JEREMÍAS 17:7 - Enhlit Bible

⁷ Apquilinyejemoc enlhit aptomja mejeyasquiyam, mepqui acyasquiyam apvalhoc.

JEREMÍAS 17:7 Iomraidhean Croise

SALMOS 125:1

Ningilyimnatem ningiltomja mongyasquiyam Visqui ingac. Mepqui acyovjeycam ingvalhoc nincoo, malha inquilhe acvisay Sión. Ontimjic sat ningilyimnatem cotmongvoycamlha nelha.

SALMOS 146:5

Ningilinyejemoc anco nincoo ningiltomja simpasmom Dios, Visqui pac Jacob. Ningiltomja ningyilhanmeycam Dios Visqui ingac.

SALMOS 2:12

Eltime sat apquilayo Dios Apquitca yoyam melvejec sat. Melmasquingvomejec sat naysicsa apquileyvam. Cotlapsic sat ongvita naysicsa aplom. Apquilinyejemoc anco enlhit apquiltomja apquilyilhanmeycam Visqui ingac.

SALMOS 20:8

Apquilpilapacmec mataa poc apquilyanenma. Ningilyimnatem mataa nincoo mepqui ningilpaliyam (mepqui ningilpilapiyam).

SALMOS 34:8

Elanojo sat quellhip, elyipcon sat aptemaclha aptamila Visqui ingac. Apquilinyejemoc anco enlhit aptomja apcayo Visqui ingac.

SALMOS 40:4

Ningilinyejemo nincoo ningiltomja mongyasquiyam Visqui ingac. Mepqui nintingyey quilaycmasquiscama. Mepqui ningyiplovquiscama movan amyaa.

SALMOS 71:5

Lhip Visqui ajac aptomja aljalhneycam evalhoc najan aptomja sicyilhanmeycam ayenmo sictemaclha eyitcoc.

SALMOS 84:12

Visqui ingac apyimtalhnamo. Apquilinyejemoc anco enlhit aptomja apyilhanmeycam lhip.

PROVERBIOS 16:20

Ongmiyovalhcac sat, ningyiplovquisa inlhojo singanamaclha Visqui ingac. Ningilinyejemo nincoo, acyitna inlhojo ningyiplovquiscama appayvam Visqui ingac.

ISAÍAS 30:18

Apquiljalhnec Dios Apyimtalhnamo elilyejiclhojo quellhip, elasicjojo mocjam quellhip. Appeyvomo apanco nac Dios Apyimtalhnamo. ¡Apquilinyejemo enlhit apquiljalhanma mataa Dios Apyimtalhnamo!

ISAÍAS 61:3

Colhic sat acmesa apquilnatanma apyitsicsaoc, jave mocjam tajap apyitsicsaoc. Colhic sat acmesa apquilitsovascama, jave mocjam apava acmayovsa apquilvalhoc. Colhic sat acmesa apquilayo, jave mocjam ayay apquilvalhoc. Colhic sat alyitquisa yamit actamila najan ayimjaclha acyilhna Visqui ingac, colhic sat ayaco Dios.

JEREMÍAS 39:18

Ovomsic sat tap lhip, yoyam mematnejec. Ingyinyejic sat lhip mepqui apmatnam, ayinyema meyasquiyam lhip coo sicpayvam. Eycaso sicpayvam sicvisay Visqui apancaoc — alhta aptomjac — nic nat aptomjac Jeremías.

DANIEL 3:28

Apyimnatasquic nic nat appayvam apvisqui Nabucodonosor: —¡Mayayo nac Dios Visqui apancaoc Sadrac, najan Mesac, najan Abed-nego! Apcapajasquic lhac ángel apcasinancama elvomsic tap as enlhit apquilpeyvomo. Am lhac eljalhnoc apvisqui appayvam. Am lhac elticlhac aptapnaoc acyitnamaclha quilaycmasquiscama. Am lhac eltomjac apquilayo quilaycmasquiscama cotnaja Dios Visqui apancaoc. Am lhac elacac, yoyam eticyo.

SOFONÍAS 3:12

Elaymacpoc sat natingma enlhit mepqui apquilyimtalhnamo, mepqui ayajamalhco apquilvalhoc, najan mepqui apquilyasquiyam sicvisay.

EFESIOS 1:12

Ningiljalhanmec nat nincoo yoyam evac Cristo singvomquiscama tap. Quilhvo eyca pac ontimjic ningilayo Dios aptomja apyimtalhnamo apanco.