JEREMÍAS 2:25 - Enhlit Bible

²⁵ ¡Quellhip israelitas! ¡Mepqui tiyayipeoc apquileyvam quellhip, cascoc sat apmancaoc, coymac sat apyispaoc quellhip! Inquiltomjac apquilvalhoc quellhip: Paj, jave nincoo. Ongilyiplovcasojoc sat asoc apancaoc metnaja israelitas — intomjac apquilvalhoc — alhta aptomjac Visqui ingac.

JEREMÍAS 2:25 Iomraidhean Croise

2 CRÓNICAS 28:22

Inlingamcoc nic nat acyajapmo apvalhoc Acaz. Am nic nat elyiplovcasac apcanamaclha Dios. ¡Eycaso ilhnic nat aptemaclha apanco apvisqui Acaz!

2 CRÓNICAS 28:23

Aptingyascasquic nic nat asoc macmescama quilaycmasquiscama dioses apancaoc co Damasco, ayinyemayaclha apquilinmelhamap. Yitnec nic nat aclhanma apvalhoc Acaz: Inquilpasingvocmec alhta as quilaycmasquiscama, etnejic apyimnatem apvisqui co Asiria. Jelpasingvotac sat coo lha, alvita inlhojo sicmescama asoc macmescama quilaycmasquiscama — nic nat intomjac apvalhoc Acaz. Am nic nat colpasingvotac quilaycmasquiscama. Apquillingamcoc, nic nat acyimtalhnama apyovoclhojo enlhitaoc Israel.

ISAÍAS 2:6

Visqui ingac, lhip alhta apyamasma enlhitaoc Jacob aptovana. Apquilpalhavocmec alhta metnaja israelitas aplhamoclhojo, apquilaney poc apquilinyema actiyapmaclha acnim, najan apquilyascamco apquilyojolhma co Filistea, najan poc metnaja israelitas.

ISAÍAS 57:10

Apquilyampavo inyicje quellhip apquillhingam, am eyca elyicpilcac actemaclha. Apquilvascapqui inyicje quellhip, meltimjic sat apquilyampay.

JEREMÍAS 13:21

Apquillhenacpec co Jerusalén: ¿Jalhco sat eltimjic quellhip, apquilvita inlhojo cotnaja ingmoc apquilviscaa, elanic sat nipyesicsa quellhip? Ellingamcojoc sat acmasca quellhip, acno quilvana naysicsa actimquiscama ayitca.

JEREMÍAS 13:22

Eltimjic sat elanic quellhip: ¿So actomja yi sintimesquisa nac aso? — sat eltimjic. Eycaso ayinyema quellhip apquiltemaclha melyascalhma. Elmancangvomoc sat quellhip, acno quilvana ayalhnayo acminsovmalhca nipyesicsa cotnaja ingmoc.

JEREMÍAS 14:10

Aptomjac alhta Visqui ingac apquilanyacpo israelitas: Apquilaycmascam as enlhitaoc acma anit apquilvalhoc. Am colcac evalhoc apquiltemaclha apancaoc. Mongvasicjiclhejec sat mocjam, pac oyanmongsiclhac sat apquiltemaclha apancaoc — alhta aptomjac Visqui ingac.

JEREMÍAS 18:12

Elatingmojoc sat enlhitaoc, apquillinga inlhojo lhip appayvam: ¡Vamlha itne! Intasi nac nintemaclha inganco acyisponcama ingvalhoc. Ongyiplovcasojoc sat mataa alquitamsama ingvalhoc inganco — eltimjic sat elatingmojo — alhta aptomjac Dios Apyimtalhnamo.

JEREMÍAS 2:31

Aptomjac alhta mocjam: Quellhip israelitas, elaylhojo sicpayvam. ¿Naso ya sicyitsomalhca yoclhilhma actamopeycaoc, melvitay mataa acnim naysicsa apquileyvam? Yitnec apquilpayvam quellhip: Mongiltomja ningmomalhca, montingyejec sat mataa lhip — apquiltomjac quellhip.

JEREMÍAS 22:20

Aptomjac alhta Visqui ingac: ¡Quellhip co Judá, elquinatvoclha netin inquilhe Líbano yoyam elilpalhamam! ¡Elyimnaticsojo apquilpayvam inquilhe Basán! ¡Elilpalhamam payjoc inquilhe Abarim! ¡Apticyovquic apnaymacoc apquilpasmom siclho!

JEREMÍAS 22:21

¡Altimnasquic alhta inyicje, am alhta jelilyajaclhoc quellhip, acno apquiltemaclha apancaoc quellhip nano apquilvaneycamlha, mepqui selyajayquiclho coo!

