JEREMÍAS 18:8 - Enhlit Bible

⁸ Acvitac sat ancoc apquilyanmonquiscama moc apquilvalhoc enlhitaoc apquilmapsomcaa, moyanmongsiclhejec sat apquiltemaclha apancaoc, siclhanma alhta siclho.

JEREMÍAS 18:8 Iomraidhean Croise

2 CRÓNICAS 12:6

Inmancaquic nic nat apquilvalhoc apquilviscaa apquillinga, apquiltomja apquilatingmavo: —¡Payjoc aplhanma Dios Visqui ingac! — nic nat apquiltomjac.

SALMOS 106:45

Inyitnam nic nat apatic Dios, aplhanma ilhnic nat mepqui apyeycajascaoc. Ayovsec nic nat apvalhoc apquilano, ayinyema acyivey apcasicjayo Dios.

SALMOS 135:14

Visqui ingac etnejic sat apyicpilquemo apnaymacoc (apquilpeyvescasquiclha). Visqui ingac etnejic sat apcamliyam nipyesicsa apquilancam.

SALMOS 90:13

Visqui ingac, ivota sat ningnaclha. Vamlha itne aplom. Ingyapyovsojo sat elanojo lhip apquilancam.

ÉXODO 32:12

Colngalhcac sat amyaa nipyesicsa co Egipto: —Aptemaclha apanco Dios enaliclha as enlhitaoc yoclhilhma actamopeycaoc. Esavojoc sat emascoscomoc as enlhitaoc — sat cotnejic amyaa. Lhip Visqui Dios, noyanmongsiclha nasa lhip apquiltemaclha as enlhitaoc. Ilasicjiclhojo sat mocjam, melmasquingvomejec sat enlhitaoc.

ÉXODO 32:14

Apquilvatasquic nic nat Dios elyanmongsiclha apquiltemaclha enlhitaoc. Apquilasicjaclhec nic nat mocjam.

JEREMÍAS 12:16

Naso, apquiltemaclha alhta siclho apquillhicmoscama nipyesicsa co Juda, yoyam eltimjic apquilayo quilaycmasquiscama Baal. Elpalhavomoc sat mocjam nipyesicsa co Juda, apquiltomja inlhojo apquilayo Dios, ellhenic sat apvisay Dios naysicsa apquillhanma mepqui apquilyeycajascaoc: Nasoc anco napato Dios — sat eltimjic.

JEREMÍAS 15:6

Quellhip apquiltomja selyamasma coo, malha apquilpaycomap sicnaclha coo. Eycaso sicpayvam sicvisay Visqui apancaoc. Alvatasquic coo sictemaclha siyasicjayquiclho mocjam, yiplovcoc sicmiyasayclha netin emic, olnapoc sat quellhip, onatovacsic apyovoclhojo quellhip.

JEREMÍAS 26:13

Ellaniclha quellhip apquiltemaclha apancaoc, elyiplovcasojo actemaclha apcanamaclha Dios Apyimtalhnamo. Meyanmongsiclhejec sat apquiltemaclha apancaoc Dios Apyimtalhnamo siclingascama lhac, yoyam covac sat.

JEREMÍAS 26:19

¿Apmatne ya alhta profeta Miqueas napato apvisqui Ezequías najan apquilmolhama Judá apquiltomja apquillhalhmaa? Jave. Apcacac alhta apvisqui napato Dios Apyimtalhnamo, apquiltamjo inlhojo ingyasicjiclhojo mocjam. Am alhta eyanmongsiclhac Dios Apyimtalhnamo apquiltemaclha apancaoc aplhanma siclho, yoyam etnejic. ¿Nincoo ya ongilsilhnanalhcojo inganco napato Dios, ongajic as enlhit? — nic nat apquiltomjac apquilvanyam.

JEREMÍAS 26:3

Nasoc lhaja elyiplovcasojoc sat siyanamaclha, elvatsamcoc sat apquiltemaclha apancaoc acmasom. Moyanmongsiclhejec sat apquiltemaclha apancaoc, acno aclhanma evalhoc siclhoc alhta.

JEREMÍAS 36:3

Altamjo inyicje elyanmongsic moc apquilvalhoc apquilmolhama Judá, apquillinga inlhojo acyimtalhnama, yoyam ongvapajacsic nipyesicsa. Elvatsamcoc sat apquiltemaclha apancaoc acmasom, ongvasicjiclhojoc sat mocjam, omascocsic sat apquilsilhnanomap apanco — alhta aptomjac Dios — nic nat aptomjac Jeremías.

