Visqui ingac.

SAN MATEO 23:29

‘¡Quellhip layi, fariseos najan apquilyascamco apquiltemaclha! ¡Apquilaycmascam nac quellhip! Apquilanesqui inyicje quellhip altamila tacjalhpopayc apquilatongnomacpilha profetas najan enlhit apquilpeyvomo apquilmasquingvaycmo nano.

LOS HECHOS 7:52

¿Soc nic nat profeta Dios aplingascama metaya macyamascam? Apquilnapmec nic nat apquilyeyjamcaa. Apticyovquic nic nat najan profetas Dios apquillingascama. Apquillhanma ilhnic nat, yoyam eva Visqui Appeyvomo. Quellhip alhta apquiltanoncama najan apquilajem as Visqui Appeyvomo.

1 TESALONICENSES 2:15

Apmatnec alhta Visqui ingac Jesús, judíos alhta apquilajem. Apticyovquic nic nat najan apnaymacoc profetas, judíos nic nat apquilajem. Ingilminlhinquic alhta nincoo lha judíos. Am colcac apvalhoc Dios apquiltemaclha judíos. Am colcac apquilvalhoc aplhamoclhojo enlhitaoc apquiltemaclha judíos.

EL APOCALIPSIS 16:9

Apquillingamcoc alhta acmelhanma acnim as enlhitaoc. Am alhta eyca elyanmoncasac apquilvalhoc. Am alhta eltomjac apquilayo Dios. Apquiltimescasquic alhta apmapsom Dios ayinyema apmopvan elasquisic apyimpeoc enlhitaoc.