JEREMÍAS 3:13

Ellhen sat quellhip apquiltemaclha apancaoc apquilsilhnanomap. Quellhip alhta selyamasma coo sicvisay Dios Visqui apancaoc. Apquiltingyac alhta quellhip quilaycmasquiscama acyitsomalhca dios lhalhma anco najan coning yamit mayayoclha. Am alhta eljalhnoc quellhip sicpayvam — alhta aptomjac Visqui ingac, yoyam olngacsic coo.

JEREMÍAS 44:17

Ongilinlhanmojoc sat ningilayo quilaycmasquiscama, najan macmescama asoc acmasis najan uva ayingmenic, macmescama quilaycmasquiscama acvisay Avisqui Netin, acno nintemaclha mataa, acno apquiltemaclha nic nat ningilyeyjamcaa, acno apquiltemaclha alhta apquilviscaa tingma Jerusalén najan poc tingma co Judá. Ningvitac alhta mataa cotlaycaoc nintom, mepqui ayaymomalhca asoc, mepqui ninlingaycamco acyimtalhnama.

LAMENTACIÓNES 1:2

Avanjec mataa acvinama najan aliclhangveycam acyovoclhojo alhtaa. Paj lhama enlhit, yoyam etamilquiscomoc avalhoc, apquilvatsamquic alhta apquilasicjayo. Apquilyamasmec anaymacoc apquiltomjayclho apquilinmelhaycam quilhvo nac jay.

LAMENTACIÓNES 4:4

Avanjec allingaycamco sicaa, ayinyema acnim alnapma, alyamay anco avalhaoc sicaa. Inquililjalhnec colhic acmesa nintom, paj colvitac mataa actoycaoc.

EZEQUIEL 20:32

Aptomjac alhta mocjam: Inlhenquic apquilvalhoc quellhip elhnasojoc sat apquiltemaclha enlhit vecinos, acnaycaoc quilaycmasquiscama allanomalhca mataymong najan yamit, eltimjic apquilayo. Acmiyovquic coo, colapvanquejec quellhip.

OSEAS 2:3

Am sat ancoc caylhojoc, evanquic opquiniclha ayalhnaclhojo quilvana, colhojoc sat ayalhnayo actiyaycamlha siclho. Otniclhac sat yoclhilhma actamopeycaoc acyamayolhma lhopactic, mepqui yingmin. Cotsapoc sat ayinyema acnim ayajem.

OSEAS 2:5

Inquin acvisay alanatama, mepqui ayayo. Intomjac avalhoc inquin: Otingyac sat mocjam apquilanatama, selaycaoc mataa nintom najan yingmin, najan nipquesic apva, najan ajac tamamá, najan olivo ayingmenic, najan actemaclha ningyam — intomjac avalhoc.

MALAQUÍAS 3:14

Eycaso apquilpayvam: Ingilastinquic nincoo ningiltimesaycam Dios. Ingilastinquic nincoo ningyiplovquiscama singanamaclha Dios. Ningilanyalhquic mataa ongilantalhniclha apava acmayovsa ingvalhoc napato Dios Apyimtalhnamo.

SAN LUCAS 15:22

Aptomjac nic nat apyap apquilanya apquilancam: “Inyimpojo, elvoclhes apquiltamila apquilantalhnama. Eltalhnasiclha sictamongvoyam. Ingyatquisquis sat najan apcatquiscama apopejic. Elnatejitsiclha sat apmancoc tiyayipeoc.

SAN LUCAS 16:24

Apquilpalhamam nic nat ningilnatam inyap: “Ingyapam Abraham, ¿Ya ingyayovsic selano? Ingyapajas sat Lázaro. Ingyane sat ingyitsic apopejic yingmin emalhatesic sat ajalhcoc. Eyovsec coo acmasca naysicsa alayvom talha” —nic nat aptomjac.

ROMANOS 8:24

Ningilvomsalhquic nincoo tap ayinyema aljalhneycam ingvalhoc. Cotnaja aljalhneycam ingvalhoc asoc ningvitay quilhvo nac jay. Ningvitac sat ancoc asoc, mongvanquejec ongilaylhic mocjam.

DEUTERONOMIO 28:48

Eltimjic sat quellhip apquilmomap, yoyam eltimesam nipyesicsa cotnaja ingmoc, ayinyema Dios. Ellingamcojoc sat quellhip mepqui nintom, mepqui yingmin ningyam, najan mepqui apava apquilantalhnama, najan mepqui asoc ayaymomalhca. Eyimtalhnecsic sat Dios (eyangviscomoc sat) apquillingaycamco acyimtalhnama quellhip apquilmomap, elsovjacpoc sat apquilitsepma quellhip.

DEUTERONOMIO 32:16

Apquiltingyac nat quilaycmasquiscama, eltimjic apquilayo, apquilinmelham nat Dios, yoyam etanovac sat najan elvoc sat.