JEREMÍAS 42:10

Apquililtamjoc sat ancoc quellhip elhnam as yoclhilhma, olmeyvoc sat quellhip. Colhojoc sat siyinayclha ninganma, najan mepqui siyaptama ayimjaclha ninganma. Asquejec evalhoc sicvita quellhip apquillingaycamco acyimtalhnama.

EZEQUIEL 18:21

Aptomjac alhta mocjam: Apyanmoncasquic sat ancoc moc apvalhoc enlhit apmapsom, apquilvatesa aptemaclha apanco. Apyiplovcasquic sat ancoc siyanamaclha najan siyascamaclha najan nintemaclha acpeyvomo, nasoc anco emyovacpoc, mematnejec sat maa.

EZEQUIEL 33:11

Coo sicvisay Dios, nasoc co sicpayvam. Am oltamjoc, yoyam ematong enlhit apmapsom. Yitnec sat ancoc apyanmonquiscama moc apvalhoc, emyovacpoc sat. ¡Quellhip co Israel, elyanmonquis moc apquilvalhoc quellhip! ¡Elvatsaoc apquiltemaclha apancaoc quellhip! ¿Apquililtamjo ya elmasquingvomoc quellhip? — alhta aptomjac.

EZEQUIEL 33:12

Lhip enlhit, iltimnas sat lhip apnaymacoc: Apsilhnanacpec sat ancoc apanco enlhit appeyvomo, memyovacpejec sat ayinyema aptemaclha siclho appeyvomo. Apquilvatasquic sat ancoc enlhit aptemaclha apanco apmapsom, mengyitsepejec sat ayinyema aptemaclha siclho apmapsom. Apsilhnanacpec sat ancoc enlhit appeyvomo, memyovacpejec sat, ayinyema aptemaclha siclho appeyvomo.

EZEQUIEL 33:13

Altimnasquic sat ancoc enlhit appeyvomo: Emyovacpoc sat lhip. Apsilhnanacpec sat ancoc apanco mocjam, colhenalhquejec sat mocjam aptemaclha siclho appeyvomo. Emasquingvomoc sat ayinyema aptemaclha apmapsom.

EZEQUIEL 33:14

Altimnasquic sat ancoc enlhit apmapsom: Emasquingvomoc sat lhip. Apquilvatasquic sat ancoc aptemaclha apanco apmapsom, eyiplovcasojoc sat nintemaclha acpeyvomo.

OSEAS 11:8

¿Evanqui ya otlhaoc quellhip co Efraín? ¿Evanqui ya otamopamcoc quellhip co Israel? ¿Evanqui ya onatovacsic quellhip, acno alhta tingma Adma najan tingma Zeboím? Avanjec alipvoyam evalhoc coo, ayinyema silasicjayo quellhip.

AMÓS 5:15

¡Eltanov sat nintemaclha acmasom! ¡Elyiplovcasojo nintemaclha actamila! Elpeyvescasiclha mataa amyaa cotnejic nasoc anco. Ilasicjiclhojo sat mocjam Dios Apyimtalhnamo apquilaymomap mepqui apticyovam enlhitaoc Israel — alhta aptomjac Dios Apyimtalhnamo.

JONÁS 4:2

Aptomjac nic nat Jonás apcanya Dios, apquilmalhna: —Lhip Dios Apyimtalhnamo, ingyeylhojo sicpayvam. Eycaso siclhanma siclhoc alhta siyinyemayaclha coo. Inlhenquic alhta evalhoc ongvinyejic sat tingma Tarsis. Acyasamcoc coo, lhip aptemaclha apcasicjayquiclho mocjam, aptemaclha apquimlaycmo, aptemaclha acmasilhte aplom pac. Aptemaclha lhip appayquimquiscama apvalhoc, acvaa inlhojo amyaa apyanmongsayclha lhip apquiltemaclha apancaoc enlhitaoc.

DEUTERONOMIO 32:36

Epasmoc sat Dios Visqui ingac elmeyvoc sat, apvita inlhojo mepqui apquilyimnatem enlhitaoc apquilyacyescama siclho. Epasmiclhac sat maa, apvita inlhojo apticyovam apquilyimnatem najan mepqui apquilyimnatem.

JUECES 2:18

Dios nic nat apquilyacyescama enlhit mayayo, appasmec nic nat mataa, yoyam elvomsic tap apnaymacoc israelitas nipyesicsa cotnaja ingmoc. Apquimjapasquic nic nat apvalhoc Dios apvita inlhojo apquillingaycamco acyimtalhnama.