JEREMÍAS 19:8 - Enhlit Bible

⁸ Cotniclhac sat yoclhilhma actamopeycaoc as tingma. Cotyamoc sat apquilvalhoc apquilvita inlhojo enlhit. Cotlapsic sat apquilyeycajay, apquilvita tingma aptovasomap.

JEREMÍAS 19:8 Iomraidhean Croise

1 REYES 9:8

Mayicjescama mataymong sat etnejic as tingma. Cotlapsic sat elvita enlhitaoc, elasmacsic sat. Eltimjic sat elpametam: ¿Soc laa actomja Dios aptovasa nac tingma najan yoclhilhma? — sat eltimjic maa.

JEREMÍAS 18:16

Intomjaclhec yoclhilhma actamopeycaoc apquileyvomaclha alhta. Intiyacmec mataa apquilvalhoc enlhitaoc apquilyeycajay, apquilvita inlhojo, apquilyeyesa apcatic.

JEREMÍAS 25:18

Acmesquic alhta siclho elyinamcoc co Jerusalén najan tingma apquilvanyam co Judá, najan maa apquilviscaa najan apquilyimtalhnamo, yoyam enatovasacpoc, acno aclhanmaclha as ningvamlha nac jay, apquillhenacpo apquiltemaclha nano.

JEREMÍAS 49:13

Inlhenquic evalhoc sicvisay Visqui: Otvacsic sat tingma Bosra yoyam etamopamcoc (eyinyovacpoc). Ingyasmesacpoc sat, evenacpoc sat maa, apquilno poc tingma apquilvanyam enatovasacpoc sat maa — alhta aptomjac Visqui ingac.

JEREMÍAS 50:13

Ayinyema coo siclom sicnatovascama enlhitaoc, cotniclhac sat yoclhilhma actamopeycaoc mepqui enlhit. Cotlapsic sat enlhit apquilyeycajay, apquilvita inlhojo acyanmongayclha apquiltemaclha apancaoc — alhta aptomjac Visqui ingac.

EZEQUIEL 27:36

Intiyacmec apquilvalhoc apquilvita enlhit moc yoclhilhma. Apquiltomjaclhec quellhip apquilmasquingvoyam, yoyam elavojoc sat enlhitaoc. Inmasquec apquileyvam quellhip cotningvoyam nelha — alhta aptomjac.

LEVÍTICO 26:32

Otvacsic sat yoclhilhma apquileyvomaclha quellhip. Cotlapsic sat cotnaja ingmoc, apquilvita mactovascama yoclhilhma naysicsa quimpocjacme.

MIQUEAS 6:16

Apquilyiplovcasquic quellhip apquiltemaclha apcanamaclha apvisqui Omri najan apvisqui Acab najan apquilmolhama. Apquilvajanamquic quellhip apquiltemaclha apancaoc. Elvenacpoc sat quellhip, elasmesacpoc sat quellhip apnaycam tingma apvanyam. Elingamcojoc sat quellhip apquilmanquescama enlhitaoc ajanco — alhta aptomjac Dios — nic nat aptomjac profeta.

SOFONÍAS 2:15

Apquiltemaclha apancaoc apquilyimtalhnesomacpo apanco as tingma. Apquillhenacpec mataa apanco apquilyimnatem, mellingamquejec sat acyimtalhnama. ¡Nasoc anco, actomjayclho yoclhilhma actamopeycaoc, acyinatamaclha asoc navjac! Apquilvitac enlhit apquilyeycajay, apquilasmasquic maa, apquilvennam apquilvita — nic nat aptomjac profeta.

DEUTERONOMIO 28:37

Elasmesacpoc sat quellhip, elvennacpoc sat maa, cotipsalhcac sat apquilvisay quellhip as yoclhilhma apquilmomacpilha quellhip.

DEUTERONOMIO 29:22

Elvitac sat quellhip aptovana apquileyvam nanoc sat, najan metnaja israelitas apquileyvam moc yoclhilhma, actemaclha ningmasquem najan acmasca apyimpeoc enlhit, yoyam ingyapajacsic sat as nalhpop Dios Apyimtalhnamo.